ထိုင်းနိုင်ငံ ချင်းမိုင်မြို့မှာရှိတဲ့ ဆောက်လုပ်ရေးလုပ်ငန်းတခုမှာ အလုပ်လုပ်ကိုင်နေကြတဲ့ မြန်မာအလုပ်သမား ၂၁ ဦးရဲ့ လုပ်ခလစာတွေကို အလုပ်ရှင်ဘက်က တနှစ်ကျော်ကြာ ပုံမှန်မရှင်းပေးတာကြောင့် အဆိုပါ လုပ်ခလစာတွေရရှိရေးအတွက် မြို့နယ် ဆဝါဒီကန် ရုံးကို သွားရောက်တိုင်ကြားခဲ့ကြတယ်လို့ သိရပါတယ်။
အဲ့ဒီနောက် အလုပ်ရှင်က ၅ လအတွင်း အကြေပေးမယ်လို့ ကတိကဝတ်ပြုခဲ့ကြောင်း လိုက်ပါကူညီပေးခဲ့တဲ့ WAGအလုပ်သမားမဟာမိတ်အဖွဲ့၏ထုတ်ပြန်ချက်အရသိရပါတယ်။
အဆိုပါအလုပ်သမား တွေဟာ MOU၊ CI နဲ့ လုပ်ကိုင်ကြတဲ့ အလုပ်သမားတွေဖြစ်ပြီး အဆိုပါဆောက်လုပ်ရေးလုပ်ခွင်မှာ သုံးနှစ်ခန့်လုပ်ကိုင်ခဲ့ကြာရာမှ လွန်ခဲ့သောတစ်နှစ်ခန့်မှစကာ အလုပ်ရှင်မှလုပ်ခလစာပုံမှန်မရှင်ပေးဘဲ စားသောက်ရေးအတွက်ကြိုတင်ငွေ သာထုတ်ပေးခဲ့တာလို့ သိရပါတယ်။
"တနလာ်နေ့ကိုတော့အလုပ်ရှင်က သူလေးဝှီးစာဖြတ်ပေးမယ်။ကျန်တဲ့ဟာကိုတော့သူငါးလနဲ့အကျေရာခိုင်နှုန်းနဲ့ပေးသွားမယ်ပေါ့လက်မှတ်ထိုးသွားပါတယ်"လို့ WAG အလုပ်သမားမဟာမိတ်အဖွဲ့ခေါင်းဆောင်ကိုမုန်တိုင်းကပြောပါတယ်။
အဆိုပါအလုပ်သမားများလုပ်ခလစာရရှိရေးနှင့်ပတ်သတ်ပြီး WAGအလုပ်သမားမဟာမိတ်အဖွဲ့မှ အောက်တိုဘာ၂ရက်နေ့မှာ အလုပ်သမားများနှင့်အတူ မြို့နယ်ဆဝါဒီရုံးသို့ သွားရောက်တိုင်ကြားခဲ့ကြရာမှ မြို့နယ်ဆဝါဒီကန်ရုံးမှသူဌေးဖြစ်သူအားဖုန်းဆက်ခေါ်ယူ ညှိနှိုင်းပေးခဲ့ခြင်းဖြစ်ပြီး သူဌေးဖြစ်သူမှ အလုပ်သမားတွေ ရဲ့ လုပ်အားခတစ်သိန်းလေးသောင်းဘတ်ခန့်အား ငါးလအတွင်းအကျေပေးမည်ဖြစ်ကြောင်း ဆဝါဒီကန်ဝန်ထမ်းများ WAG အဖွဲ့နဲ့ အလုပ်သမားတွေ ရှေ့မှာ ကတိစာချုပ်လက်မှတ်ရေးထိုးခဲ့တာလို့ သိရပါတယ်။
