ရန်ကုန်တိုင်းဒေသကြီး၊ ရွှေပြည်သာမြို့နယ်၊ သာဓုကန်စက်မှုဇုန်၊ အမှတ်(၄)လမ်းမကြီးဘေးက ဟွမ်မြောင်အထည်ချုပ်( HONG MIAO Garment Co;Ltd) လုပ်ငန်းခွင်အတွင်း ဒီကနေ့ စက်တင်ဘာ ၂၁ ရက်က ရေတွေဝင်ရောက်နေတဲ့ လုပ်ငန်းခွင်အခြေအနေကို သွေးစည်းညီညွတ်သော အလုပ်သမားများအဖွဲချုပ် (မြန်မာ) STUM က ထုတ်ဖော်ထားပါတယ်။
အဲဒီစက်ရုံကတော့ Hello ၊ FieldCore ကုန်အမှတ်တံဆိပ်တွေကို ချုပ်လုပ်နေတဲ့ စက်ရုံလို့လည်း သိရပါတယ်။
“ မင်းအထည်အပ်တဲ့စက်ရုံက မြန်မာလုပ်သားတွေ ရဲ့ အသက်က တန်ဖိုးမရှိဘူးလား။ ဘယ်လောက် ထိ ဆိုးဝါးတဲ့အခြေအနေမှာ အလုပ်လုပ်နေရတာလဲ မြင်လား။ အလုပ်သမားတွေ အလုပ်ပြုတ်မှာစိုးလို့ အကြောက်တရားတွေနဲ့ အလုပ်လုပ်နေရတာမြင်လား။ အလုပ်သမားတယောက်ယောက် ဓါတ်လိုက် ပီး တခုခု ဖြစ်တဲ့အထိ စောင့်နေသလိုဘဲ။ ဝင်ရောက်စစ်ဆေးတဲ့သူတွေကလည်း ခုဖြစ်စဉ်တွေကို လစ်လျူရှူ ထားတယ်။ လာစစ်တဲ့ တိုင်းဦးစီး က အလုပ်သမားတွေ ကွမ်းစားရင် အလုပ်ထုတ် လို့ ပိုင်ရှင် ကို သင်ပေးခဲ့ တယ်။ အလုပ်သမားတွေက အန္တရာယ်ရှိပါတယ် ပြောတော့ နားပိတ်ထားတယ်။” လို့ STUM က ရေးသား ထား ပါတယ်။
ဆိုးရွားတဲ့ လုပ်ငန်းခွင်မှာ အလုပ်လုပ် နေရတဲ့စက်ရုံ အလုပ်သမားတွေရဲ့ အသက်က အဖိုးမတန်သလို ဖြစ်နေပြီး လူစိတ်မရှိတဲ့ အလုပ်ရှင်ရဲ့ ရင်းနှီးမြှုပ်နှံမှုတွေကြောင့် ဥရောပသမဂ္ဂ EU ရဲ့ GSP က ကန့်ကွက်ဖို့ အချိန်ရောက်ပြီလို့လည်း တိုက်တွန်းထားကာ အထည်ချုပ်လုပ်ငန်းရှင်များ အသင်း MGMA ရဲ့ မသိသလို လုပ်ဆောင်မှုတွေကိုလည်း STUM က ရှုတ်ချထားပါတယ်။
#MyanmarLabourNews
