ရန်ကုန်တိုင်းဒေသကြီး မှော်ဘီမြို့နယ် မြောင်းတကာစက်မှု့ဇုန်ထဲကတရုတ်နိုင်ငံသားပိုင် Textile Palace အထည်ချုပ်စက်ရုံမှာလုပ်သားတွေကိုအပ်ထည်တွေအဆမတန်တိုးခိုင်းနေတဲ့အတွက်စက်ရုံလုပ်သားတွေအနေနဲ့အခက်တွေ့နေရတယ်လို့ MLN ကိုပြောပါတယ်။
အဆိုပါစက်ရုံမှာအချိန်ပိုတွေနေ့စဥ်နဲ့အမျှခေါ်ယူနေတာတွေရှိနေတဲ့အပြင်အလုပ်ကခွင့်ယူရင်ထုတ်ပစ်တာတွေပါရှိနေတယ်လို့လဲသိရပါတယ်။
"အလုပ်ခံစားခွင့်ကတော့ ခွင့်ယူရင်အရင်ကဆို ၃ ရက်ဆက်တိုင်ခွင့်ယူလို့ရတယ်အကို အခုတော့ မရတော့ ဘူး အဲလို့ပျက်တာနဲ့ မလာခိုင်းတော့ဘူး"လို့စက်ရုံလုပ်သားတဦးကပြောပါတယ်။
ဒါ့အပြင်အိုတီခေါ်ယူပြီး အာဝါလီ ခေါ် အပ်ထည်တွေတိုးမြှင့်ကောက်ခံနေတာတွေရှိသလိုအပ်ထည်တိုးမြှင့်ထားတာမပြည့်ဘူးဆိုရင်ခေါ်ယူသတိပေးလတ်မှတ်ထိုးခိုင်းတာတွေလဲရှိတယ်လို့သိရပါတယ်။
"အာဝါတီက. %နဲ့ ပြန်တွက်ပေးတယ် သူတို့တောင်းတာက ၁၂၀ ဆိုအလုပ်ချိန် ၈ နာရီကိုယ်အထည် ၉၆၀ ပေးရတယ်ဗျာ ၉၆၀ ဆို ၁၀၀%ပြည့်တာဆိုတော့ဘယ်သူကပြည့်မှာလဲ ခက်တဲ့အထည်တောင် ၁၅၀ တောင်းထားတာလေ ပါဆင့်နိတ်မပြည့်ရင်လဲဝမ်တိန်ထိုးခိုင်းသေးတယ်"လို့အဆိုပါစက်ရုံဝန်ထမ်းတဦးက MLN ကိုဆိုပါတယ်။
အဆိုပါအထည်ချုပ်စက်ရံမှာ H&M အမှတ်တံဆိပ် အထည်များနိုင်ငံတကာကိုထုတ်လုပ်တင်ပို့နေတဲ့စက်ရုံတခုဖြစ်တယ်လို့သိရပါတယ်။
