ထိုင်းနိုင်ငံ ဘန်ကောက်မြို့ရှိ ငလျင်ဒဏ်ကြောင့် ပြိုကျခဲ့တဲ့ ထိုင်းအစိုးရ ငွေစာရင်းစစ်ချုပ်ရုံး အဆောက်အဦးဆောက်လုပ်ရေးလုပ်ငန်းခွင် ထဲ တွင် ပိတ်မိနေသူတွေ ထဲ မှာ မြန်မာရွေ့ပြောင်း အလုပ်သမား ၂၄ဦး ပါဝင်တယ်လို့ ထိုင်းအလုပ်သမားဝန်ကြီးဌာနရဲ့ ကြေညာချက်အရသိရပါတယ်။
၎င်း ဆောက်လုပ်ရေး လုပ်ငန်းခွင် ထဲ မှာ ငလျင်လှုပ်ပြီး အဆောက်အဦးပြိုကျချိန် ပိတ်မိခဲ့သူတွေ မှာ ဧပြီ ၁ရက် အထိ ၈၃ ယောက်ရှိပြီး ထိုင်းနိုင်ငံသား ၅၅ယောက်၊ ကမ္ဘောဒီးယား နိုင်ငံသား ၃ယောက်၊မြန်မာရွှေ့ပြောင်းလုပ်သား ၂၄ယောက်နဲ့ လာအို နိုင်ငံသား ၁ယောက်တ်ို့ ပါဝင်ခဲ့တယ်လို့ ထိုင်းအလုပ်သမားဝန်ကြီးဌာနက ကြေညာထားပါတယ်။
အဆောက်အဦး ပြိုကျတဲ့အထဲ သေဆုံးသူ ၁၅ ယောက်ထဲမှာ မြန်မာရွှေ့ပြောင်းအလုပ်သမား ၃ ယောက် ပါဝင်ပြီး ထိခိုက်ဒဏ်ရာရရှိတာကြောင့် ဆေးရုံမှာ ဆေးကုသမှု ခံယူနေရတဲ့ မြန်မာရွှေ့ပြောင်းလုပ်သား၈ဦးရှိတယ်လို့ သိရပါတယ်။
အမျိုးသားညီညွတ်ရေးအစိုးရ(NUG) အလုပ်သမားဝန်ကြီးဌာန မှ လည်း အဆောက်အဦးပြိုကျခဲ့တဲ့နေရာသို့ လာရောက်ပြီး အသက်မသေဘဲ လွတ်မြောက်လာတဲ့ မြန်မာရွှေ့ပြောင်း အလုပ်သမားများ၊ မိသားစုဝင်များ နဲ့ တွေ့ဆုံ ကာ နှစ်သိမ့်အားပေးစကားပြောခြင်း၊ ပြင်ထန်ဒဏ်ရာရတဲ့ မြန်မာလုပ်သမား တွေ ကို သွားရောက်တွေဆုံကာ မိသားစုတွေ နဲ့ ဆက်သွယ်ပေးခြင်းတွေ ကိုဆောင်ရွက်ပေးခဲ့တယ်လို့ သိရပါတယ်။
ဒါ့အပြင် အလုပ်သမားတွေရဲ့ နစ်နာမှုတွေ အတွက် ဥပဒေနဲ့အညီ ဆက်လက်ကူညီဆောင်ရွက်ပေးသွားမယ်လို့ အမျိုးသားညီညွတ်ရေးအစိုးရNUG အလုပ်သမားဝန်ကြီးဌာနက ထုတ်ပြန်ထားပါတယ်။
