ထိုင်းနိုင်ငံ ဆူဖန်ဘူရီခရိုင်ရှိ ဆောက်လုပ်ရေး(ပန်းရံ) အလုပ်လုပ်ကိုင်နေ တဲ့ ထိုင်းရောက်မြန်မာလုပ်သားလူငယ် တစ်ဦးမှာ မတ်လ ၁ရက်က ထွက်ရှိတဲ့ ထိုင်းထီ ဘတ်၆သန်း ဆု ကံထူးခဲ့တယ်လို့ ၎င်းဆုငွေ ထုတ်ယူရေးကို ကူညီပေးတဲ့ MHAC မဟာမိတ် အဖွဲ့ ထံ မှ သိရပါတယ်။

 

ကံထူးရှင်မှာ မြန်မာနိုင်ငံ နေပြည်တော် မှ ထိုင်းနိုင်ငံသို့ လာရောက် အလုပ် လုပ်ကိုင်တာ ၆ လသာရှိသေးတယ်လို့ သိရပါတယ်။ထီဆုငွေ ထုတ်ယူပေးရန်အတွက် အေအေစီရဲမင်းဦးဆောင်တဲ့ MHAC မဟာမိတ်အဖွဲ့ထံ အကူညီတောင်းခံ ခဲ့တယ်လို့ သိရပါတယ်။

 

ထီဆုငွေ ဘတ်၆သန်း ကို မတ်လ ၂ရက် က နေ့ချင်းပြီးထုတ်ယူပေးခဲ့ ပြီး ကံထူးရှင် မြန်မာလုပ်သား ထံ လွှဲပေးခဲ့ ကာ ကံထူးရှင်မြန်မာလုပ်သားမှ MHAC အဖွဲ့ ရေရှည် ရပ်တည်နိုင်ရေး ထိုင်းဘတ်ငွေ တစ်သိန်း လှူဒါန်းပေးခဲ့သလို MHAC အမာခံအဖွဲ့ဝင်များနှင့် MHAC ရုံး၌ ခိုလှုံနေသော ဒုက္ခရောက်နေသူတွေ အပါအဝင် ထောက်ပံ့မှုမျိုးစုံ အလှူပြုပေးခဲ့တယ်လို့ သိရပါတယ်။

 

MHAC မဟာမိတ်အဖွဲ့ အနေနဲ့ ထိုင်းထီပေါက်ရှိတဲ့ မြန်မာနိုင်ငံသားတွေကို ထီဆုငွေများ ထုတ်ယူပေးခဲ့တာမှာ နှစ်စောင်တွဲ ကံထူးရှင် ၈ ဦး အပါအဝင် စုစုပေါင်း ၆၃ ဦးမြောက် ရှိပြီ ဖြစ်ကြောင်း သိရပါတယ်။