ထိုင်းနိုင်ငံ၊ ချင်းမိုင်မြို့မှာ အထောက်အထားမဲ့ ဝင်လာပြီး အလုပ်အကိုင် ရှာဖွေနေတဲ့ မြန်မာနိုင်ငံသား အမျိုးသမီး ငါးဦး ကို ဩဂုတ်လ ၅ ရက်နေ့က ဖမ်းဆီး လိုက်တယ်လို့ ချင်းမိုင် လူဝင်မှုကြီးကြပ်ရေးရုံးက ထုတ်ပြန်ပါတယ်။

 

ဖမ်းဆီးခံရတဲ့ မြန်မာ ငါးဦးဟာ ချင်းမိုင်မြို့၊ ချန်ဖောက်ရပ်ကွက် မှာ နေထိုင်နေတာဖြစ်ပြီးတော့ ချင်းမိုင်ကို ရောက်ရှိတာ ငါးရက်ခန့်သာရှိသေးတာ ဖြစ်ပါတယ်။

 

ထိုင်းနိုင်ငံအတွင်း ခွင့်ပြုချက်မရှိဘဲ နိုင်ငံတော်အတွင်း တရားမ၀င်ဝင်ရောက်နေထိုင်ခြင်း စွဲချက်နဲ့ အမှုဖွင့်ထားပြီးတော့ လူဝင်မှုကြီးကြပ်ရေး ဥပဒေအရ မြန်မာနိုင်ငံကို ပြန်ပို့ဖို့ စီစဉ်နေတယ်လို့ သိရပါတယ်။