မြန်မာအထည်ချုပ် ကဏ္ဍမှ လုပ်သားခြောက်သောင်းကျော်ဟာ အလုပ်သမား ရပိုင်ခွင့်နဲ့လူ့အခွင့်အရေး ချိုးဖောက်ခံရမှုတွေဖြစ်ပေါ်နေ

cover
profile
Jul 29, 2022

မြန်မာနိုင်ငံမှာ  စစ်အာဏာသိမ်းပြီးနောက်ပိုင်း  မြန်မာအထည်ချုပ် ကဏ္ဍမှ အလုပ်သမား ခြောက်သောင်းကျော်ဟာ အလုပ်သမား ရပိုင်ခွင့်နဲ့ လူ့အခွင့်အရေးချိုးဖောက်ခံရမှုတွေ ပိုပိုများလာတယ်လို့ သိရပါတယ်။

ပြည်ပအခြေစိုက် စီးပွားရေးနှင့်လူ့အခွင့်အရေးအရင်းအမြစ်ဌာနအနေနဲ့  မြန်မာအထည်ချုပ် ကဏ္ဍမှ လုပ်သားခြောက်သောင်းကျော်ဟာ  အလုပ်သမား ရပိုင်ခွင့်နဲ့ လူ့အခွင့်အရေး ချိုးဖောက်ခံရမှုတွေ ဖြစ်နေပြီး  အလုပ်သမားအခွင့်အရေးချိးဖောက်ခံရမှုဖြစ်စဉ်ပေါင်း ၁၀၄ မှုတို့ အပါ် အချက်အလက်စုဆောင်းပြီး အစီရင်ခံစာတစောင် ထုတ်ပြန်ထားတာပဲဖြစ်ပါတယ်။ 

"အခွင့်အရေးချိုးဖောက်နေတာကတော့ Brand တွေကအများဆုံးဆိုတာ ခုမှအသံထွက်တာပါ။ ဖြစ်နေတာကတော့အရင်ကတည်းက အဲ့အပေါ်ကအသံမထွက်လာတာလည်းရှိတသလို ကရုမစိုက်မိတာလည်းရှိမယ်။ ကျွန်မတို့အနေနဲ့ကတော့ အရင်ကတည်းကပြောလာတယ်။ ခုလည်းပြောနေတယ်။ နောက်လည်းဆက်ပြောနေမယ်။ ချိုးဖောက်ရင်ချိုးဖောက်သလိုပြောပါမယ်။  ဘာလို့ သူတို့ကပိုချိုးဖောက်နေကြလည်းဆိုရင် Brand တွေက မြန်မာနိုင်ငံ မြန်မာလုပ်ငန်းရှင်တွေနဲ့  အထည်ချုပ်တွေနဲ့ တိုက်ရိုက်မရှိဘူး။ တရုတ်တို့ကိုရီးယားတို့ဂျပန်တို့ တရုတ်ကအများဆုံးပေါ့။ Brand နဲ့ တရုတ်နဲ့ချုပ်တာ ချုပ်ပြီးအဲ့ကုမ္ပဏီရဲ့လက်အောက်ခံကုမ္ပဏီက မြန်မာမှာလုပ်လို့ အဲ့Brand ကမြန်မာထဲကိုရောက်လာတာပါ။ သူတို့ကအစကတည်းကိုက အလုပ်သမားတွေရဲ့ အခွင့်အရေးတွေကို ချိုးဖောက်တာ။ တာ၀န်ယူမှုမ၇ှိတာ။ လစ်လျူရှုတာ အစိုးရကိုကရုမစိုက်တာ ငွေနဲ့ပေ့ါက်ပီး လုပ်ချင်တာတွေလုပ်နေတာကြောင့် သူတို့တွေကပ်ိုဆိုးတယ်လို့ပြောတာပါ" လို့ ဒါနဲ့ပတ်သက်လို့ အလုပ်သမားအရေးအစဉ်မပြတ်ကူညီဆောင်ရွက်ပေးနေတဲ့ ဒေါ်မျိုးအေးက ပြောဆိုပါတယ်။

မြန်မာနိုင်ငံမှာ စစ်တပ်အာဏာသိမ်းပြီးနောက် ပြည်တွင်းအထည်ချုပ်လုပ်သားတွေရဲ့ ရပိုင်ခွင့် အခွင့်အရေးချိုးဖောက်ခံရမှုတွေ ဆက်တိုက်ဖြစ်ပွားနေရာမှာ  Zara နဲ့ H&M အပါအဝင် ကမ္ဘာ့နာမည်ကြီး အထည်အလိပ်လုပ်ငန်းတွေနဲ့ နာမည်ကြီး Brand တွေ နာမည်ကြီးအထည်အလိပ်ချုပ်နေတဲ့ Adidas ၊ Inditex (Zara and Bershka) ၊ Fast Retailing (Uniqlo) ၊ Hennes & Mauritz (H&M) ၊ Primark အမှတ်တံဆိပ်တွေလည်း စာရင်းပါဝင်နေတယ်လို့  ပြည်ပအခြေစိုက် စီးပွားရေးနှင့်လူ့အခွင့်အရေးအရင်းအမြစ်ဌာနကဖော်ပြထားတယ်လို့သိရပါတယ်။

ဒါ့အပြင် ၎င်းတို့အဖွဲ့ပြုစုထားတဲ့  အစီရင်ခံစာမှာလည်း  အထည်ချုပ်စက်ရုံပေါင်း ၇၀ ရှိတဲ့အနက် ကမ္ဘာ့ နာမည်ကြီး ကုန်အမှတ်တံဆိပ် အထည်အလိပ်တွေကို ချုပ်လုပ်ပေးနေတဲ့ စက်ရုံပေါင်း ၃၂ ရုံမှ အချက်အလက်တွေကိုလည်း ထည့်သွင်းထားတယ်လို့ South China Morning Post ဖော်ပြချက်အရ သိရပါတယ်။

မြန်မာနိုင်ငံမှာ  စစ်တပ်အာဏာမသိမ်းခင် မြန်မာ့အထည်ချုပ်ကဏ္ဍမှာ လုပ်သားအင်အား ၇ သိန်းခန့် ရှိပြီး အာဏာသိမ်းပြီးနောက် ၂၀၂၁ ခုနှစ် ပထမနှစ်ဝက်မှာတင် အလုပ်အကိုင်ပေါင်း ၂ သိန်းခွဲကျော် ဆုံးရှုံး ခဲ့ရပြီး အလုပ်ဆက်ရှိသူတွေထဲက ထက်ဝက်ကျော်လောက်ကလည်း အလုပ်ချိန်တွေ ဖြတ်တောက်ခံနေရတဲ့အကြောင်း (ILO) ကဖော်ပြထားပါတယ်။

အခုလို အလုပ်သမားအခွင့်အရေးချိုးဖောက်ခံရမှုူတွေကို  ကိန်းဂဏန်းတွေအတိအကျဖော်ပြထားသော်လည်း လက်ရှိအနေအထားအရ အရေအတွက် တရား၀င်ပြောနိုင်တာတောင်မှ  အခွင့်အရေးချိုးဖောက်မှုတွေက လက်ရှိကိန်းဂဏန်းတွေအရ ပိုများနို်င်တယ်လို့လည်း  အလုပ်သမားအရေးဆောင်ရွက်သူတွေက သုံးသပ်ပြောဆိုထားပါတယ်။


 

218 Views

Related News

cover
ဒီတကြိမ်မှာငြိမ်ခံနေလိုက်ရင် ဘယ်တော့မှရမှာမဟုတ်တော့ဘူးလေ။
Aug 15, 2022
cover
ပိတ်ရက်မှာ အနားယူခွင့်မရှိဘဲ အလုပ်လုပ်ကိုင်နေရတယ်လို့ TRISTATE MYANMAR စက်ရုံလုပ်သားတွေပြော
Aug 14, 2022
cover
အလုပ် ၁ ရက်ပျက်ပါက အလုပ်မှထုတ်ပယ်သည်အထိ လုပ်ငန်းခွင်အတွင်း လုပ်သားအခွင့်အရေးချိုးဖောက်ခံရခြင်းများဖြစ်ပေါ်နေဟုဆို
Aug 13, 2022
cover
အချိန်ပို အတင်းအကြပ်ခိုင်းစေမှု၊ လုပ်အားခဖြတ်တောက်မှုနဲ့ အလကားနီးပါး ခိုင်းစေမှုတွေဖြစ်ပေါ်နေပြီး နိုင်ငံရေးအခြေအနေအရ တောင်းဆိုရန်ခက်ခဲနေဟုဆို
Aug 12, 2022
cover
PMG အမျိုးသမီးအလုပ်သမားများသပိတ် ၅ရက်မြောက်နေ့ ဆက်လက်သပိတ်မှောက်တောင်းဆို
Aug 12, 2022
cover
လုပ်ငန်းခွင်အတွင်း ခွင့်ခံစားခွင့်မရတာ၊ အချိန်ပိုအတင်းအကြပ် ခိုင်းစေတာတွေရှိနေတယ်လို့ဆို
Aug 11, 2022
cover
အလုပ်သမားရေးရာပေးစာ
Aug 11, 2022
cover
ပြည်ပအလုပ်အကိုင်အကျိုးဆောင်ကုမ္ပဏီ ၄၀၀ နီးပါးရှိ၊ လိုင်စင်အသစ်လျှောက်ထားလိုသူတွေရှိနေ
Aug 10, 2022
cover
မလေးရှားတွင် အော်ပရာစီစီမံချက်ဖြင့် နေအိမ်တိုက်ခန်းများအတွင်းထိလိုက်လံဖမ်းဆီးနေ
Aug 10, 2022
cover
နိုင်ငံသားစီစစ်ရေးကတ် ၅ / နှင့် ၈ / ကိုင်ဆောင်သည့် အလုပ်သမားများ အပါအဝင် ၄၀ ကျော် နစ်နာကြေးမပေးဘဲ အလုပ်ထုတ်ခံရ အလုပ်ပြန်မခန့်ပါက ရသင့်ရထိုက်သည့် လျော်ကြေးများရလိုဟုဆို
Aug 9, 2022



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle