တောင်ကိုရီးယားနိုင်ငံမှ မြန်မာလုပ်သားခေါ်ယူရန် အလုပ်ခေါ်စာ ၇၀၀ ကျော်အထိရှိတယ်လို့ အစိုးရပြည်အလုပ်အကိုင်အေဂျင်စီ(POEA)ရဲ့ ထုတ်ပြန်ချက်အရ သိရပါတယ်။
တောင်ကိုရီးယားနိုင်ငံအနေနဲ့ မြန်မာလုပ်သားခေါ်ယူမှုကို ယခုနှစ်ဆန်းပိုင်းကစပြီး ဆက်တိုက်ခေါ်ယူလျက်ရှိရာ ယခုလအတွင်းအလုပ်ခေါ်စာပေးပို့လာမှုအရ အစိုးရပြည်ပအလုပ်အကိုင်အေဂျင်စီအနေဖြင့် အလုပ်ခေါ်စာရရှိတဲ့အလုပ်သမား ၇၆၀ ဦး ရဲ့အမည်စာရင်းကို ထုတ်ပြန်ကြေညာလိုက်တာပဲဖြစ်ပါတယ်။
'' ဒီဟာသာထုတ်ပြန်ထားတာ။ စာမေးပွဲဖြေဖို့ကျ ဘယ်တော့ဖြေရမယ်ဆိုတာ ခုထိမကြေညာသေးဘူး။ ကြာနေပြီ။ လကုန်လောက်တော့ထူးမယ်လို့ထင်တယ်။ ကျွန်တော်တို့လည်းစောင့်ကြည့်နေရတယ်''လို့ ကိုရီးယားသို့သွားရောက်လုပ်ကိုင်ရန် ပြင်ဆင်နေတဲ့အလုပ်သမားတစ်ဦးကပြောပါတယ်။
ထုတ်ပြန်ချက်အရ အလုပ်ခေါ်စာရရှိသူအလုပ်သမားတွေအနေနဲ့ အချက် အလက်ကွဲလွဲပါက ဆက်သွယ်ကြရန်လိုအပ်ပြီး ပတ်စ်ပို့သက်တမ်း (၁)နှစ်မပြည့်တော့ရင် လည်း သက်တမ်းတိုးထားရန်နဲ့ ကိုဗစ်ကာကွယ်ဆေးနှစ်ကြိမ်ထိုးထားဖို့လည်း လိုအပ်တယ်လို့သိရပါတယ်။
တောင်ကိုရီးယားနိုင်သို့သွားရောက်လုပ်ကိုင်မှုဟာ ယခုနှစ်အတွင်း ၄,၀၀၀ခန့်အထိ သွားရောက်ပြီးဖြစ်သလို လက်ရှိသွားရောက်လုပ်ကိုင်ရန် စာမေးပွဲဖြေဆိုဖို့ ပြင်ဆင်နေသူ ၃၇၀၀၀ ကျော်အထိရှိနေပါတယ်။
ဒါ့အပြင်တောင်ကိုရီးယားနိုင်ငံမှာ ရောက်ရှိလုပ်ကိုင်နေသူ ၄၅,၀၀၀ ခန့်ရှိနေပြီလို့လည်း မှတ်တမ်းတွေအရ သိရပါတယ်။
MyanmarLabourNews