မြန်မာပြည်တွင်း ဖြစ်ပေါ်နေတဲ့ အခြေနေတွေ ကြောင့် မြန်မာလုပ်သားခေါ်ယူတာမှာ ကြန့်ကြာမှုတွေ ရှိနေတဲ့ အတွက် အလုပ်အကိုင်ရှာဖွေတဲ့ အေဂျင်စီတွေ အနေနဲ့ ပြန်စိစစ်ဖို့ စင်္ကာပူအစိုးရ လူ့စွမ်းအားအရင်းအမြစ်ဝန်ကြီးဌာနက ထုတ်ပြန်လိုက်ပါတယ်။
မြန်မာအလုပ်သမားတွေကိုခေါ်ယူတာမှာ Travel difficult ခရီးသွားလာမှုဆိုင်ရာ ကန့်သက်ချက်တွေ စစ်မှုထမ်းဥပဒေ သက်ရောက်မှုတွေ နဲ့ အခြား နိုင်ငံရေးအခြေနေတွေကြောင့် ကြန့်ကြာမှု တွေ ဖြစ်နေတဲ့အပေါ် အလုပ်အကိုင်အေဂျင်စီ တွေ အနေနဲ့ စီးပွားရေးလုပ်ငန်းတွေ ဆက်လက် လည်ပတ်နိုင်ဖို့ အတွက် နိုင်ငံခြားသားလုပ်သား ခေါ်ယူဖို့ ခွင့်ပြုပေးထားတဲ့ အခြားနိုင်ငံ တွေမှ လုပ်သားတွေ ကိုလည်းခေါ်ယူနိုင်တယ်လို့ စင်္ကာပူ အစိုးရက အကြံပြုထားပါတယ်။
"အခု ကြေညာချက်က မြန်မာဘက်က စစ်မှုထမ်းဥပဒေ အသက်ကန့်သက်ချက်တွေ ခရီးသွားလာရေး အခက်ခဲ တွေ ကြောင့် မြန်မာလုပ်သားကို စင်္ကာပူဘက်က ခေါ်ယူတဲ့အခါ ကြန့်ကြာတာတွေ ဖြစ်နေတော့ မြန်မာနေရာမှာ အခြားနိုင်ငံက လုပ်သားလည်းခေါ်လို့ရတယ်ဆိုတာကို စင်္ကာပူအစိုးရက သူတို့အေဂျင်စီတွေကို အသိပေးတဲ့စာထုတ်တာပါ တချို့ကလည်း စင်္ကာပူရောက်နေတဲ့ မြန်မာလုပ်သားတွေ နေထိုင်မှုစည်းကမ်းမရှိသူ များလာလို့ တစ်ဖက်လှည့်နဲ့ စင်္ကာပူအစိုးရက မြန်မာလုပ်သားမခေါ်ဖို့ ဆိုလိုတယ်လို့ ပြောကြတာလဲ ရှိတယ် ဒါလည်းဖြစ်နိုင်တာပဲလေ အခုလိုစာထွက်လာတဲ့ အတွက် စင်္ကာပူ အနေနဲ့ မြန်မာအလုပ်သမားခေါ်ယူမှု နှုန်းထားကတော့ လျော့ကျသွားမယ်လို့ထင်ပါတယ်""လို့ လိုင်စင်ရအေဂျင်စီ မှတာဝန်ရှိသူတစ်ဦးကသုံးသပ်ပြောကြားပါတယ်။
စင်္ကာပူနိုင်ငံ မှာမြန်မာအလုပ်သမား သိန်းချီရှိပြီးအိမ်အကူအနေနဲ့ လုပ်ကိုင်သူတွေရှိသလို အထွေထွေလုပ်သားအနေနဲ့ လုပ်ကိုင်သူတွေလည်းရှိပါတယ်။
စစ်အာဏာသိမ်းပြီး နောက်ပိုင်းမှာ စင်္ကာပူနိုင်ငံ ကို အလုပ်သွားရောက်လုပ်ကိုင် သူပိုမိုများပြားလာကာ စင်္ကာပူ နိုင်ငံသား အဖြစ် ပြောင်းလဲလျှောက်ထားတဲ့ မြန်မာနိုင်ငံသား တွေလည်း ပိုမိုများလာပြီး ၂၀၂၄ ခုနှစ် တစ်နှစ် အတွင်း တင် ၃၀၀ ခန့်ရှိတယ်လို့ စင်္ကာပူရှိ မြန်မာသံရုံးရဲ့ထုတ်ပြန်ချက်အရ သိရပါတယ်။
Myanmar Labour News ရဲ့ နောက်ဆုံးရအလုပ်သမားရေးရာ သတင်းတွေကို
