NEWS

ထိုင်းဆောက်လုပ်ရေးလုပ်ငန်းမှ မြန်မာလုပ်သားမိသားစုထိုင်းအစိုးရထီ ဘတ် ၆ သန်းဆု ဆွတ်ခူး

CoverLogo
77 Views
 
ထိုင်းနိုင်ငံ၊ ချွန်ဘူရီမြို့ရှိ ဆောက်လုပ်ရေး လုပ်ငန်း ခွင် တစ်ခုမှာ အလုပ်လုပ်ကိုင်နေတဲ့ မြန်မာရွှေ့ပြောင်းအလုပ်သမား ဇနီးမောင်နှံနှစ်ဦးဟာ ထိုင်းအစိုးရ ထီ ရဲ့ အမြင့်ဆုံးဆုဖြစ်တဲ့ ဘတ် ၆ သန်းဆု ဆွတ်ခူးခဲ့တယ်လို့ ထိုင်းရောက်မြန်မာလုပ်သားအရေးကူညီပေးနေတဲ့ MHAC မဟာမိတ်အဖွဲ့ထံ မှ သိရပါတယ်။
ပြီးခဲ့တဲ့ မေလ ၂ ရက်နေ့က ဖွင့်လှစ်ခဲ့တဲ့ ထိုင်းအစိုးရထီဖွင့်ပွဲမှာ ၂၁၃၃၈၈ ဂဏန်းနဲ့ ဘတ် ၆ သန်းဆုပေါက်ပြီး ကံထူးရှင်ဖြစ်ခဲ့တယ်လို့ ဆိုပါတယ်။
ထီဆုကြီး ကံထူးခဲ့တဲ့ မြန်မာလုပ်သားဇနီးမောင်နှံဟာ ဧပြီလ ၂၉ ရက်နေ့ ညနေပိုင်းက အလုပ်ကပြန်လာချိန် ၎င်းတို့ရဲ့ သားလေးကို ထီလက်မှတ်သွားဝယ်ခိုင်းရာမှ ၎င်း ထီလက်မှတ်ကနေ ဘတ် ၆ သန်းဆုပေါက် တာဖြစ်တယ်လို့ သိရပါတယ်။
ထီဆုပေါက်သူ ဇနီးမောင်နှံနှစ်ဦးဟာ ဆုငွေထုတ်ယူရေးကိစ္စနဲ့ပတ်သက်ပြီး ထိုင်းရောက်မြန်မာလုပ်သားအရေးကူညီဆောင်ရွက်ပေးနေတဲ့ M.H.A.C မဟာမိတ် ကိုရဲမင်းအဖွဲ့ကို ဆက်သွယ်အကူအညီတောင်းခံတဲ့ အတွက် MHAC ရုံးအဖွဲ့က မေလ ၆ ရက်နေ့မှာ နေ့ချင်းပြီးဆုငွေထုတ်ယူပေးခဲ့ပြီး ကာ ယကံရှင် ဇနီးမောင်နှံနှစ်ဦးရဲ့ လက်ဝယ်ကို ပေးအပ်ခဲ့တယ်လို့ သိရပါတယ်။
ကိုရဲမင်းဦးဆောင်တဲ့ M.H.A.C မဟာမိတ်အဖွဲ့အနေဖြင့် ထိုင်းအစိုးရထီရဲ့ အမြင့်ဆုံး ဘတ် ၆ သန်းဆုပေါက်တဲ့ ထိုင်းရောက် မြန်မာအလုပ်သမားတွေကို အခုအကြိမ်အပါအဝင် ဆုငွေထုတ်ယူရာမှာလိုက်ပါကူညီဆောင်ရွက်ပေးခဲ့ရာ မှာ နှစ်စောင်တွဲ ကံထူးရှင် (၇) ဦး အပါအဝင် ကံထူးရှင် (၅၇) ဦးအထိ ရှိပြီဖြစ်တယ်လို့သိရပါတယ်။

Related posts

Cover
UA Electronic Co.,Ltd စက်ရုံမှာ လုပ်ခလစာ တိုးမြှင့်ရေး တောင်းဆိုမှု ပြုလုပ်
May 17, 2025
Cover
Myanmar Xiang He စက်ရုံတွင် လုပ်ခတိုးမြှင့်ရေး တောင်းဆိုမှုအပြီး အလုပ်သမားနှစ်ဦးအား အလုပ်ထုတ်
May 17, 2025
Cover
ဒေးကြေးတိုးပေးဖို့ ဆန္ဒပြတောင်းဆိုတဲ့ Tianjin Fashion Milestone Garment မှာ ညှိနှိုင်းမှု မရှိသေးဘဲ စစ်ကောင်စီတပ်သားတွေသာရောက်ရှိလာ
May 17, 2025
Cover
အနည်းဆုံးအခကြေးငွေပြင်ဆင်နိုင်ရေး ပြန်လည်ဆွေးနွေးမှုများလုပ်ဆောင်ရန်လိုနေ
May 17, 2025
Cover
ချန်းရိ စက်ရုံ သုံးပွင့်ဆိုင် ညှိနှိုင်းမှုတွေ ပြုလုပ်နေ
May 16, 2025
Cover
ဒေးကြေးတိုးပေးဖို့ Tianjin Fashion Milestone Garment အလုပ်သမားတွေ ဆန္ဒပြတောင်းဆိုနေ
May 16, 2025
Cover
Tian Yu စက်ရုံ စစ်ဆေးရေး ဝင်တိုင်း လိမ်လည် ဖြေကြားခိုင်း၊ အမှန်တိုင်းဖြေမိသူ အလုပ်ထုတ်ခံရ
May 16, 2025
Cover
Dishang Fashion Myanmar စက်ရုံလုပ်သားများ တစ်လ တစ်ရက်သာ နားခွင့်ရ
May 16, 2025