ထိုင်းနိုင်ငံ စမွတ်စခွန်ခရိုင် မဟာချိုင်ရှိ အလုပ်ရုံတစ်ရုံ မှ ထိုင်းအလုပ်သမားခေါင်းဆောင်(၀န)ဆိုသူက မြန်မာရွှေ့ပြောင်း လုပ်သား အမျိုးသမီးကို လုပ်ငန်းခွင်အတွင်း အကြောင်းမဲ့ရိုက်နှက်တဲ့ အတွက် နယ်မြေခံရဲစခန်းသို့တိုင်ကြားပေးခဲ့တယ်လို့ ထိုင်းရောက်မြန်မာလုပ်သားကူညီစောင့်ရှောက်ရေးကော်မတီ𝐌.𝐇.𝐀.𝐂(မဟာမိတ်အဖွဲ့) ထံမှ သိရပါတယ်။

 

စက်တင်ဘာ၂၈ ရက် ညပိုင်းက မြန်မာအမျိုးသမီးလုပ်သား ဟာ လုပ်ငန်းခွင်အတွင်း အလုပ်လုပ်နေစဉ် တစ်ခြားလိုင်း မှ ထိုင်းအမျိုးသား အလုပ်သမားခေါင်းဆောင်(ဝန)ဖြစ်သူ လာရောက်စဉ် လူချင်းတိုက်မိမည်စိုးရိမ်သဖြင့် ဘေးသို့ကပ်ပေးသော်လည်း ၎င်းထိုင်းအမျိုးသားက ဝင်တိုက်ပြီး မတောင်းပန်တဲ့ အပြင် မြန်မာအမျိုးသမီးရဲ့ မျက်နှာကို အားဖြင့်ရိုက်နှက်ခဲ့တယ်လို့ ဆိုပါတယ်။

 

""သူက လုပ်ငန်းထဲမှာအလုပ်သမားတွေကို ရိုက်တယ် ပြီးရင် အလုပ်ကနေထုတ်တယ် သူဋ္ဌေးကလည်း ဘာမှထိထိရောက်ရောက်မလုပ်ပေးဘူး အခုလည်း ကျွန်မကထိမှာစိုးလို့ဘေးကပ်နေတာကို သူ့ဟာသူလာတိုက်မိပြီး ကျွန်မနားထင်နားကိုအားနဲ့လာရိုက်တာ တောင်းလည်းမတောင်းပန်ဘူး အကြောင်းမဲ့ အဲ့အတွက် မကျေနပ်ဘူး မြန်မာနိုင်ငံသားတွေကိုလုပ်ချင်တိုင်းလုပ်လို့မရဘူးဆိုတာသိစေချင်တာ သူ့ကိုပြန်တောင်းပန်ခိုင်း ပြီးခံဝန်ထိုးခိုင်းစေချင်တာ''လို့ နစ်နာသူ မြန်မာအမျိုးသမီးလုပ်သားကပြောပါတယ်။

 

၎င်း ထိုင်းအမျိုးသား အလုပ်သမားခေါင်းဆောင် ကို အရေးယူနိုင်ရေး အတွက် နစ်နာသူ မြန်မာအမျိုးသမီး လုပ်သားက အေအေစီရဲမင်းဦးဆောင်သော𝐌.𝐇.𝐀.𝐂(မဟာမိတ်အဖွဲ့)ထံလာရောက်အကူညီတောင်းခံလာတဲ့အတွက် နစ်နာသူအမျိုးသမီးအား သွား​ရောက်တွေ့ဆုံမေးမြန်းပြီးသက်ဆိုင်ရာနယ်မြေခံရဲစခန်း၌ ညတွင်းချင်း တိုင်းကြားပေးခဲ့တယ်လို့ သိရပါတယ်။

 

အခုလိုတိုင်ကြားလိုက်တဲ့ အတွက် ကျူးလွန်သူထိုင်းအမျိုးသား ကို ရဲစခန်းသို့ ခေါ်ကာ နစ်နာသူမြန်မာအမျိုးသမီးရဲ့ ဆန္ဒအတိုင်း တောင်းပန်စေပြီး နောက်နောင်ထပ်မကျူးလွန် ဖို့ ခံဝန်လက်မှတ်ထိုးခိုင်းခဲ့တယ်လို့ သိရပါတယ်။