ရွေပြည်သာစက်မှုဇုန်က SYSMM APPAREL အထည်ချုပ်စက်ရုံ တာဝန်ရှိသူတွေကအောက်တိုဘာ ၅ ရက်ညနေပိုင်းမှာ လစာထုတ်ပေးပြီး စက်ရုံပိတ်သိမ်းမယ်လို့ ရုတ်တရက် ကြေညာပြီး ဥပဒေအတိုင်း နစ်နာကြေးတွေ ပေးမယ်ဆိုပြီး ပြောဆိုခဲ့တယ်လို့ အလုပ်သမားတွေက ပြောပါတယ်။
“မနက်ဖြန် လျှော်ကြေးရမယ်တောင် တွေးထားတာပါ ။” အထည်ချုပ် အလုပ်သမား တဦးက ပြောပါတယ်။
ဒီကနေ့ စက်တင်ဘာ ၆ ရက်မှာတော့ မနက်ပိုင်းမှာ စက်ရုံအတွင်း အလုပ်သမားတွေကို စက်ရုံဘက်ကခေါ်ယူပြီး စက်ရုံပိတ်သိမ်းပြီး ဥပဒေပါ နစ်နာကြေးပေးမှာ ဖြစ်ပေမဲ့ နို့တစ်ကြေးကိုတော့ မပေးနိုင်ဘူးဆိုပြီး ငြင်းပယ်ခဲ့ တယ်လို့ ပြောပါတယ်။
“ကျွန်မတို့က ဥပဒေအတိုင်းဆိုတော့ နို့တစ်ကြေးပါ ပေးမယ်ထင်ထားတာပါ။ အလုပ်ရုတ်တရက်ပိတ်တော့ အလုပ်ပြန်ရှာဖို့က ခက်တယ်၊ လကလည်း အစဆိုတော့ မလွယ်ဘူး။ နိုတစ်ကြေးမရရင် ကျွန်မတိုခက်ခဲ့တွေ့ တာပေါ့။ ယူထားတွေရှိတော့ လိပ်ပတ်မလည်ဘူးဖြစ်ပြီပေါ့ “ လို့ အမျိုးသမီးအထည်ချုပ်လုပ်သား တဦးက ပြောဆိုပါတယ်။
စက်ရုံဘက်က ကျန်ရှိနေတဲ့လုပ်ငန်းတချို့က အလုပ်သမားတွေကို နေ့စားအဖြစ် လုပ်ငန်းပြတ်တဲ့အထ လုပ်ကိုင်ခိုင်းမယ်ဆိုပြီး ပြောကြားထားပြီး နောက်ဆုံးအဆင့် QC ဌာနနဲ့ ထုတ်ပိုး Packing ဌာနက အလုပ်သမားတွေ လုပ်ငန်းခွင်မှာ ဆက်လက်လုပ်ကိုင်နေကြတယ်လို့ အလုပ်သမားတွေက ပြောပါတယ်။
SYSMM APPAREL Manufacturing Co.;Ltd စက်ရုံကတော့ ရန်ကုန်မြို့ ၊ ရွှေပြည်သာမြို့နယ်၊ ရွှေပြည်သာ စက်မှုဇုန် ၄ ၊ ပန်းပဲခေါင်မောက်ခက်လမ်းမှာ အလုပ်သမား ၆၀၀ ကျော်နဲ့ လုပ်ကိုင်နေပြီး စက်ရုံပိတ်သိမ်းမှုကြောင့် လက်ရှိ လုပ်သား ၄၀၀ ကျော် အလုပ်ဖြုတ်ခံရတာဖြစ်ပါတယ်။ နေ့စားအနေနဲ့ အလုပ်သမား ၁၀၀ ကျော် ကျန်ရှိနေပြီး စက်ရုံကတော့ ဥရောပ ကုန်အမှတ်တံဆိပ်တွေဖြစ်တဲ့ Sinsay၊ RAFRAF၊ Fox & Bunny စတဲ့ အမှတ်တံဆိပ်တွေ ချုပ်လုပ်နေတယ်လို့ သိရပါတယ်။
#MyanmarLabourNews
