လေဖိအားနည်းရပ်ဝန်းကြောင့်မိုးရွာသွန်းမှုဆက်တိုက်ဖြစ်ပေါ်ကာရေကြီးရေလျှံမှုတွေကြောင့်ရန်ကုန်က မြို့နယ် အများစုမှာ အလုပ်သမားတွေ သွားလာရေးအခက်အခဲဖြစ်ပေါ်နေပါတယ်။
အောက်တိုဘာလ (၂၀)ရက်ညကစတင်ပြီးမိုးသည်းထန်စွာရွာသွန်းနေတာဖြစ်ပြီးရေကြီးရေလျှံတာတွေဟာလူနေရပ်ကွက်တွေတင်မကဘဲကားလမ်းမတွေပေါ်မှာပါဖြစ်ပေါ်နေတာပါ။
"အလုပ်ကလှည်းတန်းနားထိသွားရတယ်။ကားတော်တော်အဆင်မပြေဘူး။ကားရှားတယ်။အသွားအလာခက်တယ်။အချိန်ပိုကုန်တယ်"လို့ ပုဂ္ဂလိကဝန်ထမ်းတစ်ဦးကပြောပါတယ်။
လက်ရှိမှာရေကြီးရေလျှံမှုကြောင့်ကားအသွားအလာတွေခက်ခဲသလိုတက္ကစီဌားရမ်းခတွေလည်းဈေးနှုန်းတွေမြင့်တက်နေပါတယ်။
"ကားငှားဖို့လည်းမလွယ်ဘူး။အရင်ကလှည်းတန်းနဲ့ရွှေပြည်သာဆိုနှစ်သောင်းလောက်ပဲရှိတယ်။အခု grab application နဲ့ငှားဖို့ကြည့်တော့(၂၇၈၀၀)လောက်ပေးရမယ်။လက်တားကျတော့လည်းခေါ်ဈေးဖြစ်နေတယ်။မဖြစ်မနေအလုပ်ကခေါ်လို့သွားရရင်တော့ကားကတကယ်အခက်အခဲဖြစ်နေတာ"လို့ရွှေပြည်သာမြို့နယ်မှာနေထိုင်သူတစ်ဦးကပြောပါတယ်။
ရေကြီးရေလျှံမှုကြောင့်အလုပ်သမားတွေသွားလာရခက်ခဲနေပြီး စာသင်ကျောင်းတွေ ပိတ်ထားပေမယ့် အလုပ်ပိတ်တာတွေတော့မရှိသေးဘူးလို့အလုပ်သမားတွေဆီကသိရပါတယ်။
Photo- CJ ရွှေပြည်သာမြို့နယ် ရှိ ရက်ကွက်နဲ့ စာသင်ကျောင်းအချို့ မှာ ရေကြီးရေလျှံနေတဲ့ မြင်ကွင်းများ။
Application - https://bit.ly/3oNDLga
Website Link - https://www.myanmarlabournews.com
Telegram Link - https://t.me/myanmarlabournews
#MyanmarLabourNews
