ဟန်ပြပြည်တော်သာအရေးနဲ့စတေးခံရတဲ့ကျူး

cover
profile
Dec 8, 2021

ရန်ကုန်၊ မန္တလေးအစရှိတဲ့မြို့ကြီးတွေကပြည်တွင်းရွှေ့ပြောင်းလုပ်သားတွေအခြေချနေထိုင်တဲ့နေအိမ်တွေကိုစစ်တပ်ကအာဏာသိမ်းပြီးနောက်မှာပဲအင်တိုက်အားတိုက်ရှင်းလင်းတာတွေလုပ်လာပါတယ်။

မြို့တော်သန့်ရှင်းရေးသာယာရေးဘယ်လိုပဲခေါင်းစဥ်တပ်တပ်ပြည်သူတွေဟာအဓမ္မနည်းနဲ့ချိန်းခြောက်နှင်ထုတ်ခံနေရတယ်ဆိုတာကျူးရှင်းလင်းရေးအမည်တပ်ထားတဲ့ကိစ္စတွေကနေထွက်ပေါ်လာတဲ့သတင်းအချက်အလက်နဲ့မှတ်တမ်းဓါတ်ပုံတွေကဆိုနိုင်ပါတယ်။

"ခုကျတော်တို့ကိုရဲနဲ့ရွာသားတွေကလာပြောသွားတယ်တပတ်အတွင်းဖယ်ပေးဖို့ဆိုတော့ကျတော်တို့ဘယ်နားသွားနေရတော့မှာလဲ နေစရာလေးရှိမှစားစရာကရှာလို့ရမှာလေ"လို့ ကျူးလို့သတ်မှတ်ထားတဲ့နေရာမှာနေထိုင်တဲ့ပြည်သူတဦးဖြစ်တဲ့ကိုတိုးကျော်(အမည်လွှဲ)ကပြောပါတယ်။

ကိုတိုးကျော်တို့နေထိုင်တဲ့နေရာက ရန်ကုန်တိုင်းလှိုင်သာယာအရှေ့ပိုင်းခရိုင်‌ညောင်ရွာလေးနားမှာရှိပြီးတော့အိမ်ခြေပေါင်း ၁၅၀၀ နဲ့လူဦးရေသောင်းဂဏန်းဝန်းကျင်မှီတင်းနေထိုင်ကြတာပါ။

နေထိုင်သူအများစုကတော့နာဂစ်မုန်းတိုင်းဒဏ်သင့်ကျေးရွာတွေကနေရေကြည်ရာ မျက်နုရာရွှေ့ပြောင်းလုပ်ကိုင်စားသောက်ကြသူတွေပါ။

"နေလာတာကလဲဒီမှာအရင်ထဲက တောင်းသမျှလူပေးပြီးနေရာရတာပါ ရွာတွေမှာလဲဘာမှရှိတာမဟုတ်ဖူး။ လယ်လဲပြန်မလုပ်တတ်တော့ဘူး ခုအားခြင်းကြီးတွေ ခုလိုလုပ်လာတယ်ဆိုတော့ကျတော်တို့ကဆင်းရဲသားပဲသူတို့ကိုဘယ်လိုတုံ့ပြန်နိုင်ပါ့မလဲဗျာပြုသမျှခံရယုံပဲဖြစ်နေတာ"လို့ ကိုတိုးကျော်ကဆက်ပြောပါတယ်။

မြေယာပိုင်ဆိုင်တယ်ဆိုသူတွေကနေစစ်တပ်နဲ့ရဲကိုအသုံးချပြီးငွေပေးနှင်ထုတ်ခိုင်းတာတွေရှိနေသလိုသူဌေးပေါက်စတွေကပဲ နှင်ထုတ်ခံရတဲ့ပြည်သူတွေဆီကနေငွေကြေးအနည်းငယ်ပေးပြီးပြန်ဝယ်နေတာမျိုးတွေလဲရှိနေတယ်လို့လဲ ကျူးနေပြည်သူတွေထံကတဆင့် ကြားသိရပါတယ်။

"ငါတို့လဲဒါလေးတွေရှင်းမှအောက်ပေါက်လေးစားရတာလို့ရဲကပြောတာကြားတယ် ဖျက်ဖို့စာတွေကလဲတရားဝင်ကိုမဟုတ်ဖူး။ ဘယ်ကထုတ်လို့ထုတ်မှန်းကိုမသိတာဗျာ သူတို့ကအမိန့်နဲ့လုပ်နေတာကြီးကျတော်တို့မှာမိသားစုထောင်ချီပြီးဒုက္ခပင်လယ်ဝေနေရပြီ"လို့ ကျူးနေပြည်သူတဦးကပြောပါတယ်။

ကျူးဆိုပြီးအဓမ္မဖယ်ရှားရှင်းလင်းခံရတဲ့အပြင်အဆောင်နဲ့လိုင်းခန်းတွေပြောင်းနေပြန်ရင်လဲကန့်သတ်ချက်တွေရှိနေတာကြောင့်မိသားစုများတဲ့သူတွေအတွက်နေစရာကအခက်တွေ့နေရဆဲပါ။

ဒီကိစ္စမှာစစ်တပ်ကိုတွန်အားပေးမောင်းနှင်နေတာက ခရိုနီတွေ၊ သူဌေးပေါက်စတွေနဲ့စစ်တပ်အကြီးပိုင်းကသူတွေဖြစ်တယ်လို့ကျူးနေပြည်သူတွေကအခိုင်အမာယုံကြည်ထားပါတယ်။

"သူဌေးဆိုတဲ့သူတွေဆီကပိုက်ဆံယူပြီးဖျက်တာပေါ့ဗျာသူတို့ကရက်ရက်စက်စက်ရှေ့မှာလဲဘတ်ဖိုးနဲ့ကုတ်ပြထားတော့လူတွေကကြောက်နေကြပြီပြေးဖို့ကလဲမြေမရှိတော့လမ်းပေါ်မှာပဲတာလပတ်ခင်းအိပ်ရတာပေါ့သေလဲမထူးနေလဲမထူးပါ"လို့ ကိုတိုးကျော်ကပဲဆက်ပြောပါတယ်။

ဒီအဓမ္မနှင်ထုတ်နေတဲ့ကိစ္စနဲ့ပတ်သက်ပြီးစစ်တပ်ဟာလူ့အခွင့်အရေးကိုပြောင်ပြောင်တင်းတင်းချိုးဖောက်လိုက်တာလို့ကုလသမဂ္ဂကလွန်ခဲ့တဲ့လမှာပဲကြေညာချက်တစောင်ထုတ်ပြန်ထဲ့ပေမယ့်စစ်တပ်ကဒီလုပ်ရပ်ကိုထုံးစံအတိုင်းရပ်တန်းကမရပ်ခဲ့ပါဘူး။

"ဒီလိုကာလကြီးမှာပြောချင်တာကဗျာခရိုနီတွေကိုလဲမလုပ်ကြပါနဲ့လို့လက်လုပ်လက်စားမိသားစုတွေရဲ့ဘဝကိုငဲ့ပြီးကြည့်ပေးကြပါကူညီနိုင်တဲ့သူတွေရှိရင်လဲကျတော်တို့ကိုပစ်မထားကြပါနဲ့ကူညီပေးကြပါလို့ပဲပြောချင်ပါတယ်"လို့ကျူးနေပြည်သူတဦးက MLN ကိုပြောပါတယ်။

ဒီလိုပြည်သူတွေကိုလက်နက်နဲ့အဓမ္မရွှေ့ပြောင်းခိုင်းနေတာတွေကြောင့်ရန်ကုန်က လှိုင်သာယာတမြို့နယ်ထဲမှာတင်ပြည်တွင်းရွှေ့ပြောင်းလုပ်သားအခြေချနေထိုင်သူသောင်းဂဏန်းအထက်အိုးမဲ့အိမ်မဲ့ဖြစ်ခဲ့ကြရပြီလို့ဆိုနိုင်ပါတယ်။

ယမန်နေ့ကပဲလှိုင်သာယာမြို့နယ်ထဲကဝေဖြိုးဟိန်းစျေးတန်းကိုတပ်နဲ့ရဲစည်ပင်တွေကအင်အားသုံးပြီးဘတ်ဖိုးတွေနဲ့ပါဝင်ရောက်ဖျက်ဆီးရှင်းလင်းခဲ့ပါသေးတယ်။

ဒီကိစ္စတွေဟာပြည်တော်သာအရေးဆိုပြီးအာဏာရှင်အဆက်ဆက်ခေါင်းစဥ်တပ်ပြီးကိုယ်ကျိုးစီးပွားအတွက်စားပေါက်ရှာတဲ့လုပ်ရက်တခုလို့ပြောရင်မမှားမယ်မထင်ပါဘူး။

955 Views

Related News

cover
တစ်သန်းကျော်ထဲက တစ်ဦးဖြစ်တဲ့ မောင်ပိုင်ရဲ့ အိမ်မက် - Story-MLN
Jun 19, 2022
cover
လိမ်လည်မှု၊ အလုပ်တစ်ခုရဲ့ လောင်းကြေးနဲ့ ဒူဘိုင်းအိမ်မက်များ
May 29, 2022
cover
ဟန်ရေးပြရထားတွေ ​ပြေးဆွဲနေတာ ပျော်ရဲ့လား။
May 27, 2022
cover
MoU လူဟောင်း ၆၀၀၀၀ နဲ့ ၂ နှစ်ကြာ စောင့်စားခဲ့ရတဲ့ ဒုက္ခများ
May 23, 2022
cover
အန္တရာယ်ပြွမ်းတဲ့လုပ်ငန်းခွင်က အိပ်ပျော်နေတဲ့ဘီလူးကြီးများ မနိုးထစေဖို့ (၁) - အမြင့်မှပြုတ်ကျခြင်းအန္တရာယ် (Falling from height Hazard)
May 10, 2022
cover
ရွှေ့ပြောင်းလုပ်သားတို့ရဲ့ ဝိုးတဝါးအနာဂတ်များ
May 1, 2022
cover
မြို့ပြတည်ဆောက်သူတို့ရဲ့ လက်များငွေမသီးတော့ပြီ
Jan 8, 2022
cover
နိုင်ငံရေးအကျဥ်းသားမှသည် တော်လှန်ရေးတပ်သားဆီသို့
Jan 3, 2022
cover
စစ်ကောင်စီကြောင့်အလှမ်းဝေးခဲ့တဲ့ပြည်တော်ပြန်အိပ်မက်
Dec 24, 2021
cover
မင်းမဲ့ စရိုက်ကိုအကြိုက်တွေ့နေတဲ့ လုပ်ငန်းရှင်နဲ့ ခေတ်သစ်ကျွန်စနစ်ရဲ့သားကောင်အလုပ်သမားများ
Dec 24, 2021



About Us

To uphold the rule of law needed to improve the social-economic life of the working class in Myanmar. To help the transition to democracy as media role in the workforce gender equity.

Contact Us

Download App

applegoogle