ရွှေပြည်သာမြို့နယ် တပင်ရွှေထီးလမ်း၊ ဝါးတရာစက်မှူဇုန် ရှိ Yangon Fukuyama Apparel (YFA)အထည်ချုပ်စက်ရုံဟာ အလုပ်သမားများက အလုပ်သမားအဖွဲ့အစည်းဖွဲ့စည်းရန် စိတ်ဝင်စားတာကြောင့် အဲ့ဒီအလုပ်သမားများကို လိုင်းစူပါ၊ လီဒါများမှ တဦးချင်းခေါ်ယူကာ ခြိမ်းခြောက်မှုတွေပြုလုပ်ခဲ့လို့ အဆိုပါစက်ရုံဟာ ILO Convention 87 ကို ပြောင်ပြောင်တင်းတင်း ချိုးဖောက်နေတယ်လို့ ဆိုပါတယ်။
" ၂-၈-၂၃ နံက် ၇:၃၀ အလုပ်စချိန်တွင် Line E မှ all super မှ meeting ခေါ်ကာ စက်ရုံ တရုံလုံးကြား အောင် မိုက်ဖြင့် ခြိမ်းခြောက်ပြောဆိုခဲ့ပါတယ်
YFA ပိုင်ရှင်အနေဖြင့် မိမိ စက်ရုံမှ စူပါ၊လီဒါများ ၏ ယုတ်ညံ့သော လုပ်ဆောင်ချက်များကို အချိန်မှီ မတားဆီး ဘဲ ဆက်လက်ဟန့်တားနောက်ယှက်နေမည်ဆိုပါက လွတ်လပ်စွာသင်းပင်းဖွဲ့စည်းခွင့်ကို ဟန့်တားနှောင့်ယှက်သည့် အဓိက တရားခံ များအဖြစ် မှတ်တမ်းတင်ထားခြင်းခံရမယ်" လို့ လိုက်ပါကူညီပေးနေတဲ့ သွေးစည်းညီညွတ်သောသမဂ္ဂများအဖွဲ့ချုပ်(STUM)က ဆိုပါတယ်။
အဆိုပါစက်ရုံကအလုပ်သမားတွေဟာ ဒီကနေ့ဩဂုတ်လ ၈ ရက်နေ့မှာလည်း အလုပ်သမား သမဂ္ဂ မှတ်ပုံတင် ရန် ဂိတ်ပါတ် gate pass တောင်းရာ စက်ရုံမှ လုံးဝမပေးခဲ့တာကြောင့် အဆိုပါစက်ရုံရဲ့လွတ်လပ်စွာသင်းပင်းဖွဲ့စည်းခွင့်နှင့်ပတ်သက်သည့်ကန့်သတ်ပိတ်ဆို့မှူ ဖြစ်စဉ်ကို ထပ်မံမှတ်တမ်းတင်တယ်လို့ STUM ကဆိုပါတယ်။
YFAစက်ရုံက ပြီးခဲ့တဲ့နှစ်ကုန်မှာ အလုပ်သမားမအိပိုပိုလှိုင်ကိုလုပ်သက်ခွင့်ရက်တွေ ရယူပြီး အလုပ်ပျက်လို့ဆိုကာ အလုပ်ထုတ်လိုက်တာကြောင့် အီးစီစာချုပ်ချိုးဖောက်တဲ့အတွက် ရွှေပြည်သာမြို့နယ်အလုပ်သမားရုံးက တရားစွဲဆိုခွင့်စာထုတ်ပေးလိုက်တာကြောင့် အလုပ်သမားမအိပိုပိုလှိုင်ရဲ့တရားစွဲဆိုမှူကိုခံခဲ့ရပါသေးတယ်။
အလုပ်သမားဖြစ်သူ မအိပိုပိုလှိုင်က အလုပ်ခန့်ထားမှုဆိုင်ရာသဘောတူစာချုပ်ချိုးဖောက်မှုနဲ့ပတ်သက်လို့ YFAစက်ရုံပိုင်ရှင်ကို တရားစွဲဆိုခဲ့ရာ တရုတ်နိုင်ငံသားစက်ရုံပိုင်ရှင်က မြန်မာနိုင်ငံမှာရှိမနေတာကြောင့်ဆိုပြီး ရုံးချိန်း ၅ ကြိမ်လုံး ပျက်ကွက်ခဲ့လို့ တာဝန်ယူထားသူကို ပြောင်းလဲတရားစွဲဆိုမှု ပြုလုပ်ခဲ့ရာ ပြီးခဲ့တဲ့မေ၅ရက်နေ့ရုံးချိန်း ၆ ချိန်းမြောက်မှာပဲ မေ၁၉ရက်နေ့တိုင်းတရားရုံးမှာနှစ်ဖက်စေ့စပ်ညှိနှိုင်းဖို့နဲ့ တိုင်းတရားရုံးမှာစေ့စပ်ညှိနှိုင်းပြီး အဆင်ပြေသည်ဖြစ်စေမပြေသည်ဖြစ်စေ မေ၂၀ရက်နေ့မှာ တရားရုံးသို့ပြန်လည်လာရောက်ရမယ်လို့ အမိန့်ချမှတ်လိုက် တာဖြစ်ပြီး ပြေလည်မှုရရှိခဲ့တယ်လို့သိရပါတယ်။
အဆိုပါစက်ရုံမှာ Jichodo အမှတ်တံဆိပ်ကိုချုပ်လုပ်တာဖြစ်တယ်လို့သိရပါတယ်။
#MyanmarLabourNews
