မလေးရှား နိုင်ငံ အတွင်း အကြောင်းအမျိုးမျိုးနဲ့ ပြစ်ဒဏ်ကျခံရပြီး တဲ့ မြန်မာနိုင်ငံသား ၆၅ဦး ကို ဇန်နဝါရီ ၂၆ရက် မှာ မြန်မာနိုင်ငံသို့ လေကြောင်းဖြင့် ပြန် လည် ပို့ဆောင်ခဲ့တယ် လို့ ဂျိုဟိုးပြည်နယ် လူဝင်မှုကြီးကြပ်ရေးဌာနရဲ့ ထုတ်ပြန်ချက်အရ သိရပါတယ်။
ဂျိုဟိုး ဘာရူး ပြည်နယ် ပီကန်နာနာစ့် လူဝင်မှုကြီးကြပ်ရေး ထိန်းသိမ်းရေးစခန်းမှ မြန်မာနိုင်ငံသား ၆၅ဦးအပါအဝင် ပြစ်ဒဏ်ကျခံ ပြီးတဲ့ နိုင်ငံခြားသား ၁၃၁ဦး ကို ကွာလာလမ်ပူ KLIA 1 နှင့် KLIA 2 အပြည်ပြည်ဆိုင်ရာ လေဆိပ်တွေ အပြင် Rantau Panjang ICQS နယ်စပ်ဂိတ်တို့မှတစ်ဆင့် သက်ဆိုင်ရာနိုင်ငံများသို့ ပြန်လည်ပို့ဆောင်ခဲ့တယ်လိူ့ ထုတ်ပြန်ထားပါတယ်။
ယခု ဇန်နဝါရီလ အတွင်း မလေးရှား မှ ပြစ်ဒဏ်ကျခံ ပြီးတဲ့ မြန်မာနိုင်ငံသားတွေကို မြန်မာ နိုင်ငံသို့ ပြန်လည် ပို့ဆောင်တာမှာ ယခု ၆၅ဦးအပါအဝင် ပြန်ပို့ခံရတဲ့ လူဦးရေ ၂၀၀ ခန့်ရှိ ပြီ ဖြစ်ပါတယ်။
ပြန်လည်ပို့ဆောင်ခံရသူ အားလုံးကို မလေးရှား လူဝင်မှုကြီးကြပ်ရေးဌာနရဲ့ စနစ်အတွင်း နာမည်ပျက်စာရင်း (Blacklist) သွင်းထားပြီး သတ်မှတ်ထားသော ကာလအတွင်း မည်သည့်အကြောင်းပြချက်နှင့်မျှ နိုင်ငံအတွင်းသို့ ပြန်လည်ဝင်ရောက်ခွင့် ပြုမည်မဟုတ်ကြောင်း သိရပါတယ်။
အဖမ်းခံရသူ အများစု မှာ မလေးရှား နိုင်ငံ အတွင်း အထောက်အထားမဲ့ နေထိုင် အလုပ်လုပ်ကိုင် ခြင်းတို့ကြောင့် ပြစ်ဒဏ်ကျခံရတာ အများ ဆုံးဖြစ်ကာ ပြစ်ဒဏ်ကာလ ပြည့်မြောက် ပါက လည်း မြန်မာနိုင်ငံသား ဖြစ်ကြောင်း အထောက်အထား ပြရတဲ့ အပြင် ပြန်မယ့် လေယာဉ် လက်မှတ်ခ ပါ ပေးသွင်းရတယ်လို့ သိရပါတယ်။
အချို့မြန်မာနိုင်ငံသားတွေ မှာ ပြစ်ဒဏ်ကျခံ ပြီးပေမယ့် မိသားစု နဲ့ အဆက်သွယ်ပြတ်တောက်နေတာကြောင့် လေယာဉ်
လက်မှတ်ဖိုး မပေးနိုင်ဖြစ်ကာ လူဝင်မှုကြီးကြပ်ရေး ထိမ်းသိမ်းရေးစခန်း တွေမှာ မိသားစု နဲ့ အဆက်သွယ် ရဖို့ စောင့်နေရသူတွေ များစွာရှိကြောင်း ကူညီပေးသူတွေထံမှ သိရပါတယ်။
