ထိုင်းနိုင်ငံ ချွန်ပူလီခရိုင် နောင်းယိုင် ရှိ မျက်မှန် စက်ရုံမှာ လုပ်ကိုင်နေတဲ့ မြန်မာလုပ်သား ၂၇ဦးကို စက်ရုံဘက်မှ ကြိုတင်အကြောင်းမကြားဘဲ အလုပ်က ထုတ်ပယ်လိုက်တယ်လို့ ၎င်းအမှု ကို ကူညီပေးနေတဲ့ WAGအလုပ်သမား မဟာမိတ်အဖွဲ့ ထံ မှ သိရပါတယ်။
CIနဲ့ ဘတ်အသစ် ကိုင်ဆောင်ထားတဲ့ မြန်မာလုပ်သား အမျိုးသား ၁၆ဦး၊ အမျိုးသမီး ၁၁ဦးတို့ဟာ ၎င်းစက်ရုံမှာ လုပ်ကိုင်နေတာ ၇ရက်မှ ၃လ အထိသာ ရှိသေးတယ်လို့ ဆိုပါတယ်။
အလုပ် ရဖို့ ကိုလည်း ပွဲစား ကိုသန့်ဇင် ဆိုသူ ကို လုပ်သားတစ်ဦး လျှင် စမတ်ကြေး ဘတ်၄၅၀၀၊ ကျန့်ခေါက်ခ ၄၅၀၀ ဘတ်နဲ့ သက်တမ်းတိုးရန်အတွက် ဘတ် ၄၅၀၀ စီ ပေးခဲ့ရတယ်လို့ သိရပါတယ်။
မတ်လ ၂၃ရက် မနက် ၈နာရီ အချိန် မှာတော့ ၎င်းစက်ရုံမှ တရုတ်ဝန(အလုပ်သမားခေါင်းဆောင်)နှင့်တရုတ်စကားပြန် ဆိုသူ တို့ကပစ္စည်းအော်ဒါပါးသောကြောင့်ကြိုတင်အကြောင်းမကြားဘဲ မြန်မာလုပ်သား ၂၇ဦး ကို အလုပ်ထုတ်လိုက်တယ်လို့ သိရပါတယ်။
မြန်မာလုပ်သား၂၇ဦးမှာ အလုပ်ထုတ်ခံလိုက်ရတဲ့ အတွက်အလုပ်သစ်ရှာရန်အခက်အခဲကြုံတွေ့နေရတာကြောင့် WAGအလုပ်သမားမဟာမိတ်အဖွဲ့ထံအကူအညီတောင်းခံလာသဖြင့် မတ်လ၂၃ရက်မှာဘဲ WAG အဖွဲ့မှ အမှုကို လက်ခံ ပြီး နစ်နာသူ အလုပ်သမားတွေ အတွက် ကူညီပေးသွားမယ်လို့ သတင်းထုတ်ပြန်ထားပါတယ်။
