စက်သုံးဆီဈေးနှုန်းတွေဟာ ၅ ရက်ဆက်တိုက်တည်ငြိမ်ခဲ့ပြီး သြဂုတ်၃၀ရက်နေ့မှာတော့ စံချိန်တင်မြင့်တက်လာခဲ့တယ်လို့ စက်သုံးဆီတင်သွင်းသိုလှောင့်ဖြန့်ဖြူးခြင်းလုပ်ငန်းကြီးကြပ်ရေး ကော်မတီရဲ့ သတ်မှတ်ဈေးနှုန်းအရ သိရပါတယ်။
"ဒီနေ့ဆီဈေးကအမြင့်ဆုံးအထိတက်လာပြီ။ ဆီထည့်ရတာတော့အရင်ကနဲ့ဆို လွယ်ပါတယ်။ ဒါပေမဲ့တစ်လီတာကိုသုံးထောင်လောက်ဖြစ်လာပြီ။ ကျွန်တော်တို့ကတော့လမ်းဘေးကဆီဆိုင်ကထည့်ရတာများတယ်။တစ်လီတာဗူးတစ်ဗူးကို သုံးထောင်ငါးရာလောက်ပေးရတယ်"လို့ ဆိုင်ကယ်ကယ်ရီပြေးဆွဲသူတစ်ဦးကဆိုပါတယ်။
ရန်ကုန်မြို့ရဲ့ လူသုံးများတဲ့ ၉၂ အောက်တိန်းစက်သုံးဆီတစ်လီတာလျှင် ၂၄၉၅ကျပ်နဲ့ ၅ရက်ဆက်တိုက်တည်ငြိမ်ခဲ့ပြီး သြဂုတ် ၃၀ရက်နေ့မှာတော့ လူသုံးအများဆုံးဖြစ်တဲ့ ၉၂ အောက်တိန်းက တစ်လီတာကို ကျပ်ငွေ ၂၅၇၀အထိ မြင့်တက်လာခဲ့ပြီး၊ ၉၅ တစ်လီတာကို ကျပ်ငွေ၂၆၃၅၊ ဒီဇယ်တစ်လီတာကျပ်ငွေ ၃၂၅၅၊ Pဒီဇယ် တစ်တာကို ကျပ်ငွေ ၃၃၃၅ ကျပ်သို့လည်းကောင်း အသီးသီးဆက်လက် မြင့်တက်လာခဲ့တာပဲဖြစ်ပါတယ်။
ဒါဟာ စက်သုံးဆီတင်သွင်းသိုလှောင် ဖြန့်ဖြူးတဲ့ကော်မတီရဲ့ ရန်ကုန်အခြေပြုပြောပြထားတဲ့ ဈေးနှုန်းတွေဖြစ်ပြီး အခြားတိုင်းနဲ့ ပြည်နယ်တွေက စက်သုံးဆီဈေးနှုန်းတွေဟာ နေရာဒေသအလိုက် ကွာခြားမှုတွေရှိနေရာ တစ်လီတာလျှင် ကျပ် ၄၀၀၀ ခန့်အထိ သတ်မှတ်ထားတာကိုလည်း ဈေးကွက်အရ သိရပါတယ်။
အခုလိုစက်သုံးဆီဈေးနှုန်းမြင့်တက်လာတာဟာ သြဂုတ်လ ၈ ရက်နေ့က လူသုံးအများဆုံးဖြစ်တဲ့ ၉၂အောက်တိန်းတစ်လီတာဟာ ၁,၈၂၀ ကျပ်သာရှိခဲ့ရာကနေ ယနေ့သြဂုတ်၃၀ရက်နေ့မှာတော့ စက်သုံးဆီဈေး ဓါတ်ဆီ၊ ဒီဇယ်အဆမတန်ဈေးဟာ ရန်ကုန်ပေါက်ဈေး စက်သုံးဆီ ၉၂ အောက်တိန်းတစ်လီတာကို ကျပ်၂၅၇၀ အထိ မြင့်တက်လာခဲ့ပြီး ပြင်ပပေါက်ဈေးမှာတော့ ရေသန့်တစ်ဗူးလျှင် ၃၅၀၀ အထိ မြင့်တက်လာတာပဲဖြစ်ပါတယ်။
ဒါ့အပြင် စက်သုံးဆီတင်သွင်းခွင့်ရပြီး ခွဲတမ်းရရှိထားသူတွေအနေနဲ့ စစ်ကောင်စီရဲ့ခွင့်ပြုချက်တွေ သတ်မှတ်ချက်တွေအတိုင်း ဆောင်ရွက်ရန်နဲ့ စက်သုံးဆီကိုလည်း စစ်ကောင်စီတပ်နဲ့ ၀န်ကြီးဌာနတွေကိုခွဲဝေပေးရဖို့ အပါအ၀င် စည်းကမ်းချက် ၁၀ ချက်ကိုလည်း မကြာမီရက်ပိုင်းက ထုတ်ပြန်ထားပါသေးတယ်။
MyanmarLabourNews