အလုပ်သမားသမားအဖွဲ့ချုပ် အဖွဲ့၀င် ၃ ဦးကို စစ်ကောင်စီက ထောင် ၃ နှစ်စီချခဲ့တယ်လို့ နီးစပ်သူတွေ ဆီက ပြောပါ တယ်။ အလုပ်သမားအဖွဲ့ဝင်တွေဟာ ၈ လကြာဖမ်းဆီခံထာားပြီးနောက် အခုလို အလုပ်ကြမ်းနဲ့ ထောင် ၃ နှစ်စီ ချခံရတာဖြစ်ပါတယ်။
ဒီဇင်ဘာလ ၁၄ ရက်မှာ စစ်ကောင်စီလက်အောက်ခံ တရားရုံးက CTUM - ဌာနမှူး ဒေါ်ခိုင်သဥ္ဇာအေး (ခ) ဘုတ်ဘုတ် (ခ) ဖောင်ရိုး ၊ ဒေါ်အိဖြူဖြူမြင့် (Myanmar Guotai Huasheng Glory Fashion အထည်ချုပ်စက်ရုံ အခြေခံ အလုပ်သမားသမဂ္ဂ အဖွဲ့ဝင် ၊ မြန်မာနိုင်ငံကုန်ထုတ်နှင့် စက်မှုလက်မှု အလုပ်သမားများအဖွဲ့ချုပ် - IWFM) နဲ့ ယာဉ်မောင်း ရဲဘော် တစ်ဦးဖြစ်တဲ့ ကိုဉာဏ်စိန်တို့ကို ထောင်ချခဲ့တာလို့ သိရပါတယ်။
ရန်ကုန်မြို့၊ တောင်ဥက္ကလာပမြို့နယ်၊ မြင်သာက (၃၁) ကားဂိတ်အနီးမှာ ၂၀၂၂ ခုနှစ်၊ ဧပြီလ ၂၀ ရက် ညနေ ၄ နာရီက ပြုလုပ်တဲ့ စစ်အာဏာရှင်အုပ်စုဆန့်ကျင်ရေး လူငယ်သပိတ်မှာ စစ်ကောင်စီတပ်ဖွဲ့ဝင်တွေက ဒေါ်ခိုင်သဥ္ဇာအေးပါ ၃ဦးကို ရိုက်နှက်ဖမ်းဆီးခဲ့ရတာဖြစ်ပါတယ်။
ပြီးခဲ့တဲ့ စက်တင်ဘာလ (၁၃) ရက် ညနေ(၄) နာရီကလည်း ရန်ကုန်တိုင်း၊ ကြည့်မြင်တိုင်မြို့နယ်၊ ပန်းပင်နီလမ်း(ယခင်ပန်းပင်ကြီးလမ်း)မှာ မြန်မာနိုင်ငံဆောက်လုပ်ရေးနှင့်သစ်လုပ်ငန်း အလုပ်သမား သမဂ္ဂများအဖွဲ့ချုပ်- BWFM က ဦးနေမင်းထွန်းခေါ် မေကဗျာ နဲ့ ဦးအေးချမ်းအောင် ၊ မြန်မာနိုင်ငံ ကုန်ထုတ် နှင့် စက်မှုလက်မှုအလုပ်သမားသမဂ္ဂများအဖွဲ့ချုပ်- IWFM က ဒေါ်ဇူးဇူးရာခိုင်နဲ့ ဒေါ်ယမင်းကေသွယ်ခိုင်နဲ့ ယာဉ်မောင်း ဦးသန်းဇော် တို့ ဖမ်းဆီးခဲ့ထားရပါတယ်။
စစ်ကောင်စီ အာဏာသိမ်းခဲ့တဲ့ ၂၀၂၁ ခုနှစ် ဖေဖော်ဝါရီလ ၁ ရက်ကနေ ၂၀၂၂ ခုနှစ် ဧပြီလ ၂၁ ရက် အထိ ဖမ်းဆီးခံအလုပ်သမားသမားသမဂ္ဂအဖွဲ့ဝင်က စုစုပေါင်း (၁၁၈) ဦးရှိပြီး သတ်ဖြတ်ခံရတဲ့ အဖွဲ့ဝင်ကတော့ ၃၀ ရှိတယ်လို့ CTUM အဖွဲ့ရဲ့ စာရင်းတွေ အရ သိရပါတယ်။
ဖမ်းဆီးခံထားရသူအများစုကတော့ အမျိုးသားတွေ ဖြစ်ကြပြီး အမျိုးသမီးကတော့ ၁၀ ဦး ရှိတယ်လို့ လည်း သိရပါတယ်။
#MyanmarLabourNews
