မလေးရှားနိုင်ငံ ရောက် မြန်မာအလုပ်သမား တစ်ဦး သေဆုံးသည်မှာ တစ်လကျော် ကြာပြီ ဖြစ်သော်လည်း လက်ရှိအချိန် ထိ၎င်းရဲ့ မိသားစုဝင် တွေ နဲ့ အဆက်သွယ်မရတဲ့ အတွက် သဂြိုလ်ရန်အတွက် အခက်အခဲကြုံတွေ့နေရတယ်လို့ မြန်မာ့လူမှုကူညီရေးအသင်း (မလေးရှား)ထံ မှ သိရပါတယ်။

အဆိုပါ မြန်မာအလုပ်သမား မှာ မလေးရှားနိူင်ငံ ကွာလာလမ်ပူမြို့ ချဲရပ်မြို့ မှာ နေထိုင်ပြီး နေအိမ်ပေါ် မှ ဇွန်လ ၁ရက် နေ့ တွင် ခုန်ချပြီး သေဆုံးခဲ့တယ်လို့ ဆိုပါတယ်။

သေဆုံးသူရဲ့ မိသားစု ကို ယနေ့အထိ ဌာနဆိုင်ရာများ ရှာဖွေ၍မတွေ့ရှိ တဲ့ အတွက် သဂြိုလ်ရန်အတွက် အခက်အခဲကြုံတွေ့နေရတယ်လို့ သိရပါတယ်။

ဒါကြောင့် သေဆုံးသူ ကို သိရှိသူတွေ အနေနဲ့ မြန်မာလူမှုကူညီရေးအသင်း (မလေးရှား) ဖုန်းနံပတ် 016-6577903 ကိုဆက်သွယ် မေးမြန်းနိုင်တယ်လို့ သိရပါတယ်။