အထည်ချုပ်လုပ်ငန်းကဏ္ဍမှာ နိုင်ငံတကာအမှတ်တံဆိပ်တွေအနေနဲ့ အကျိုးအမြတ်ရရှိရေးသာဦးစားပေးလုပ်ဆောင်နေပြီး လုပ်သားအခွင့်အရေးချိုးဖောက်ခံရမှုတွေကို လစ်လျူရှု့နေတယ်လို့ဆို
Editor
အထည်ချုပ်လုပ်ငန်းကဏ္ဍမှာ နိုင်ငံတကာအမှတ်တံဆိပ်တွေအနေနဲ့ အကျိုးအမြတ်ရရှိရေးသာဦးစားပေးလုပ်ဆောင်နေပြီး လုပ်သားအခွင့်အရေးချိုးဖောက်ခံရမှုတွေကို လစ်လျူရှု့နေတယ်လို့ဆို ဩဂုတ် မြန်မာနိုင်ငံရဲ့ လုပ်သားဈေးကွက်ကို အလုပ်အကိုင်အများဆုံးဖန်တီးပေးနေတာကတော့အထည်ချုပ်လုပ်ငန်းကဏ္ဍဖြစ်ပါတယ်။ CMP စနစ်နဲ့ လုပ်ကိုင်နေတဲ့ အထည်ချုပ်လုပ်ငန်းတွေထဲမှာမှ နိုင်ငံတကာနာမည်ကြီး ကုန်အမှတ်တံဆိပ်တွေလည်း ချုပ်လုပ်နေကြတာပါ၊ အချိန်ကြာလာတာနဲ့အမျှ ၎င်းတို့ရဲ့ အကျိုးအမြတ်ရရှိရေးကိုသာ လုပ်ဆောင်နေပြီး ဒီကဏ္ဍမှာလုပ်ကိုင်နေတဲ့ လုပ်သားတွေရဲ့ ဥပဒေပါ လုပ်သားအခွင့်အရေးချိုးဖောက်နေမှုကိုလစ်လျူရှု့ထားတယ်လို့ သွေးစည်းညီညွတ်သောအလုပ်သမားသမဂ္ဂများအဖွဲ့ချုပ် STUM ဥက္ကဌ ဒေါ်မျိုးအေးကပြောဆိုလိုက်ပါတယ်။ နိုင်ငံတကာ အမှတ်တံဆိပ်တွေချုပ်လုပ်တဲ့ စက်ရုံအလုပ်ရုံတွေမှာ လုပ်သားအခွင့်အရေးချိုးဖောက်ခံနေရမှုတွေကို SMART Myanmar အဖွဲ့အစည်းက အမှတ်တံဆိပ်တွေကိုယ်စား ဝင်ရောက်ဖြေရှင်းပေးနေပေမယ့် နိုင်ငံတကာအမှတ်တံဆိပ်တွေရဲ့ အကျိုးစီးပွားကိုကာကွယ်ဖို့သာ လုပ်ဆောင်နေတာတွေ့ရှိရတယ်လို့ ယင်းကပြောဆိုပါတယ်။ ယင်းလုပ်ရပ်တွေကို ရပ်တန်းက ရပ်သင့်ပြီလို့လည်း အလုပ်သမားအရေးဆောင်ရွက်သူဖြစ်တဲ့ဒေါ်မျိုးအေးက ပြောဆိုပါတယ်။ ဒါ့အပြင် လုပ်ငန်းခွင်တွေမှာ အလုပ်သမားဥပဒေတွေကို နားလည်မှုမရှိဘဲ စီမံခန့်ခွဲမှုအလွဲတွေနဲ့ လုပ်ငန်းခွင်ဆိုင်ရာအခွင့်အရေးချိုးဖောက်မှုတွေ ရှိနေပြီး လုပ်ငန်းရှင်တွေအနေနဲ့ ဥပဒေနားလည်တဲ့ ကျွမ်းကျင်သူတွေကိုသာခန့်အပ်သင့်တယ်လို့ လည်း ယင်းက ပြောဆိုပါတယ်။ လုပ်ငန်းခွင်အတွင်းက အလုပ်သမားတွေအရေးကိစ္စကိုကိုင်တွယ်ရာမှာ အလုပ်သမားကိုဖိနှိပ်ပြီး အကြောက်တရားနဲ့ ဖြေရှင်းတာမျိုးတွေ အလွယ်တကူ အလုပ်ထုတ်တာတွေ သမဂ္ဂအဖွဲဝင်တွေကို ခေါင်းဆောင်ရာထူးပေးပြီး သမဂ္ဂဖြိုခွင်းဖို့ ကြိုးစားတာ၊ ခေတ်ကာလ နိုင်ငံရေးကို အမြတ်ထုတ်ပြီး ဥပဒေကို ပြောင်ပြောင်တင်းတင်းချိုးဖောက်တာ၊ နိုင်ငံတကာနာမည်ကြီးအမှတ်တံဆိပ်တွေချုပ်လုပ်ပေမယ့် လုပ်ခလစာကို အနိမ့်ဆုံးအဆင့်နဲ့သာပေးချေတာတွေက မြန်မာ့လုပ်သားတွေရဲ့ လုပ်အားခကို ဈေးပေါပေါနဲ့ ကျွန်ပြုတဲ့လုပ်ရပ်တွေဖြစ်တယ်လို့ အလုပ်သမားအရေးဆောင်ရွက်သူတွေက သုံးသပ်ထားပါတယ်။ MyanmarLabourNews
Related News
