ထိုင်းနိုင်ငံ တောင်ပိုင်း ဖူးခက်မြို့ရှိ ဆောက်လုပ်ရေးလုပ်ငန်းတစ်ခု မှ မြန်မာလုပ်သား ၂၀၀ ခန့်ကို လုပ်ငန်းပိုင်ရှင်မှ လုပ်အားခမရှင်းပေးဘဲ တိန်းရှောင်မှုဖြစ်ခဲ့တယ်လို့ MHAC မဟာမိတ်အဖွဲ့ထံမှသိရပါတယ်။

 

၎င်းဆောက်လုပ်ရေးပိုင်ရှင်ဟာ လုပ်ခမရှင်းပေးတဲ့ အပြင် မြန်မာအလုပ်သမားတွေ ကို တိုင်ချင်တဲ့နေရာတိုင်ဟုဆိုကာ လစာ ထုတ်ပေးမယ့် ရက်ကို အမျိုးမျိုးပြောကာ တိမ်းရှောင်ခဲ့တယ်လို့ အလုပ်သမားတွေကပြောပါတယ်။

 

အခုလို လုပ်အားခ မရှင်းပေးဘဲ တိမ်းရှောင် နေတဲ့ အတွက် မြန်မာလုပ်သားတွေက MHAC မဟာမိတ်အဖွဲ့ထံ လာရောက်ကူညီပေး ဖို့ အကူအညီတောင်းခံ ခဲ့တယ်လို့ ဆိုပါတယ်။

 

ဒါကြောင့် NUG အလုပ်သမားဝန်ကြီးဌာနမှ ညွှန်ကြားရေးမှူးဉီးနိုင်ထွန်းဦးနဲ့ MHAC မဟာမိတ်အဖွဲ့တို့ပူးပေါင်းပြီး MHAC ရုံးအခြေစိုက်ရာ မဟာချိုင်မှ ထိုင်းတောင်ပိုင်း ဖူးခက်မြို့အထိ မြန်မာလုပ်သားများအား ကူညီပေးနိုင်ရန်

နယ်မြေဆင်း သွားရောက်ခဲ့တယ်လို့ သိရပါတယ်။

 

ဖူးခက်မြို့ ရောက်ရှိချိန်မှာ အလုပ်သမားတွေနဲ့ တွေ့ဆုံဆွေးနွေး စစ်ဆေးမေးမြန်းပြီးနောက် သက်ဆိုင်ရာနယ်မြေခံ အလုပ်သမားကာကွယ်​စောင့်ရှောက်ရေးဌာန(ဆဝါဒီကန်)ရုံး တာဝန်ရှိသူတွေ ကို အသိသက်သေထားကာ လုပ်ငန်းရှင်သူဌေးကိုခေါ်ယူစေပြီး အလုပ်သမားများနှင့် လုပ်ငန်းရှင်ကြားတွင်ညှိနှိုင်းဆောင်ရွက်ပေးခဲ့တယ်လို​့သိရပါတယ်။

 

ညှိနှိုင်းမှုကြောင့် အလုပ်ရှင်ဘက်မှ လည်း အလုပ်သမာ များ ကို ပေးရမယ့် လုပ်အားခ များ ပြန်လည် စစ်ဆေးကာ ပေးဆောင်ပါ့မယ်လို့ ကတိကဝတ်ပြုခဲ့ပြီး လုပ်အားခပေးမယ့် ရက်ကို ဖူးခက်ဆဝါဒီကန်ရုံးမှ တစ်ဆင့် အကြောင်းကြာကာပေးအပ်မယ်လို့ သဘောတူညီမှုရရှိခဲ့ကြောင်းသိရပါတယ်။

 

စစ်အာဏာသိမ်းပြီးနောက် ထိုင်းနိုင်ငံမှာ အလုပ်လာရောက်လုပ်ကိုင်တဲ့ မြန်မာရွှေ့ပြောင်းလုပ်သားဦးရေ ပိုမိုများပြားလာသလို လုပ်အားခမရခြင်း ကြိုတင်အကြောင်းမကြားဘဲအလုပ်ထုတ်ခံရခြင်းနဲ့ အလုပ်သမားအခွင့်ရေး ချိုးဖောက်ခံရမှုတွေလည်း များလာပါတယ်။

 

အခုလို အလုပ်သမားအခွင့်ရေးချိုးဖောက်ခံရပါက ထိုင်းနိုင်ငံရှိ မြန်မာအလုပ်သမားသံအရာရှိရုံး ကို အကူညီတောင်းခံသူအလွန်နည်းပါးပြီး NUGအလုပ်သမားဝန်ကြီးဌာန၊ MHACမဟာမိတ်အဖွဲ့ နဲ့ထိုင်းရှိမြန်မာအလုပ်သမားအဖွဲ့အစည်းတွေထံသာ အကူညီတောင်းခံမှုများကြောင်း သိရပါတယ်။