ထိုင်းနိုင်ငံ မဲဆောက်မြို့ မယ်ကုရပ်ကွက် ရှိ အလုပ်ရုံ တစ်ရုံမှ အကြောင်းမဲ့ အလုပ် ဖြုတ်ခံလိုက်ရတဲ့ မြန်မာလုပ်သား ၄၂ဦး ဟာ နစ်နာကြေး ဘတ်၃သန်း ခန့်ရရှိတယ်လို့ ၎င်းအမှု ကို ကူညီပေးခဲ့တဲ့ MHACမဟာမိတ်အဖွဲ့ထံမှ သိရပါတယ်။

၎င်း အလုပ်ရုံ က အလုပ်ရှင်ဟာ မြန်မာအလုပ်သမားတွေကို အကြောင်းမဲ့ အလုပ်မှ ထုတ်ပယ်လိုက်တဲ့အပြင် မည့်သည့်အလုပ်သမားအခွင့်အရေးမှ မပေးဘဲ ငြင်းဆန်ခဲ့ပြီး အလုပ်သမားတွေ အပေါ် အကြပ်ကိုင်ဖိအားပေးမှုများပါ ပြုလုပ်ခဲ့တယ်လို့ သိရပါတယ်။

 

အခုလို အလုပ်သမားအခွင့်အရေး ချိုးဖောက်ခံနေရတာကြောင့် အေအေစီရဲမင်း ဦးဆောင်တဲ့ MHAC မဟာမိတ်အဖွဲ့ထံ နစ်နာသူ အလုပ်သမားတွေက အကူညီတောင်းခံလာသဖြင့် နယ်မြေခံ အလုပ်သမားကာကွယ်စောင့်ရှောက်ရေးဌာန ကို တိုင်ကြားပေးခဲ့တယ်လို့ သိရပါတယ်။

 

အခုလို တိုင်ကြားခဲ့တာကြောင့် နယ်မြေခံ အလုပ်သမားကာကွယ်စောင့်ရှောက်ရေးဌာန မှ သက်ဆိုင်ရာ ထိုင်းအစိုးရ တာဝန်ရှိသူတွေ နဲ့ ပူးပေါင်း ပြီး နစ်နာသူ မြန်မာအလုပ်သမားတွေ အတွက် ထိုင်းဘတ်ငွေ ၂သန်း၈သိန်း၉သောင်း နစ်နာကြေး ရရှိခဲ့တယ်လို့ သိရပါတယ်။

 

နစ်နာသူ အလုပ်သမားတွေကို ကူညီရာမှာ မဲဆောက်မြို့ဟာ မြန်မာနိုင်ငံနယ်စပ်ဒေသ ဖြစ်တာကြောင့် အလုပ်သမားအရေးကိစ္စ တွေ ဆောင်ရွက်ရာမှာ စိန်ခေါ်မှုများ၊ အခက်အခဲများစွာ ရှိပြီး ၎င်းအခက်အခဲများကြားမှ မြန်မာ လုပ်သားတွေအတွက် ကူညီ ပေးခဲ့ ခြင်း ဖြစ်တယ်လို့ 𝐌.𝐇.𝐀.𝐂 မဟာမိတ်အဖွဲ့က ထုတ်ပြန်ထားပါတယ်။