နိုဝင်ဘာ ၊ ၅ ရက်
ယခကလမှစပြီးအိုတီ၊ ရက်မှန်ကြေး၊ ကားခ၊ထမင်းဖိုးတွေနဲ့လစာကိုပါဖြတ်တောက်ခဲ့တဲ့အတွက် လှိုင်သာယာ ရွှေလင်ဗန်းစက်မှု့ဇုံထဲမှာရှိတဲ့ GASAN APPAREL လုပ်သား ၃၃၈ ဦးလောက်က ဒီကနေ့မနက်ပိုင်းကစပြီး စက်ရုံတွင်းဆန္ဒပြတောင်းဆိုနေကြပါတယ်။
"ကျမတို့ကိုကနေ့အထိလစာမပေးသေးဘူး၊ ဒီနေ့လဲရမှာမဟုတ်ဖူး၊ ဒီနေ့ဖြစ်တာကမနေ့ကရတဲ့အော်ဒါတွေကိုကျမတို့ကိုအိုတီမပေးချင်လို့ Daily သမားတွေခေါ်ချုပ်တယ် အဲ့ဒါအလုပ်သမားတွေရောက်လာတော့ကိုယ့်စက်ကိုယ်ပြန်လုတာမနက်ကတော့ရုန်းရင်းဆန်ခတ်ပဲ ရဲရောစစ်သားတွေရောအချုပ်ကားတွေရောပါရောက်လာတာပဲ ခုနကတော့ပြန်သွားတယ်" လို့စက်ရုံအလုပ်သမားတဦးက MLN ကိုပြောပါတယ်။
မနက်အစောပိုင်းကရောက်ရှိလာတဲ့စစ်ကောင်စီတပ်ဖွဲ့ဝင်တွေကအလုပ်သမားအခွင့်အရေးအတွက်စက်ရုံကိုတောင်းဆိုနေကြတဲ့အလုပ်သမားတွေကိုအပေါ်စီးမှနေပြီးဓါတ်ပုံရိုက်တာတွေလဲ ပြုလုပ်သွားတယ်လို့သိရပါတယ်။
"ဓါတ်ပုံတွေရိုက်သွားတယ်ဆန္ဒပြတာဦးဆောင်သူကိုဖမ်းမယ်ပေါ့ကျမတို့ကအကုန်တညီတညွတ်ထဲတောင်းဆိုနေတာဆိုတော့ဖမ်းမရဘူးဖြစ်တာခုကိစ္စမှာစက်ရုံပိုင်ရှင်ထက်သူ့အောက်ကမြန်မာလူမျိုးကပိုဆိုးနေတယ် ကျမတို့ကတော့ဒီစက်ရုံပိတ်တဲ့အထိကိုဖြစ်စေချင်ပြီ မတရားလွန်လို့ခုထိလဲလာပြီးဘာမှမညှိသေးဘူး" လို့စက်ရုံအလုပ်သမားတဦးက MLNကိုပြောပါတယ်။
စက်ရုံတွင်းတောင်းဆိုမှုကို အောက်တိုဘာ ၁၅ရက်နေ့ကစပြီး တောင်းဆိုနေကြပေမယ့်စက်ရုံဖက်ကဒေးကြေးကလွဲပြီးဘာခံစားခွင့်မှမပေးတဲ့အပြင် အလုပ်သမားတွေအပေါ်လာရောက်ညှိနှိုင်းပြောဆိုတာတွေလဲမရှိဘူးလို့စက်ရုံအလုပ်သမားတွေကMLNကိုပြောပါတယ်။
Myanmar Labour Newsမှသတင်းရရှိချိန်ကနေယခုအချိန်အထိGASAN APPAREL အထည်ချုပ်စက်ရုံကအလုပ်သမားတွေက အလုပ်သမားအခွင့်အရေးအတွက်ဆက်လက်ဆန္ဒထုတ်ဖော်နေကြဆဲဖြစ်တယ်လို့သိရပါတယ်။
