NEWS

သီတင်းကျွတ် ပိတ်ရက်အတွက် အစားထိုး အချိန်ပိုများ ခေါ်ယူနေ

CoverLogo
496 Views

စက်ရုံအလုပ်ရုံအချို့မှာ သီတင်းကျွတ်ပိတ်ရက်အတွက် အစားထိုးအချိန်ပိုလုပ်ပေးနေရတယ်လို့ အထည်ချုပ်လုပ်သားတွေက ဆိုပါတယ်။

"သီတင်းကျွတ်ပိတ်ရက်တွေကို ရက်စားတွေခေါ်တာ။ သီတင်းကျွတ်ပိတ်ရက်အတွက်ကို သူတို့ကနာရီနဲ့ဖြတ်ပလိုက်တယ်။ စနေနေ့ နေ့တစ်ဝက်ကိုနာရီနဲ့ဖြတ်တာ။ စနေနေ့နှစ်ပတ်ကို ၈နာရီ။ ၈နာရီဆိုရင်တစ်ရက်ပေါ့။ အဲလိုလုပ်လိုက်တာ။ အဲ့တာကိုလည်း သူတို့ကမညှိကြဘူး။ မညှိဘဲလုပ်တော့ အချိန်ပိုကြေးတွေနစ်နာတယ်။ နှစ်ဆမရဘူး။ ဒါပေမဲ့ အလုပ်သမားတွေကမပြောရဲကြဘူး။ ကျွန်တော့်စက်ရုံမှာလည်းရှိတယ်။ တစ်ခြားရုံတွေမှာလည်းရှိနေတယ်။ နှစ်ကလည်းကုန်ခါနီးနေတော့အလုပ်သမားတွေက ရှောင်တခင်ခွင့်တွေပါလ်ိုချင်ကြတာ။ ဒါပေမဲ့မပြောရဲကြဘူး။ ပြောရင်နင်တို့ကဆရာကြီးလားမေးတာ။ စနေနေ့ရဲ့နေ့တစ်ဝက်အစားထိုးကိုမဆင်းရင်လည်းဘောတွေပြုတ်တယ်။ ရှေ့ဘောနောက်ဘောအကုန်ပြုတ်ပဲ" လို့ အလုပ်သမားကဆိုပါတယ်။ 

သီတင်းကျွတ်ပိတ်ရက်မှာ  အစိုးရရုံးပိတ်ရက်သုံးရက်နဲ့စနေတနဂ်နွေပါဆက်နေတာကြောင့် အထည်အော်ဒါနောက်ကျမှာစိုးတဲ့ အကြောင်းပြချက်နဲ့  အခုကတည်းက စနေနေ့တစ်ဝက်တိုင်းကို အစားထိုး အချိန်ပို လုပ်ခိုင်းနေတာ ဖြစ်ပါတယ်။

"ကျွန်မတို့ရုံတွေတော့မဆင်းရဘူး။ အခြားရုံတော့အသံကြားပါတယ်။ တစ်နာရီ နှစ်နာရီပိုခိုင်းပီး အချိန်ပိုကြေးပေးတာရှိသလို မပေးတာတွေလည်း ရှိတယ်။ ညီမတို့ရုံကတော့ အော်ဒါနည်းလို့ မခေါ်သေးဘူး"လို့ အထည်ချုပ်လုပ်သားတစ်ဦးက ပြောပါတယ်။

အချို့စက်ရုံတွေမှာ အစားထိုးအချိန်ပိုခေါ်ပြီး အချိန်ပိုလုပ်အားခမပေးတာတွေလည်းရှိသလို တနဂ်နွေပိတ်ရက်မှာခေါ်ယူတာတွေကတော့ အချိန်ပိုနှစ်ဆမရဘဲနစ်နာတာတွေပါရှိနေတယ်လို့ အလုပ်သမားတွေက ဆိုပါတယ်။

ဒါ့အပြင်အစားထိုးအချိန်ပိုခေါ်ယူမှုအပေါ် အလုပ်မဆင်းပါက ဆုကြေး၊အထည်ကြေး၊ grade ကြေး နဲ့ ရက်မှန်ကြေး စတာတွေပါ ဆူံးရှုံးရမှာဖြစ်တာကြောင့် အလုပ်သမားက အစားအထိုးအချိန်ပိုကိုမဖြစ်မ‌ေနဆင်းပေးနေရတယ်လို့လည်း သိရပါတယ်။ 

အခုနှစ်သီတင်းကျွတ်ပိတ်ရက်ဟာ အောက်တိုဘာ ၁၆ရက်ကနေ ၁၈ရက်အထိဖြစ်ပြီး အလုပ်သမားတွေအနေနဲ့ကတော့  နယ်မြေမတည်ငြိမ်မှုကြောင့်အလုပ်သမားအများစု နေရပ်ပြန်ဖို့ အခက်တွေ့နေရတာတွေရှိနေတယ်လို့လည်း သိရပါတယ်။


Related posts

Cover
LAT WAR (3) နားရက်မပေးဘဲ အချိန်ပိုအတင်းအကျပ်ခိုင်းစေ ဟုဆို
Jul 03, 2025
Cover
SUNLONG (Myanmar) Sports Co.,Ltd အိတ်ချုပ် စက်ရုံ အချိန်ပို နေ့စဉ် လုပ်ကိုင်ရပြီး တနင်္ဂနွေနေ့ပါ ဆင်းနေရ
Jul 03, 2025
Cover
EUROSTYLE (Myanmar) အထည်ချုပ် ကလေးလုပ်သားတွေအသုံးပြုပြီး လုပ်အားခခေါင်းပုံဖြတ်
Jul 02, 2025
Cover
စက်မှုဇုန်မှ လုပ်သားများအား စစ်သားစုဆောင်းမှု ရှိလာနေ
Jul 02, 2025
Cover
အထောက်အထားမဲ့ နယ်စပ်ဖြတ်ကျော်သည့် မြန်မာလုပ်သား၁၂ဦး အဖမ်းခံရ
Jul 02, 2025
Cover
ရွှေ့ပြောင်းလုပ်သားများ၏ ရင်သွေးများ သတ်မှတ်ချက်ကိုက်ညီပါက ထိုင်းနိုင်ငံသားလျှောက်ခွင့်ပြု
Jul 02, 2025
Cover
BCC Jewelry MFG လုပ်သားများ တနေ့ အချိန်ပို ၆ နာရီ‌ ကျော် လုပ်ကိုင်ရပြီး အိပ်ချိန် ၆ နာရီသာရ
Jul 02, 2025
Cover
He MeT Company လုပ်ငန်းခွင်ဆိုင်ရာချိုးဖောက်မှုတွေ ကျူးလွန်ခိုင်းစေ
Jul 02, 2025