မလေးရှားနိုင်ငံမှာ အလုပ်လုပ်ကိုင်ဖို့ မြန်မာလုပ်သားခေါ်ယူမှုတွေမြင့်တက်လာသော်လည်း အလုပ်ရှင်တွေရဲ့ မြန်မာအလုပ်သမားအသစ်ခေါ်ယူတွေကိုတော့ ယာယီတားမြစ်လိုက်တယ်လို့သိရပါတယ်။
"ကျွန်တော်တို့ အေဂျင်စီတွေအနေနဲ့ သိရသလောက်ကတော့ ဗီဇာကျပြီးသားအဟောင်းတွေတော့ သွားလို့ရနေပါတယ်။ အလုပ်သမားအသစ်ခေါ်ယူတာကိုတော့ ယာယီပိတ်လိုက်တယ်။ ဒါကလည်း မလေးရှားနိုင်ငံမှာကျင့်သုံးမဲ့ အလုပ်သမားအသစ်ခေါ်ယူခွင့်မူဝါဒကိုပြင်ဆင်ဖို့အတွက်ယာယီပိတ်တာပါ။ ဗီဇာကျပြီးသားတွေသွားလို့ရပါတယ်လို့ မလေးရှားသို့အလုပ်သမားစေလွှတ်နေတဲ့ အေဂျင်စီတစ်ခုမှ ဒါရိုက်တာဖြစ်သူက ပြောပါတယ်။
မလေးရှားနိုင်ငံမှအလုပ်ရှင်များရဲ့ အလုပ်သမားသစ်ခေါ်ယူခြင်းနဲ့ပတ်သက်ပြီး နိုင်ငံခြားသားအလုပ်သမားဥပဒေအသစ်ကို ကျင့်သုံးမှာဖြစ်တာကြောင့် အလုပ်သမားသစ်ခေါ်ယူခွင့်ကို သြဂုတ်၁၅ရက် ကစပြီး လကုန်၃၁ရက်အထိ အလုပ်သမားခေါ်ယူခွင့်လျှောက်ထားမှုရပ်နားထားတာပဲဖြစ်ပါတယ်။
အဲ့ဒီလိုပိတ်ပင်လိုက်တဲ့အပေါ်မှာလည်း လျှောက်ထားမှုကို ယခုနှစ်ကုန်အထိရွှေ့ဆိုင်းလိုက်တယ်လို့ သတင်းထွက်ပေါ်နေပေမဲ့ မလေးရှားအစိုးရရဲ့ အတည်ပြုထုတ်ပြန်ချက်တွေ မတွေ့ရသေးဘူးလို့လည်း မလေးရှားရောက်မြန်မာအလုပ်သမားများအရေး ကူညီဆောင်ရွက်သူတစ်ဦးက ဆိုပါတယ်။
မလေးရှားနိုင်ငံဟာ မြန်မာအလုပ်သမားတွေအများဆုံးသွားရောက်လုပ်ကိုင်နေတဲ့နိုင်ငံတစ်ခုဖြစ်ပြီး လက်ရှိမြန်မာလုပ်သား နှစ်သိန်းကျော်တရားဝင်ရောက်လုပ်ကိုင်နေတဲ့အပြင် လတ်တလောကာလတွင် တရားမ၀င်၀င်ရောက်မှုတွေ ပိုမိုများလာတာတာကြောင့် နေ့စဉ်ဖမ်ဆီးခံရမှုတွေလည်း ရှိနေတယ်လို့ သိရပါတယ်။
MyanmarLabourNews