ထိုင်းနိုင်ငံ ပါကျင်ပူလီခရိုင်ရှိ စက်ရုံတစ်ခုတွင် အကြောင်းမဲ့ အလုပ်ဖြုတ်ခံ တဲ့ လုပ်ငန်းရှင်ကိုမြန်မာရွှေ့ပြောင်းလုပ်သားတွေက တိုင်ကြားခဲ့တာမှာ အလုပ်ထုတ်နစ်နာကြေးဘတ်၅သိန်းကျော်နဲ့ စာရွက်စာတမ်းတွေ ပြန်လည်ရရှိခဲ့တယ်လို့ ၎င်းမြန်မာလုပ်သားတွေကိုကူညီဆောင်ရွက်ပေးတဲ့

 

MHAC မဟာမိတ်အဖွဲ့ ထံ မှသိရပါတယ်။

၎င်းစက်ရုံ မှာ အလုပ်အလုပ်လုပ်ကိုင်နေ တဲ့ မြန်မာအလုပ်သမား (၇၃) ဦးကို အလုပ်ရှင်သူဌေးက ကြိုတင်အကြောင်းမကြားပဲ အလုပ်ထုတ်တဲ့အပြင် စာရွက်စာတမ်းတွေပါသိမ်းထားတဲ့ အတွက် အလုပ်သမားတွေက မြန်မာအလုပ်သမားရေး ကူညီပေးနေ တဲ့ MHAC မဟာမိတ်အဖွဲ့ထံ အကူအညီ တောင်းခံခဲ့တယ်လို့ သိရပါတယ်။

 

ဒါကြောင့် MHAC မဟာမိတ်အဖွဲ့ မှ အလုပ်သမားတွေ နဲ့ အတူ အလုပ်ရှင်သူဌေး ကို မြို့နယ် ဆဝါဒီကန် ရုံးမှာ တိုင်ကြားခဲ့တယ်လို့ ဆိုပါတယ်။

 

ဆဝါဒီကန် ရုံးမှာ စစ်ဆေးမေးမြန်းတာ မှာ မြန်မာအလုပ်သမား ၄၁ ဦးမှာ မိမိတို့ သဘော ဆန္ဒအရ ထွက်ရှိခဲ့တာ ဖြစ်ပြီး ကျန် ၃၂ ဦး ကိုတော့ အလုပ်ရှင်သူဌေးက အကြောင်းမဲ့ အလုပ်ထုတ်ခဲ့တာ ဖြစ်တယ်လို့ သိရပါတယ်။

 

ဒါကြောင့် အလုပ်သမားအရေး ကူညီပေးတဲ့ MHAC အဖွဲ့ က အလုပ်သမား (၇၃) ဦးကို စာရွက်စာတမ်းမရတဲ့ အုပ်စုနှင့် အကြောင်းမဲ့ အလုပ်ထုတ်ခံရသော အုပ်စု နှစ်ခုခွဲကာ ထိုင်းအစိုးရ ပါကျင်ပူရီ စဝါဒီကန် ရုံးတွင်တိုင်ကြားပေးခဲ့ရာ အကြောင်းမဲ့ အလုပ်ထုတ်ခံရသော အလုပ်သမား(၃၂) ဦအဖွဲ့အတွက် နစ်နာကြေး တစ်ဦးလျှင် "၁၆၀၆၅ ဘတ် နှုန်းဖြင့် (၃၂) ဦးစာအတွက် စုစုပေါင်း "၅၁၄၀၈၀ ဘတ်" ရရှိခဲ့တယ်လို့ သိရပါတယ်။

 

ဆက်လက်ပြီး အလုပ်သမား ၇၃ ဦးရဲ့ ဗီဇာ/ပါမစ် သက်တမ်းတိုး နိမ်းလစ် အမည်စာရင်း စာရွက်စာတမ်းများ အလုပ်ပြောင်းစာ ဘိုင်ကျန့်အော့ အားလုံးကို သူဌေးမှ ကြည်ဖြူစွာ ပြန်လည်ထုတ်ပေးမယ်လို့ စဝါဒီကန်ရုံး တာဝန်ရှိလူကြီးများရှေ့တွင် အလုပ်သမား၊ အလုပ်ရှင် ကတိကဝတ်ပြု လတ်မှတ်ရေးထိုးခဲ့တယ်လို့ သိရပါတယ်။

Photo-MHAC