ထိုင်း-မြန်မာ နယ်စပ်၊ ဖေ့ာဖရာမြိုနယ်မှာ ဘန်ကောက်မြို့ကို သွားရောက်မဲ့ မြန်မာနိုင်ငံသား ၄၄ဦး ကို ဖမ်းဆီးမိခဲ့တယ်လို့ ထိုင်းသတင်းတွေမှာ ဖေါ်ပြပါတယ်။ မြန်မာနိုင်ငံသားတွေဟာ တရားမဝင် နယ်စပ်ဖြတ်ကျော် ဝင်ရောက်လာတာဖြစ်တယ်လို့လည်း သိရပါတယ်။

 

မေလ ၂၀ရက် မနက်ပိုင်းက ထိုင်း-မြန်မာ နယ်စပ်မှာ ထိုင်းRajamanu အထူးတပ်ဖွဲ့ ကင်းလှည့်နေစဉ် မြန်မာနိုင်ငံသား အမျိုးသား၂၆ဦး၊အမျိုးသမီး ၁၀ဦး နဲ့ အဖော်လိုက်လာသူ ၈ဦး စုစုပေါင်း ၄၄ဦး ကို ဖမ်းဆီးခဲ့တယ်လို့ ဆိုပါတယ်။

 

မြန်မာနိုင်ငံသားတွေဟာ ဘန်ကောက်မြို့ အနီးတစ်ဝိုက်မှာ အလုပ် လုပ်ဖို့ နယ်စပ်ကို တရားမဝင် ဖြတ်ကျော် ဝင်ရောက်လာတာ ဖြစ်ပြီး တရားမဝင် ဝင်ရောက်နိုင်ဖို့ တစ်ဦး ဘတ်၂၀၀၀၀ကျော် ပွဲစားဖြစ်သူကို ပေးခဲ့ရတယ်လို့ သတင်းမှာ ဖော်ပြထားပါတယ်။

 

ထိုင်းနိုင်ငံ အတွင်း တရားမဝင် နယ်စပ်ဖြတ်ကျော် ဝင်ရောက်လာတဲ့ မြန်မာနိုင်ငံသားတွေ နေ့စဉ် နီးပါး ဖမ်းဆီးခံနေရပြီး မေလ ၁၈ ရက်နေ့လည်ပိုင်းကလည်း မြန်မာ လူငယ် ၉ဦး ကို ဖမ်းဆီးခဲ့တယ်လို့ ထိုင်းအာဏာပိုင်တွေက သတင်းထုတ်ပြန်ပါတယ်။

Ref-The Reporters