စင်ကာပူနိုင်ငံရှိ မြန်မာသံရုံးအမည်ကို အသုံးပြုကာ နိုင်ငံကူးလက်မှတ် သက်တမ်းတိုး ရက်ချိန်းယူရန် လိ-မ်-လ-ည်မှုများရှိနေကြောင်းစင်ကာပူနိုင်ငံဆိုင်ရာ မြန်မာသံရုံးက သတိပေး ထုတ်ပြန်ထားပါတယ်။
သံရုံးအနေနဲ့ နိုင်ငံကူးလက်မှတ်သက်တမ်းတိုး ရက်ချိန်းယူဖို့အခြား လူပုဂ္ဂိုလ်၊ ဝန်ဆောင်မှုလုပ်ငန်းကိုမှ ဆောင်ရွက်ခွင့် မပြုထားဘူးလို့ဆိုပါတယ်။
လက်ရှိမှာ စင်ကာပူရောက် မြန်မာနိုင်ငံသားများအပေါ် သံရုံးရက်ချိန်းယူပေးမယ်လို့ဆိုကာ သံရုံးရဲ့WhatsApp နံပါတ်များကို အချက်အလက်များပေး ပို့ခိုင်းပြီး ငွေကြေးများရယူနေကြောင်း နစ်နာသူများထံကနေစုံစမ်းသိရှိနေရတယ်လို့ ထုတ်ပြန်ချက်မှာဖော်ပြထားပါတယ်။
ဒါကြောင့် နိုင်ငံကူးလက်မှတ်သက်တမ်းတိုးတာနဲ့ပတ်သက်ပြီးရက်ချိန်းရယူရန် သံရုံးရဲ့ WhatsApp နံပတ်များကိုကာယကံရှင် ကိုယ်တိုင်ပေးပို့ကြရန်၊ မိသားစုဝင်ဖြစ်လို့ ဖုန်းနံပတ်တခုတည်းမှ ပေးပို့မယ်ဆိုပါကလည်း မိသားစုဝင်ဖြစ်ကြောင်း အထောက်အထား တွဲကာပေးပို့ရန်၊ မြန်မာသံရုံး Whats App နံပတ်များကို ပေးပို့ခြင်းများအတွက် အခကြေးငွေတောင်းခံမှုရှိပါက သံရုံးရဲ့ နံပတ်ဖြစ်တဲ့ (+6581748 993)ကို အသိပေးကြရန် စင်ကာပူနိုင်ငံဆိုင်ရာ မြန်မာသံရုံးက အသိပေးထားပါတယ်။
