NEWS

စက်သုံးဆီဈေး တက်ဈေးနဲ့ ၅ ရက်ခန့်တည်ငြိမ်ခဲ့ပြီး ဆက်လက်မြင့်တက်လာ

CoverLogo
2K Views

စက်သုံးဆီဈေးတွေဟာ သြဂုတ်၁၉ရက်နေ့ကစပြီး  တက်ဈေးအတိုင်း ၅ရက်ဆက်တိုက်ဈေး တည်ငြိမ်နေခဲ့ပြီးမှ  သြဂုတ်၂၄ရက်မှာတော့  ဆက်လက်မြင့်တက်လာခဲ့ပါတယ်။

ရန်ကုန်မြို့ရဲ့ စက်သုံးဆီဈေးနှုန်းတွေမှာ စက်သုံးဆီတင်သွင်းသိုလှောင့်ဖြန့်ဖြူးတဲ့ကော်မတီရဲ့ ရည်ညွှန်းသတ်မှတ်ဈေးအရ လူသုံးအများဆုံးဖြစ်တဲ့ ၉၂ အောက်တိန်းက တစ်လီတာကို ကျပ်ငွေ ၂၃၉၀ မှ၂၄၄၀သို့၊ ၉၅ အောက်တိန်းက တစ်လီတာကို ကျပ်ငွေ ၂၄၈၀ မှ  ၂၅၂၅သို့၊ ဒီဇယ်၂၈၆၅မှ ၃၀၀၀သို့  Pဒီဇယ် ၂၉၄၀မှ ၃၀၈၀သို့လည်းကောင်း အတက်ကြမ်းလာခဲ့တာပဲဖြစ်ပါတယ်။

"အာဒီနေ့ကအတက်ကြမ်းတယ်ဗျာ။  92 က၅၀ တက်လာတယ်။ 95က ၄၅ကျပ်တက်လာတယ်။ ဒီဇယ်ဆို၁၃၅ကျပ်တောင်တက်လာတယ်။ P ဒီဇယ်ဆို ၁၄၀အထိတက်လာတယ်။  အတက်ကြမ်းတယ်ဗျာ။ ဓတ်ဆီနဲ့ဒီဇယ်ဆီတွေဒီလောက်အထိအတက်ကြမ်းနေမှတော့ စက်နဲ့လည်ပတ်ရတဲ့လုပ်ငန်းတွေ ထုတ်ကုန်တွေ  အကုန်ဈေးတက်ပြီပေါ့ဗျာ။  ဘယ်လိုဆက်လုပ်ကြမလဲ အကုန်အငတ်ဘေး ရောက်ကုန်တော့မယ်လို့ ပုံနှိပ်တိုက်လုပ်ငန်းတစ်ခုမှ အလုပ်ရှင်တစ်ဦးကဆိုပါတယ်။

လက်ရှိသတ်မှတ်ဈေးနှုန်းတွေဟာ  အာဏာသိမ်းပြီးကတည်းကစလို့ သတ်မှတ်ခဲ့တဲ့ စက်သုံးဆီဈေးတွေထဲမှာ အမြင့်ဆုံးဈေးနှုန်းတွေဖြစ်ပါတယ်။ ဒါဟာ ရန်ကုန်အခြေပြုပြောပြထားတဲ့ ဈေးနှုန်းတွေဖြစ်ပြီး အခြားတိုင်းနဲ့ ပြည်နယ်တွေက နယ်မြို့ဒေသတွေမှာဆိုရင် စက်သုံးဆီဈေးဟာ ကွာခြားမှုတွေရှိနေတာဖြစ်ပြီး  ကျိုင်းတုံမှာဆိုရင် ၉၂တစ်လီတာကို ၂၈၈၅ကျပ်အထိသတ်မှတ်ထားခြင်းဖြစ်တယ်လို့ သိရပါတယ်။

 

MyanmarLabourNews


Related posts

Cover
ခရီးသွားလာရာတွင် မှတ်ပုံတင်အပြင် တခြားထောက်ခံစာပါ တောင်းယူ
Mar 22, 2024
Cover
စစ်မှုထမ်းရန်ဆင့်ခေါ်စာပေးပို့မှုများကြောင့် သားယောက်ျားလေးရှင်မိဘတွေ စိုးရိမ်သောကရောက်နေရ
Mar 15, 2024
Cover
Facebook account များ ပြန်လည်အသုံးပြုနိုင်
Mar 05, 2024
Cover
Facebook account များအသုံးပြုမရဖြစ်နေ
Mar 05, 2024
Cover
ပေါ်တာဆွဲသည့် သတင်းတွေထွက်ပေါ်နေပြီး အခြေခံပြည်သူတွေအကြားစိုးရိမ်မှုတွေမြင့်တက်နေ
Feb 17, 2024
Cover
ပြည်ပနိုင်ငံများမှ အလုပ်ခေါ်စာလက်ခံမှု ယာယီရပ်ဆိုင်း
Feb 14, 2024
Cover
စက်ရုံလုပ်သားတွေထံက အချက်အလက်များစတင်ကောက်ယူနေ၊ ပြည်သူများစစ်မှုထမ်းရမဲ့ဥပဒေထုတ်ပြန်ချက်ကြောင့် စက်ရုံအလုပ်သမားတွေကြားစိုးရိမ်မှုမြင့်တက်လျှက်ရှိ
Feb 14, 2024