အထောက်အထား မရှိသေးတဲ့ နိုင်ငံခြားသား လုပ်သားတွေ အတွက် အလုပ်လုပ်ခွင့်လက်မှတ်(ပန်းရောင်ကတ် ,ဘတ်)ပြုလုပ်ဖို့ အမည်စာရင်း Name list တင်သွင်းခြင်း ကို အောက်တိုဘာ ၁၅ ရက်နေ့မှာ စတင်ပြုလုပ်နိုင်ပြီလို့ ထိုင်းအလုပ်အကိုင်ဦးစီးဌာနက ကြေညာလိုက်ပါတယ်။
ပြီးခဲ့တဲ့ ဩဂုတ်လ ၁၉ ရက်က အစည်းဝေးဆုံးချက်အရ ထိုင်းနိုင်ငံရှိ မြန်မာ၊ လာအို၊ ကမ္ဘောဒီးယားနဲ့ ဗီယမ်နမ် စတဲ့လေးနိုင်ငံမှ အကြောင်းအမျိုးမျိုးနဲ့ တရားမဝင်အနေထားဖြင့် ကြုံတွေ့နေရတဲ့သူတွေအတွက် နေထိုင်ခွင့်နှင့်အလုပ်လုပ်ကိုင်ခွင့် ကို အောက်တိုဘာ၁၅ရက်မှ ၂၉ရက်အထိ အွန်လိုင်းစနစ်နဲ့ လျှောက်ထားနိုင်တယ်လို့ ဆိုပါတယ်။
ဒါကြောင့် အမည်စာရင်းသွင်းဖို့ ကို အောက်တိုဘာလ ၁၅ ရက်နေ့ကနေ ၂၉ ရက်နေ့အထိ ၁၅ရက်အတွင်း လုပ်ဆောင်ရမှာ ဖြစ်ပါတယ်။
အမည်စာရင်းတင်သွင်းပြီးတဲ့ သူတွေ အနေနဲ့ ကျန်းမာရေး စစ်ဆေးမှုတွေနဲ့ငွေပေးချေခြင်း ကို ၂၀၂၅ခုနှစ် အောက်တိုဘာ ၃၀ ရက်မှ ဒီဇင်ဘာ၂၆ရက်အထိ ပြုလုပ်ရမယ်လို့ ကြေညာထားပြီးနောက်တစ်ဆင့်ဖြစ်တဲ့ လက်ဗွေနှိပ်ခြင်းနဲ့ ဗီဇာယူခြင်းတို့ကို ၂၀၂၆ခုနှစ် ဇန်နဝါရီ ၂၇ ရက် နောက်ဆုံးထား လုပ်ပေးသွားမှာ ဖြစ်တယ်လို့ သိရပါတယ်။
ဘတ်စာရင်းတင်သွင်းခြင်းနဲ့ပက်သက်ပြီး သိလိုတာတွေကို တနိုင်ငံလုံးရှိ ပြည်နယ်အလုပ်အကိုင်ရှာဖွေရေးရုံးများ ဘန်ကောက်မြို့ အလုပ်ကိုင်ရှာဖွေရေးရုံးနယ်မြေ၁မှ၁၀၊အလုပ်သမားဝန်ကြီးဌာန HotLine ဖုန်းနံပတ် ၁၅၀၆(လိုင်းခွဲ၂)သို့မဟုတ် အလုပ်အကိုင်ရှာဖွေရေးဦးစီးဌာနတို့မှာလည်းစုံစမ်းနိုင်တယ်လို့ ထုတ်ပြန်ထားပါတယ်။
