ထိုင်းနိုင်ငံမှာ အလုပ်လုပ်ကိုင်လိုတဲ့ မြန်မာလုပ်သား ၁၁ဦးဟာ မြန်မာနိုင်ငံမှ လာရောက်သည့် လမ်းစရိတ် ကျပ်သိန်း၆၀၀ကျော် ဘတ်ရိုက်ခ၊ စမတ်ကြေး ဘတ်၂သိန်း ခန့် ကို မြန်မာပွဲစား ထံ ပေးခဲ့ရပေမယ့် အလုပ် မရဘဲ ပွဲစား ဖြစ်သူရဲ့ လိမ်လည်မှု ခံလိုက်ရတယ် လို့ ၎င်းအမှုကိုကူညီပေးနေတဲ့ WAGအလုပ်သမား မဟာမိတ်အဖွဲ့ ထံက သိရပါတယ်။
လက်ရှိ ဘန်ကောက်မြို့၊ ဒွန်းမောင်းလေဆိပ်အနီး နေထိုင်ကြတဲ့ မြန်မာလုပ်သား ၁၁ဦး ကို ဧကချိုင်ဘန်းဘောဆွယ် 61/1 တွင်နေထိုင်သူပွဲစား Zaw Ye Paing ဆိုသူက အီလက်ထရောနစ် စက်ရုံတွင်အလုပ်သွင်းပေးမယ် ဆိုကာ အလုပ်သမား (၁)ဦးလျင်မြန်မာနိုင်ငံမှတက်လာသည့်လမ်းစရိတ်မြန်မာငွေကျပ်၅၆သိန်း ၊ဘတ်ရိုက်ခအတွက် ၈၅၀၀ဘတ်၊ အလုပ်စမတ်ခအတွက် ၈၀၀၀ဘတ် စုစုပေါင်းအလုပ်သမား (၁၁)ဦးစာမြန်မာငွေကျပ် ၆၁၆ သိန်း ၊ ဘတ်ရိုက်ခနှင့်စမတ်ခ ထိုင်းဘတ်ငွေ ၁၈၁၅၀၀ ဘတ်ကို ပွဲစားဆိုသူကို ပေးခဲ့ရတယ်လို့ သိရပါတယ်။
"" ပြီးခဲ့တဲ့၂၀၂၅ခုနှစ်ဒီဇင်ဘာ ၃ရက်ကတည်းက ပွဲစားဇော်ရဲပိုင်ခေါ် ကိုရဲ ကို ဘတ်အတွက် ၈၅၀၀၊စမတ်ကြေး ၈၀၀၀ဘတ်ပေးချေခဲ့တယ် အခုထိ အလုပ်လဲမပေးနိုင် လက်ဗွေနှိပ်ပြီး လို့ ကျန် စာရွက်စာတမ်းတောင်းတော့လည်း ဟိုနေ့ရမယ် ဒီနေ့ရမယ် ရက်ရွှေ့ဖုန်းဆက်လည်းမကိုင်ဘူး ဒါကြောင့် WAGအလုပ်သမား မဟာမိတ်အဖွဲ့ ထံအကူညီတောင်းခဲ့တာပါ""လို့နစ်နာသူမြန်မာလုပ်သားတစ်ဦးကပြောပါတယ်။
နစ်နာသူ မြန်မာလုပ်သား ၁၁ဦးမှာ ပွဲစားထံမှ က စမတ်ကြေးများပြန်လည်ရရှိ လိုပြီး ပွဲစားအားအရေးယူနိုင်ရန် လိုလားတဲ့အတွက် ကူညီဆောင်ရွက်ပေး ဖို့ WAG အလုပ်သမားမဟာမိတ်အဖွဲ့ထံအကူအညီတောင်းခံ ထားတယ်လို့ သိရပါတယ်။
ထိုင်းရောက် မြန်မာလုပ်သား အချို့ကို အလုပ်သွင်းပေးမယ်ဆိုကာမြန်မာနိုင်ငံသား ပွဲစား တွေ က စမတ်ကြေး များ လိမ်လည် တဲ့ ဖြစ်စဉ် တွေ မကြာ ခဏ ဖြစ်နေပြီး အလုပ်သမားအရေးကူညီပေးသူတွေမှ ကူညီဖြေရှင်းပေးနေရကာ မိမိနိုင်ငံသား အချင်းချင်း အခုလို လိမ်လာတဲ့ သူတွေကို ပြည်တွင်း ပြည်ပရှိ မြန်မာနိုင်ငံသားတွေက လူမှုကွန်ယက် ကနေ ရှုံ့ချ အပြစ်တင် တာတွေ လုပ်ဆောင်လျက်ရှိပါတယ်။
