စက်ရုံဖက်က လစဥ်လူမှု့ဖူလုံရေးကြေး ၂၈၈၀ ကျပ် ဖြတ်တောက်နေပေမယ့် အလုပ်သမားများမှာ လူမှု့ဖူလုံရေးအကျိုးခံစားခွင့်များဖြစ်တဲ့ ဆေးကုသခွင့် အကျိုးခံစားခွင့်စတာတွေ မရရှိတဲ့အပြင်စက်ရုံဖက်ကမကြာခဏဆိုသလိုလုပ်သားလျော့ချတယ်ဆိုတဲ့အကြောင်းပြချက်နဲ့ကြိုတင်အကြောင်းကြားမှု့မရှိပဲအလုပ်ထုတ်နေတာတွေကြောင့်အခက်ကြုံနေရတယ်လို့ Premier ကော်ဖီမစ်စက်ရုံကလုပ်သားတွေပြောပါတယ်။
Premier ကော်ဖီမစ်စက်ရုံဟာရန်ကုန်တိုင်း၊ လှိုင်သာယာမြို့နယ်၊ စက်မှု့ဇုန် ၃ ထဲကဆိပ်ကမ်းသာ လမ်းမကြီးမှာလုပ်ကိုင်နေတဲ့စက်ရုံတခုဖြစ်ပြီးလုပ်သားဦးရေ ၁၂၀၀ ဝန်းကျင်ရှိတယ်လို့ သိရပါတယ်။
အဲ့ဒီ့ထဲကမှယခု လူမှု့ဖူလုံရေး အကျိုးခံစားခွင့်မရတဲ့လုပ်သားတွေဟာရွှေပြည်သာအခြေစိုက် HSAR kA HSAW အလုပ်အကိုင်ရှာဖွေရေးကုမ္ပဏီကအလုပ်သွင်းပေးထားတဲ့လုပ်သား ၄၀၀ ဖြစ်တယ်လို့သိရပါတယ်။
"ခုကျတော်တို့ကိုစက်ရုံဖက်ကရောကုမ္ပဏီဖက်ကရောဘာမှအာမခံချက်မပေးဘူး ကျတော်တို့ကလူမှုဖူလုံရေးကြေးသွင်းရပြီးဒီခံစားခွင့်တွေမရဘူးဆိုတော့ ဘာလုပ်မှာလဲ အေဂျင်စီကလာတော့လုပ်သက်သုံးနှစ်ရှိလဲခုထိပါမစ်နစ်မရဘူး အလုပ်သမားအခွင့်အရေးနဲ့ပတ်သတ်ပြီးကျတော်တို့မှာဘာမှပြောလို့မရဘူး"လို့အဆိုပါစက်ရုံမှလုပ်သက်သုံးနှစ်ကျော်လုပ်ကိုင်နေတဲ့အလုပ်သမားတဦးကပြောပါတယ်။
နစ်နာသူအလုပ်သမားတွေဟာ အေဂျင်စီနဲ့သုံးလတစ်ကြိမ်စာချုပ်ချုပ်ဆိုရပြီး အေဂျင်စီကဆွဲထားတဲ့စာချုပ်ပါအချက်အလက်တွေကိုမနှစ်မြို့ကျပေမယ့်လတ်တလောစားဝတ်နေရေးကြောင့်ဆက်လက်လုပ်ကိုင်နေရတယ်လို့သိရပါတယ်။
"အေဂျင်စီကလဲစာချုပ်ထဲဒါပါတယ် မကြိုက်ရင်ထွက်ပဲ စက်ရုံဖက်ကလဲအေဂျင်စီသမားဆိုအဖတ်ကိုမလုပ်တော့ ဘယ့်သူ့ပြောလို့ပြောရမှန်းမသိဘူး"လို့အလုပ်သမားတဦးကဆက်ပြောပါတယ်။
Premier Coffee mix စက်ရုံမှာအေဂျင်စီကတဆင်လာတဲ့အလုပ်သမားများအနေနဲ့လုပ်သက်ဘယ်လောက်ရှိရှိ ပါမစ်နစ်( လခစား) ဝန်ထမ်းများနည်းတူခံစားခွင့်မရရှိကြဘူးလို့သိရပါတယ်။
အေဂျင်စီမှလာတဲ့အလုပ်သမားတွေကိုနေရာအတည်တကျမရှိခိုင်းစေခြင်း၊ ဥပဒေမဲ့အလုပ်ထုတ်ခြင်း၊ လုပ်ငန်းခွင်အတွင်းခွဲခြားဆက်ဆံထားတာတွေလဲရှိနေတယ်လို့အလုပ်သမားတွေဖက်ကပြောပါတယ်။
"ခုသကြ်န်မှာလဲလူ ၅၀ လောက်လျော့မှာကျတော်တို့အေဂျင်စီသမားတွေကိုပေါ့ သူတို့ကတခါတခါထုတ်ရင်ဘာမှအကြောင်းမကြားဘဲ ဥပဒေမဲ့ကိုထုတ်တာ အေဂျင်စီကလဲဘာမှပြောမရတဲ့အပြင်ထွက်ဆိုထွက်ပဲ ကျတော်တို့ကိုအလုပ်ရှာပေးခ စာချုပ်ခသာခေါင်းပုံဖြတ်တာသူတို့ဖက်ကဘာမှတာဝန်မယူဘူး"လို့ Premier ကော်ဖီမစ်စက်ရုံမှအလုပ်သမားတဦးကဆက်ပြောပါတယ်။
စက်ရုံမှာသမဂ္ဂနဲ့အလုပ်သမားကော်မတီရှိပေမယ့်ယခုဖြစ်ပွားနေတဲ့အလုပ်သမားအခွင့်အရေးချိုးဖောက်မှု့များအတွက်စက်ရုံနဲ့အေဂျင်စီဖက်ကတာဝန်မယူတဲ့အတွက်ဘယ်လိုမှဖြေရှင်းမပေးနိုင်သေးဘူးလို့လဲနစ်နာသူအလုပ်သမားတွေဖက်ကပြောပါတယ်။
နစ်နာသူအလုပ်သမားတွေအနေနဲ့သူတို့ရဲ့ဆုံးရှူံးနေတဲ့လူမှု့ဖူလုံရေးအကျိုးခံစားခွင့်များ၊ လုပ်သက်အလိုက်ရပိုင်ခွင့်များ၊ ရက်မှန်ကြေးများကိုအပြည့်အဝခံစားလိုနေကြတဲ့အပြင်ဥပဒေမဲ့အလုပ်ထုတ်မှု့တွေမလုပ်ဖို့တောင်းဆိုနေကြပါတယ်။
အဆိုပါစက်ရုံမှာ ယခင်ကတည်းကလည်း အလုပ်ရှင် အလုပ်သမား အငြင်းပွားမှုတွေ ဖြစ်ပွားခဲ့ပြီး မကြာမဏဆိုသလို ဉပဒေမဲ့အလုပ်ထုတ်တာတွေလည်း လုပ်ဆောင်နေတာ ဖြစ်တယ်လို့ သိရပါတယ်။
Premier Coffee mix စက်ရုံဟာ မြန်မာလူမျိုးပိုင်စက်ရုံဖြစ်ကာ၊ Premier အမှတ်တံဆိပ် အသင့်ဖျော်ကော်ဖီမစ်အမျိုးမျိုး၊ Happy လဖ္ဘက်ရည်၊ Milk Powder ၊ဖူးရှင်းအသင့်ဖျော်လဖ္ဘက်ရည်တို့ကိုထုတ်လုပ်ပြီးပြည်တွင်းစျေးကွက်မှာဖြန့်ချီနေတာ ဖြစ်တယ်လို့ သိရပါတယ်။
Photo- WGN-၂၀၁၈ ခုနှစ်က ပရီမီယာစက်ရုံလုပ်သားများဆန္ဒပြစဉ်
