ထိုင်း နိုင်ငံ အယုဒ္ဓယကနေ ဖိချဘွန်ကို အလည်သွားသည့် မြန်မာနိုင်ငံသားများ စီးနင်းဆောင်လာတဲ့ ဗင်ကား တိမ်းမှောက် မှု ဖြစ်တာကြောင့် ၁၂ဦး ထိခိုက်ဒဏ်ရာရရှိတယ်လို့ ကယ်ဆယ်ရေးအဖွဲ့တွေထံမှ သိရပါတယ်။
ဇန်နဝါရီလ ၂ ရက် ဒီကနေ့ နံနက် ၁ နာရီခန့်က ဆာရာဘူရီ-လွန်ဆတ် အဝေးပြေးလမ်းမကြီးပေါ်မှာ မြန်မာနိုင်ငံသားများကို တင်ဆောင်တဲ့ အဖြူရောင်ဗင်ကားတစ်စီးဟာ လမ်းချော်၍ တိမ်းမှောက်ခဲ့ခြင်းဖြစ်တယ်လို့ သိရပါတယ်။
ကနဦးစုံစမ်းမှုများအရ အယုဒ္ဓယပြည်နယ်မှ ဖာချဘွန်သို့ ခရီးသွားရန် လာရောက်တဲ့ မြန်မာနိုင်ငံသားတွေ ဖြစ်ပြီး ဆာရာဘူရီ-လွန်ဆတ် အဝေးပြေးလမ်းမကြီး ၂၁ ကီလိုမီတာအမှတ် ၉၃-၉၄ (ဖာချဘွန်ပြည်နယ်၊ ဆာရာဂရွတ်ခရိုင်၊ ဘန်ကလန်းဈေး ဘုရားကျောင်းရှေ့) မှာ ယာဉ်တိမ်းမှောက်မှု ဖြစ်ပွားခဲ့တာဖြစ်ပါတယ်။
ယာဉ်တိမ်းမှောက်ရာ နေရာကို သီရိသက်ကယ်ဆယ်ရေးနဲ့ သီရိသက်မှ ကော့ဆိုင်းကယ်ဆယ်ရေးအဖွဲ့ တွေ ရောက်ရှိလာပြီး ဒဏ်ရာရရှိသူတွေကို သီရိသက်ဆေးရုံသို့ အမြန်ပို့ဆောင်ကုသမှုပေးခဲ့တယ်လို့ သိရပါတယ်။
ယာဉ်တိမ်းမှောက်မှု ဖြစ်စဉ်ကို ရဲအရာရှိ တွေက စုံစမ်းစစ်ဆေးနေသလို ဒဏ်ရာရရှိသူတွေရဲ့ အခြေအနေနှင့် ယာဉ်မောင်းအပါအဝင် ခရီးသည်အားလုံးရဲ့နိုင်ငံသား နဲ့ အမည် တို့ကို စုံစမ်း စစ်ဆေးလျက်ရှိကြောင်းသိရပါတယ်။
ယခု နှစ်သစ်ကူး ပိတ်ရက် အတွင်း ထိုင်းရောက် မြန်မာ နိုင်ငံသား အချို့ အလည်ပတ်ခရီး သွားရာကနေ ယာဉ်မတော်တဆ ကြောင့် ထိခိုက်ဒဏ်ရာ ရတာတွေ အသက်ဆုံးရှုံး မှု တွေ ဖြစ်ပေါ် လျက်ရှိရာ ၂၀၂၅ခုနှစ်ဒီဇင်ဘာ ၃၀ရက်ည ပိုင်း တွင်လည်း မြန်မာလုပ်သား၁၃ဦးစီးလာသည့်ကား တူးမြောင်းအတွင်း ပြုတ်ကျရာ ၆ဦးသေဆုံးပြီး၇ဦးထိခိုက်ဒဏ်ရာရရှိခဲ့ပါသေးတယ်။
Photo-Suphat EMT3669
