ILO ရဲ့ အပြည်ပြည်ဆိုင်ရာအလုပ်သမားရေးရာညီလာခံ (International Labour Conference – ILC) ၁၁၃ ကြိမ်မြောက် ညီလာခံမှာ အမျိုးသားညီညွတ်ရေးအစိုးရ (NUG) ၊ အလုပ်သမားဝန်ကြီးဌာန ဦးဆောင်သည့် သုံးပွင့်ဆိုင် ကိုယ်စားလှယ်အဖွဲ့မှ တက်ရောက်ခဲ့တယ်လို့ ထုတ်ပြန်ပါတယ်။
ILC ညီလာခံမှာ အမျိုးသားညီညွတ်ရေးအစိုးရရဲ့ ၃ ပွင့်ဆိုင်ကိုယ်စားလှယ်အဖွဲ့ကို လက်ခံဖို့နဲ့ စစ်အုပ်စုကို စီးပွားရေးအရ အရေးယူနိုင်ရေး အတွက် တက်ရောက်နေတာလို့ သိရပါတယ်။
မြန်မာနိုင်ငံမှာ လူ့အခွင့်အရေး ချိုးဖောက်ခံရတာ၊ အလုပ်သမားအခွင့်အရေး ချိုးဖောက်ခံရတာနဲ့ စစ်ကောင်စီက လေယာဉ်ကြောင်းက ဗုံးကြဲ တိုက်ခိုက်တာ စတဲ့ အကြမ်းဖက်ကျူးလွန်နေမှုတွေ အတွက် ILC ကနေ ထိရောက်တဲ့ နည်းလမ်းတွေနဲ့ ပိတ်ဆို့အရေးယူဖို့ ၃ ပွင့်ဆိုင် ကိုယ်စားလှယ်တွေက ဆွေးနွေးတင်ပြ ခဲ့တယ်လို့ ထုတ်ပြန်ထားပါတယ်။
ဒီကနေ့မှာလည်း ကမ္ဘာ့ကုလသမဂ္ဂ အဆောက်အအုံ Broken Chair မှာ မြန်မာ့အရေးကို စုပေါင်းဆွေးနွေးမှုကို ထောက်ခံသည့် ဆန္ဒပြပွဲ ပြုလုပ်ခဲ့ပြီး ကမ္ဘာ့အလုပ်သမားသမဂ္ဂအဖွဲ့ဝင်တွေ၊ နိုင်ငံအသီးသီးက ညီလာခံ ကိုယ်စားလှယ်တွေ ပါဝင်ခဲ့ တယ်လို့ သိရပါတယ်။
ဆန္ဒပြပွဲမှာ စစ်ကောင်စီကို အရေးယူရေး ဆက်လက်ဆောင်ရွက်ဖို့ ၊ စစ်ကောင်စီအပေါ် Article 33 အရ အရေးယူနိုင်ရေး ညီလာခံကိုယ်စားလှယ်တွေက မြန်မာပြည်သူနှင့်အတူတူ ရပ်တည်ရေး တောင်းဆို ဆန္ဒပြခဲ့ကြပါတယ်။
