ထိုင်းနိုင်ငံ၊ ချွန်ဘူလီခရိုင် ဘန်းဘင်မြို့ရှိဖော့ကြိတ်စက်ရုံတွင်လုပ်ကိုင်နေသော မြန်မာလုပ်သား ကိုသက်ဇော်ကိုသည် နိုဝင်ဘာ ၁၉ ရက် ညသန်းခေါင်အချိန်တွင် ဖော့အဟောင်းများကြိတ်နေစဥ် စက်ထဲသို့လက်ငြိပါသွားရာမှ လူတစ်ကိုယ်လုံးစက်ထဲသို့ဝင်သွားကာ သေဆုံးသွားခဲ့ရခြင်းဖြစ်ပြီး ၎င်းရဲ့နစ်နာကြေးရရှိရေးအတွက် ညှိနှိုင်းဆောင်ရွက်နေကြောင်း ကူညီပေးနေသော WAG အလုပ်သမားမဟာမိတ်အဖွဲ့မှသိရပါတယ်။
အဆိုပါဖြစ်စဥ်အတွင်းသေဆုံးခဲ့သော မြန်မာလုပ်သား ကိုသက်ဇော်ကိုသည် ပန်းရောင်ကတ် ကိုင်ဆောင်ထားသူဖြစ်ပြီး ၎င်းစက်ရုံတွင်လုပ်ကိုင်နေသည်မှာ ငါးလခန့်သာရှိသေးကြောင်းသိရပါတယ်။
"စက်ရုံဘက်က စကားကျွံသွားတဲ့ကိစ္စကြောင့်သူတို့တိုင်ပတ်နေတာ ။အလုပ်သမားကတော့ပန်းရောက်ကတ်ရှိတယ်။ဘတ်သမားပေါ့။ကျွန်တော်တို့အဖွဲ့စုံနဲ့သွားညှိတဲ့အချိန်မှာ စက်ရုံဘက်ကနေဘဲလျော်ကြေးဘတ်ဆယ်သိန်းပေးမယ်ဆိုပြီး အဖွဲ့အစုံရှေ့မှာသူတို့ကပြောလိုက်တာ။ထိုင်းအစိုးရဘက်ကအဖွဲ့စုံရှေ့မှာလည်းသူကဘတ်ဆယ်သိန်းပေးမယ် ပကန်စခွန်ကနစ်နာကြေးလည်းရအောင်သူဆောင်ရွက်ပေးမယ်ပြောလိုက်တာ။ဒါပေမဲ့စနေနေ့စကားထပ်ပြောတဲ့အချိန်ကြသူတို့ကဆယ်သိန်းမပေးတော့ဘူးလေးသိန်းဘဲပေးတော့မယ် ပြန်ညှိတာပေါ့ ။ကျွန်တော်တို့ကလည်းအာဏာပိုင်အဖွဲ့အစည်းစုံနဲ့ပြောထားတဲ့ကိစ္စဆိုတော့ ကျွန်တော်တို့ချည်းဘဲဆုံးဖြတ်လို့မရဘူး။ထိုင်းအစိုးရအာဏာပိုင်ဘက်တွေကလည်း သူပြောတုန်းကဆယ်သိန်းအခုဒီလိုမျိုးဖြစ်တယ်ဆိုတော့လက်မခံခိုင်းဘူး။ဆက်ညှိနှိုင်းရအုန်းမှာပါ"လို့ WAG မဟာမိတ်အလုပ်သမားအဖွဲ့ခေါင်းဆောင်ကိုမုန်တိုင်းကပြောပါတယ်။
