မလေးရှား နိုင်ငံ ကလန်တန်ပြည်နယ် တွင် အထောက်အထားမရှိဘဲ တရားမဝင် ဝင်ရောက်လာတဲ့ မြန်မာအပါအဝင် ရွှေ့ပြောင်းနေထိုင်သူ ၂၇ဦးကို ဖမ်းဆီးခဲ့တယ်လို့ မလေးရှားလူဝင်မူကြီးကြပ်ရေး ဌာနကထုတ်ပြန်ထားပါတယ်။
ကလန်တန်ပြည်နယ် လူဝင်မှုကြီးကြပ်ရေးမှ ဖေဖေါ်ဝါရီ ၂၀ရက်မှာ Wakaf Che Yeh ရှိ ၂၄နာရီညဈေးအနီး က ဟိုတယ်တစ်ခု ကို ဝင်ရောက်စစ်ဆေးရာ မှာ မင်္သကာစရာ ကား လေးစီး ကို တွေ့ရှိပြီးဆက်လက် စစ်ဆေးရာ မြန်မာအမျိုးသမီး ၁၂ ဦးနဲ့ အမျိုးသား ၈ဦး စုစုပေါင်း ၂၀ဦး ကို ကနဦး ဖမ်းမိခဲ့တယ်လို့ သိရပါတယ်။
ထို့နောက် ဟိုတယ်အခန်းများ အတွင်း စစ်ဆေးရာ မြန်မာနိုင်ငံသို့ ပြန်ရန် စောင့်နေတဲ့ မြန်မာနိုင်ငံသား ၅ဦး ကို ဖမ်းမိခဲ့သလို ဟိုတယ်ခေါင်မိုးပေါ်ပုန်းအောင်းနေတဲ့ တရုတ်နိုင်ငံသား ၂ဦးထပ်မံဖမ်းဆီးရခဲ့တယ်လို့ ထုတ်ပြန်ထားပါတယ်။
ဒါ့အပြင် တရားမဝင်ရွှေ့ပြောင်းနေထိုင်သူ ၂၇ဦးရဲ့ နောက်ကွယ်မှ ချုပ်ကိုင်သူ လို့ ယူဆရတဲ့ အသက်၃၁နှစ်အရွယ် မြန်မာ ၁ဦး ကိုလည်းလူဝင်မူကြီးကြပ်ရေး ဌာနကဖမ်းဆီးရရှိကြောင်းထုတ်ပြန်ထားပါတယ်။
ဖမ်းခံရသူ ၂၇ ဦး ကို လူဝင်မူကြီး ကြပ်ရေးအက်ဥပဒေ ၁၉၅၉၊၆၃ပုဒ်မ ၆(၁)(ဂ) အရတရားဝင်အထောက်အထားမရှိဘဲအတွင်းသို့ ဝင်ရောက်မူဖြင့်ဖမ်းဆီးခဲ့ပြီး အဓိက သံသယရှိသူ မြန်မာနိုင်ငံသား တစ်ဦးကိုတော့ လူကုန်ကူးမှုတိုက်ဖျက်ရေးအက်ဥပဒေ ၂၀၀၇ ပုဒ်မ၂၆(က)အရဖမ်းဆီးထားတယ်လို့ သိရပါတယ်။
သယ်ယူပို့ဆောင်တာမှာ အသုံးပြုတဲ့ ကား၄စီးကိုလည်း သိမ်းဆည်းထားကြောင်း ထုတ်ပြန်ထားပါတယ်။
