အကြောင်းအမျိုးမျိုးကြောင့် အရေးယူခံရကာ အလုပ်သမားဝန်ကြီးဌာန မှ ရာသက်ပန် လိုင်စင်ပိတ်သိမ်း ခံရတဲ့ ပြည်ပအလုပ်အကိုင်အကျိုးဆောင် လိုင်စင်ရအေဂျင်စီ တွေ ကို လိုင်စင်အာမခံစပေါ်ငွေ ပြန်လည်ထုတ်ယူခွင့်မပေးတော့ဘူးလို့ အလုပ်သမားညွန်ကြားမှုဦးစီးဌာနက ဇူလိုင် ၅ရက် နေ့မှာ အသိပေးကြေညာလိုက်ပါတယ်။

ပြည်ပအလုပ်အကိုင်အကျိုးဆောင်လိုင်စင်စည်းကမ်း အပိုဒ်၄(င)အရ ပြစ်မှုတစ်စုံတစ်ရာ တွေ့ရှိတာကြောင့် လိုင်စင်ပိတ်သိမ်းခံရပါက လိုင်စင်အာမခံ စပေါ်ငွေ အဖြစ် ပေးသွင်းထားတဲ့ မြန်မာ ကျပ်ငွေ သိန်း၅၀ကို ပြန်လည် ထုတ်ပေးမှာမဟုတ်ဘူးလို့ဆိုပါတယ်။

အဆိုပါ လိုင်စင်အာမခံ စပေါ်ငွေ ကို နိုင်ငံတော်ဘဏ္ဍာ သို့ ၂၀၂၄-၂၀၁၅ ဘဏာရေးနှစ် မှာ ပေးသွင်းဆောင်ရွက်မှာ ဖြစ်တယ်လို့ အလုပ်သမားညွန်ကြားရေးဦးစီးဌာနက အသိပေးကြေညာထားပါတယ်။

"တော်ရုံ အမှုကတော့ရှင်းလို့ရပါတယ်၊ အခုလိုင်စင်ရာသက်ပန် အသိမ်းခံရတဲ့ အေဂျင်စီ တွေ က အလုပ်သမားတွေစီက အတော်လေး လိမ်လည်သွားတာ အမှုတွဲ တွေ တော်တော်များကြတယ် ဒါကြောင့်လည်း ပိတ်သိမ်းခံရတာ"လို့ အေဂျင်စီ တစ်ခုမှ တာဝန်ရှိသူတစ်ဦးကပြောပါတယ်။

လက်တလောမှာ ရာသက်ပန်လိုင်စင်ပိတ်သိမ်းခံရတဲ့ အေဂျင်စီ တွေ မှာ  Lu kyaw ၊7 Star Hight ၊ Moe Shwe Sin၊ Myanmar Dargon pan cherry၊ property World၊ Myint Mo Phue Pwint ၊Yan Aye Services စတဲ့အေဂျင်စီ တွေပါအဝင် အေဂျင်စီ အခု ၂၀ ရှိတယ်လို့ သိရပါတယ်။