၂၀၂၆ ခုနှစ်၊ ဇန်နဝါရီလ ၅ ရက်နေ့ တွင် ထိုင်းနိုင်ငံ အတွင်း အကြောင်းအမျိုးမျိုးနဲ့ ပြစ်ဒဏ်ကျခံ ပြီးတဲ့ မြန်မာလုပ်သား ၇၅ဦး ကို ထိုင်းဘက်မှ စစ်ကော်မရှင် ထံသို့ ပြန်လည် လွှဲပို့ပေးခဲ့ ကြောင်းရန်နောင်းလူဝင်မှုကြီးကြပ်ရေးရုံးရဲ့ ထုတ်ပြန်ချက်အရ သိရပါတယ်။
ပြန်ပို့ခံရသူတွေ ထဲ တွင် အမျိုးသား ၆၂ ဦးနှင့် အမျိုးသမီး ၁၃ ဦး ပါဝင်ပြီး ရန်နောင်းလူဝင်မှုကြီးကြပ်ရေးရုံးမှ ရေလမ်းကြောင်းမှတစ်ဆင့် မြန်မာနိုင်ငံ၊ ကော့သောင်းဘက်ရှိ အာဏာပိုင်များထံ လွှဲပြောင်းပေးအပ်ခဲ့ခြင်း ဖြစ်တယ်လို့ သိရပါတယ်။
အခုအကြိမ်မှာ ၂၀၂၆ခုနှစ် အတွက် ပထမဆုံး အကြိမ် နေရပ် ပြန်ပို့ ခြင်း ဖြစ်ကာ ပြီးခဲ့တဲ့ ၂၀၂၅ခုနှစ် အတွင်း မှာ လည်း မြန်မာလုပ်သား ၂၀၇၂ဦး ကို ထိုင်းအာဏာပိုင်တွေက စစ်ကော်မရှင် ထံ လွှဲပြောင်း ပေးခဲ့ တယ် လို့ သိရပါတယ်။
ထိုင်းအာဏာ ပိုင်တွေ ပြန်ပို့လိုက်တဲ့ လုပ်သားတွေထဲ မှ လူငယ် အများစု ကို စစ်ကော်မရှင်မှ စစ်မှုထမ်းရန် အတင်းအဓမ္မခေါ်ယူ ခြင်း တွေ ပြုလုပ် ပြီး စစ်မှုမထမ်း လိုပါက မိသားစု တွေမှ ငွေကြေးဖြင့် လိုက်လံ ရွေး ထုတ်ရတယ်လို့ နစ်နာသူ ပြည်သူတွေ ထံမှ သိရပါတယ်။
အခုလို လူငယ် လုပ်သား တွေကို စစ်မှုထမ်း အဓမ္မခေါ်ယူနေတာ ကြောင့်ထိုင်းနိုင်ငံ အတွင်း ပြစ်ဒဏ်ကျခံ ပြီးတဲ့ မြန်မာလုပ်သား တွေကို စစ်ကော်မရှင် ထံ ပြန်မပို့ ဖို့ ထိုင်းအစိုးရ ထံ ပြည်တွင်း၊ပြည်ပအဖွဲ့အစည်း အသီးသီးမှ တောင်းဆိုနေပေမယ့် ၂၀၂၄ခုနှစ် နဲ့ ၂၀၂၅ခုနှစ် အတွင်း မြန်မာလုပ်သား ၄၀၀၀ကျော် ကို စစ်ကော်မရှင်ထံ လွှဲပို့ပေးထားပြီး ယခု ၂၀၂၆ခုနှစ် အတွက် နှစ်စ ၅ရက် အတွင်းမှာပင် ၇၅ဦး စတင် လွှဲပို့ပေးတာ ဖြစ်ပါတယ်။
