လက်တလောမှာတော့ မလေးရှားနိုင်ငံဘက်မှ တရားဝင် နိုင်ငံခြားသား အလုပ်သမား ဝင်ရောက်မှု ပြန်လည်စိစစ်မှာ ဖြစ်တဲ့ အတွက် ဇွန်လ ၁ရက် က စပြီး ယာယီ ပိတ်ထားတဲ့ အတွက် တရားဝင် MOU မြန်မာအလုပ်သမား စေလွှတ်မှု ယာယီရပ်ထားတယ်လို့ အေဂျင်စီအသိုင်းဝိုင်းမှ သိရပါတယ်။
"မလေးရှား ကို ကိုဗစ် နောက်ပိုင်းမှာ မြန်မာလုပ်သား ဝင်လာတာ အရမ်းများတယ် လတ်တလော ကို အဖမ်းဆီး များ နေတာလဲ တရားမဝင် တွေ လာ နေကျတာပဲ အခု မလေးရောက် နေတဲ့ မြန်မာနိုင်ငံသား ဆို ပျှမ်းမျှ ငါးသိန်းလောက်ရှိမယ်"လို့ မလေးရောက်မြန်မာအလုပ်သမားတစ်ဦးကပြောပါတယ်။
၂၀၁၇ ခုနှစ်ဇန်နဝါရီမှ၂၀၂၄ ခုနှစ်ဧပြီ လအထိ မလေးရှားနိုင်ငံသို့ MOU မြန်မာအလုပ်သမား ၂သိန်းကျော် စေလွှတ်ခဲ့တယ်လို့ သိရပါတယ်။ ကုန်ထုတ်လုပ်ငန်း၊ ဆောက်လုပ်ရေးလုပ်ငန်း၊ ဝန်ဆောင်မှုလုပ်ငန်း၊ စိုက်ပျိုးရေးနှင့် မွေးမြူရေးလုပ်ငန်း တို့ မှာ အများဆုံး လုပ်ကိုင်ရတယ်လို့ ဆိုပါတယ်။
MOU နဲ့သွားရောက်ခဲ့တဲ့ အလုပ်သမားတွေဟာ စာရင်းအရ ၂၀၁၅၄၀ ဦးရေ ရှိပေမယ့် ဆေးမအောင်ခြင်း နဲ့ အခြားအကြောင်း အမျိုးမျိုးကြောင့် မလေးရှားနိုင်ငံကို မရောက်ရှိတာတွေ လဲရှိတယ်လို့ သိရပါတယ်။ ၇ နှစ်အတွင်း တရားဝင် သွားရောက် လုပ်ကိုင်သူ ၂သိန်းကျော်သာ ရှိပေမယ့် တရားမဝင် သွားရောက်သူတွေလည်း များစွာရှိတယ်လို့ မလေးရောက်မြန်မာအလုပ်သမားတွေ ထံ က သိရပါတယ်။
