ထိုင်းနိုင်ငံ ပထုန်ဌာနီတွင် မြန်မာလုပ်သားအမျိုးသမီးတစ်ဦး အလုပ်သွားစဉ်လမ်းဖြတ်ကူးရာ မှ ကားတိုက်ခံရပြီး သေဆုံးမှု ဖြစ်ပေါ်ခဲ့တယ်လို့၎င်းအမှုကို ကူညီပေးနေတဲ့ MHACမဟာမိတ်အဖွဲ့ ထံမှ သိရပါတယ်။

 

ပြီးခဲ့တဲ့ ဇန်နဝါရီ ၂၇ရက် မနက်ပိုင်းမှာ မြန်မာလုပ်သားအမျိုးသမီးတစ်ဦးဟာ အလုပ်သွားစဥ်လမ်းတစ်နေရာ၌ လုပ်ဖော်ကိုင်ဖက်တွေနဲ့အတူ လမ်းကူးရာ ကားဖြင့်အတိုက်ခံရပြီး ပြင်းထန်ဒဏ်ရာရရှိခဲ့ကာ ဆေးရုံ ရောက်ပြီးနောက် နေ့ခင်း ၁၁နာရီ ၅၅မိနစ် ခန့်မှာ ဆုံးပါးသွားခဲ့တယ်လို့ မိသားစုဝင်တွေထံမှသိရပါတယ်။

 

အခုလို ယာဉ်တိုက်မှုကြောင့် ဆုံးပါးသွားတဲ့ အတွက် သေဆုံးသူ အမျိုးသမီးအတွက် ရပိုင်ခွင့် တွေကို ဥပဒေနှင့်အညီ ရရှိဖို့ ကူညီဆောင်ရွက်ပေးရန် သေဆုံးသူရဲ့ မောင်ဖြစ်သူက 𝐌.𝐇.𝐀.𝐂 မဟာမိတ်အဖွဲ့သားတွေထံ အကူညီတောင်းခံလာတယ်လို့ သိရပါတယ်။

 

ဒါကြောင့် ဇန်နဝါရီ ၃၀ရက်မှာ သေဆုံးသူရဲ့ မိသားစုဝင်တွေနဲ့ တွေ့ဆုံပြီး ကူညီဆောင်ရွက်မှုပေးနိုင်ရေးအတွက် မှတ်တမ်းယူခြင်း မေးမြန်းခြင်း ဥပဒေနှင့်အညီလုပ်ထုံးလုပ်နည်းများရှင်းပြခြင်းများပြုလုပ်ခဲ့ကာ မြန်မာလုပ်သားအမျိုးသမီးရဲ့ ရပိုင်ခွင့်များအားဥပဒေနှင့်အညီ ရရှိဖို့ 𝐌.𝐇.𝐀.𝐂 မဟာမိတ်အဖွဲ့က LPN ဖောင်ဒေးရှင်းနှင့်အတူ ပူးပေါင်းကူညီပေးသွားမှာဖြစ်တယ်လို့ သိရပါတယ်။

 

သေဆုံးသူ မြန်မာလုပ်သား အမျိုးသမီး တွင် မြန်မာနိုင်ငံ၌ ၃နှစ်အရွယ် သမီးငယ်လေးတစ်ဦးကျန်နေခဲ့တယ်လို့ သိရပါတယ်။