အလုပ်လုပ်ခွင့်လက်မှတ် (Work Permit )မရှိဘဲအလုပ်လုပ်နေသူတွေနဲ့တားမြစ်ထားတဲ့ လုပ်ငန်းအမျိုးအစား တွေ ကို လုပ်ကိုင်နေတဲ့ မြန်မာအပါအဝင် ရွှေ့ပြောင်း လုပ်သား တွေ့ရှိပါက ဒဏ်ကြေးအပြင် ပြည်ဝင်ခွင့်ပါ ၂နှစ် ပိတ်သိမ်း အရေးယူမယ်လို့ထိုင်းအစိုးရရဲ့ အလုပ်သမားဝန်ကြီးဌာနက သတိပေး ထုတ်ပြန်လာပါတယ်။
ရွှေ့ပြောင်းလုပ်သားတွေကို သက်ဆိုင်ရာ တာဝန်ရှိသူတွေ စစ်ဆေး တဲ့အခါ (Work Permit )မရှိဘဲ အလုပ်လုပ်ခြင်း၊ တားမြစ်ထားတဲ့ လုပ်ငန်း လုပ်ကိုင်ခြင်း တွေ့ရှိပါက အပြစ်ဒဏ်အဖြစ် ဒဏ်ငွေ အနိမ့်ဆုံး ၅,၀၀၀ ဘတ် မှ အမြင့်ဆုံး ၅၀၀၀၀ ဘတ် အထိ ပေးဆောင်ရမှာ ဖြစ်သလို ပြည်ဝင်ခွင့်ကိုလည်း (၂)နှစ်ပိတ်ခံရမှာ ဖြစ်ပါတယ်။
ဒါကြောင့် ဗီဇာနဲ့ Work Permit သက်တမ်းတိုးထားဖို့ရန် နဲ့ သက်တမ်းတိုးဖို့ Name List တင်ထားတဲ့ ရွှေ့ပြောင်း အလုပ်သမားတွေ အနေနဲ့ ကျန်ရှိတဲ့ လုပ်ငန်းစဉ်တွေ ကို သတ်မှတ်ကာလအတွင်း လုပ်ဆောင်ကြဖို့ ထိုင်းအစိုးရက အသိပေးထားပါတယ်။
ထိုင်းနိုင်ငံ အတွင်း လုပ်ကိုင်နေတဲ့ ရွှေ့ပြောင်းလုပ်သား တွေ ဖြစ်တဲ့ မြန်မာ၊ လာအို၊ ကမ္ဘေဒီးယား၊ ဗီယမ်နမ် နိုင်ငံသားတွေ ထဲ မှ လာအိုနဲ့ ဗီယမ်နမ် နိုင်ငံသား Name List အမည်စာရင်း ကျပြီးသူတွေ အနေနဲ့ မေလ ၁၃ ရက် နောက်ဆုံးထားပြီး အလုပ်လုပ်ခွင့်ပါမစ် ကို လုပ်ဆောင်ရမှာ ဖြစ်ပါတယ်။
မြန်မာနဲ့ ကမ္ဘောဒီးယား အလုပ်သမား တွေ ကိုတော့ Name list ရထားပြီးပါက ၂၀၂၅ခုနှစ် ဩဂုတ်လ ၁၃ရက် အတွင်း အပြီး လုပ်ရမှာ ဖြစ်တယ်လို့ ထိုင်းအစိုးရက ထုတ်ပြန်ထားပါတယ်။
