ပြည်ပကို တရားဝင် အလုပ်ဖြင့်သွားရောက်မယ့် လုပ်သားတွေ အတွက် ပြည်ပအလုပ်အကိုင် အလုပ်သမားသတ်သေခံကတ် OWIC ကို လာမယ့် ဧပြီ ၈ ရက် က စပြီးပြုလုပ်ပေးသွားမယ်လို့ အလုပ်သမားဝန်ကြီးဌာနရဲ့ တရားဝင် တယ်လီဂရမ်ဖြစ်တဲ့ Safe Migration ကနေ ‌အသိပေးကြေညာထားပါတယ်။

ပြီးခဲ့တဲ့ဖေဖေါ်ဝါရီ လ ဒုတိယအပတ်ကတည်းက OWIC ကတ် ထုတ်ပေးတဲ့ ရုံးတွေ ကို ကြိုတင်အကြောင်းကြားမှုမရှိဘဲ ယာယီပိတ်ခဲ့ပြီး နောက် ဧပြီ ၈ရက် နေ့မှာ ပြန်လည်ဆောင်ရွက်ပေးမယ်လို့ ကြေညာခဲ့တာ ဖြစ်ပါတယ်။

OWIC ကတ် ပြုလုပ်ခွင့် ကိုလည်း ယခင် မတ်လ ၁၈ရက်က စပြီး သတ်မှတ်ထားတဲ့ စာရွက်စာတမ်း အချက်အလက် တွေ ကို စာတိုက်ကနေတစ်ဆင့် နေပြည်တော် အလုပ်သမားရုံးချုပ်ကို ပြုလုပ်ခွင့်တောင်းခံရခြင်း ဖြစ်ကာ လက်ရှိမှာ OWIC ပြုလုပ်ခွင့်ပြုသည့်စာရင်းများကိုလည်း ဖော်ပြထားပြီး ဧပြီ ၈ရက် နေ့မှာ ပြုလုပ်ပေးမယ်လို့ သိရပါတယ်။

Safe Migration ရဲ့ ကြေညာချက်နဲ့ခွင့်ပြုစာရင်း မှာတော့ မိမိအစီအစဉ်ဖြင့် ကျွမ်းကျင်လုပ်သား အဖြစ် ပြည်ပ သို့ သွားရောက် အလုပ်လုပ်မယ့် သူတွေ အတွက် သင်တန်း တက်ရောက်ခွင့်ကို ဧပြီ ၇ရက်မှာ ခွင့်ပြုထားပြီး သင်တန်းတက်ရောက်ပြီးပါက ဧပြီ ၈ရက်မှာ OWIC ကတ် ပြုလုပ်ရမယ်လို့ ဆိုပါတယ်။

ဒါ့အပြင် မိမိအစီစဉ် ဖြင့် ခွင့်ပြန် လုပ်သား အဖြစ် ပြည်ပ ပြန်လည် သွားရောက် အလုပ်လုပ်ကိုင်မယ့်

သူတွေရဲ့ အမည် စာရင်းကို ဖေါ်ပြထားပြီး ၎င်းစာရင်းပါရှိသူတွေဟာ ဧပြီ ၈ရက် နေ့မှာ OWIC ကတ်ပြုလုပ်ရမယ်လို့ ကြေညာထားပါတယ်။

ငလျင် ဒဏ်ကြောင့် အခက်အခဲ အကြပ်အတည်းများ၊ ပူပင်သောကများကြားမှ ရွှေ့ပြောင်းလုပ်သားများအဆင်ပြေချောမွေ့စေရေးအတွက် အပတ်စဉ် တစ်ပတ်လျှင် တစ်ကြိမ်နှုန်းနဲ့ စိစစ်ခွင့်ပြုနိုင်ရေး ကြိုးစားဆောင်ရွက်သွားမယ်လို့ လည်း အလုပ်သမားဝန်ကြီးဌာနက အသိပေးထားပါတယ်။