NEWS

ပြည်ပပြန်အလုပ်သမားတွေကို ပြည်တွင်းမှာအလုပ်ပြန်ရှာပေးနေတယ်လို့ အလုပ်သမားဝန်ကြီးဌာနဖော်ပြ

CoverLogo
345 Views
 
ပြည်ပက‌နေပြန်လည်ဝင်ရောက်လာတဲ့ အလုပ်သမား တွေကို ကျွမ်းကျင်မှုအလိုက်ပြည်တွင်းမှာအလုပ်ရရှိရန်ချိတ်ဆက်ဆောင်ရွက်ပေးနေ တယ်လို့ စစ်ကောင်စီ အလုပ်သမားဝန်ကြီးဌာနကနေအသိပေးထုတ်ပြန်ထားပါတယ်။
 
ဒါဟာ အလုပ်သမားဝန်ကြီးဌာနမှ အမေရိကန်အစိုးရရဲ့ ၂၀၂၄ ခုနှစ်၊ လူကုန်ကူးမှုတိုက်ဖျက်ရေးဆိုင်ရာအစီရင်ခံစာပါအကြံပြုချက်များနဲ့ပတ်သက်ပြီး ၂ဝ၂၅ ခုနှစ်၊ ဇန်နဝါရီလအတွင်း အကောင်အထည်ဖော်ဆောင်ရွက်နေမှုအခြေအနေကို အသိပေးထုတ်ပြန်ဖော်ပြတာလို့ဆိုပါတယ်။
 
အလုပ်သမားဝန်ကြီးဌာနရဲ့ထုတ်ပြန်ချက်မှာတော့အိမ်နီးချင်း ထိုင်းနိုင်ငံမှာအကြောင်းအမျိုးမျိုးကြောင့်ဖမ်းဆီးခံရတဲ့ မြန်မာအလုပ်သမားများကို တရားဝင်ပြန်လည်လွှဲပြောင်းပေးခြင်းကိစ္စရပ်‌တွေကိုလည်း သက်ဆိုင်ရာနယ်စပ်ဂိတ်များတွင် ကော်မတီများဖွဲ့စည်းကာ ပြန်လည်ကြိုဆိုလက်ခံလျက်ရှိရာ ၂၀၂၅ ခုနှစ်၊ ဇန်နဝါရီလအတွင်း အမျိုးသား (၁၂၇)ဦး၊အမျိုးသမီး(၂၇)ဦး(စုစုပေါင်း ၁၅၄ ဦး)ကို ပြန်လည်ကြိုဆိုလက်ခံခဲ့တယ်လို့လည်း ထုတ်ပြန်ချက်မှာဖော်ပြအသိပေးထားပါတယ်။
 
ပြည်ပမှ ပြန်လည်ဝင်ရောက်လာတဲ့ အလုပ်သမားများအနေနဲ့ နေပြည်တော်အပါအဝင် တိုင်းနှင့် ပြည်နယ်(၁၅)ခုရှိ အလုပ်အကိုင်နဲ့ အလုပ်သမားရှာဖွေရေးရုံးများတွင် အလုပ်သမားမှတ်ပုံတင်နိုင်တယ်လို့ထုတ်ပြန်ချက်မှာရေးသားဖော်ပြထားပါတယ်။
အဲ့ဒီ့ အလုပ်သမားမှတ်ပုံတင်ထားသူ‌တွေအတွက် အလုပ်အကိုင်နဲ့အလုပ်သမားရှာဖွေရေးရုံးများက အလုပ်ရှင်များထံမှ အမှာစာများလက်ခံကာ၎င်းတို့ရဲ့ကျွမ်းကျင်မှုအလိုက်အလုပ်ရရှိရန် ချိတ်ဆက်ဆောင်ရွက်ပေးနေတယ်လို့ဆိုပါတယ်။
 
"အခုပြည်တွင်းကအလုပ်သမားဝန်ကြီးဌာနက ပြည်ပမှာအလုပ်လုပ်ပြီး ပြည်တွင်းကိုပြန်ဝင်လာသူတွေကို ချိတ်ဆက်ပြီးအလုပ်ရှာပေးနေတယ်ဆိုတော့ နည်းနည်းတော့ရီစရာလိုဖြစ်နေတာပေါ့။တကယ်ရှာပေးမပေးတော့သေချာမသိဘူးပေါ့။ရှာပေးချင်လည်းပေးမှာပေါ့။ ပြည်တွင်းမှာက အလုပ်အကိုင်ရှားပါးတာနဲ့ နိုင်ငံရေးအခြေအနေတွေကြောင့် ပြည်ပထွက်ပြီးအလုပ်လုပ်နေကြတာကို။ပြည်တွင်းမှာပြန်အလုပ်ချိတ်ပေးတယ်ဆိုတော့ ဘယ်လိုလုပ်ငန်းမျိုးတွေမှာအလုပ်ပြန်ပေးလဲစသဖြင့်မေးခွန်းထုတ်ရမှာပါပဲ။ ကိုယ်တွေဆိုလည်းပြီးခဲ့တဲ့လကမှ ပြည်ပကနေပြန်ဝင်လာတာ ဒီကအသက်ကန့်သတ်ချက်နဲ့ဆိုတော့ဝင်သာလာတာပြန်ထွက်ဖို့ကမလွယ်သလိုဖြစ်နေပြီ သူတို့ပြောထားတဲ့ အလုပ်အကိုင်ရုံးတွေမှာဖောင်တင်ဖို့ကတော့မရဲဘူး၊ အသက်ကန့်သတ်ချက်နဲ့ညီတယ်ဆိုပြီးစစ်မှုထမ်းခိုင်းပြီးလစာပေးအလုပ်ခန့်လိုက်ရင်မလွယ်ပါဘူး"လို့ ဒူဘိုင်းမှ ပြန်ရောက်လာတဲ့ အမျိုးသားတစ်ဦးကပြောပါတယ်။
ပြည်ပမှပြန်လာတဲ့အလုပ်သမားတွေအ‌နေနဲ့လည်း လက်ရှိ ပြည်ပထွက်ခွာခွင့် အသက်ကန့်သတ်ချက်တွေနဲ့ တားမြစ်ချက်တွေကြောင့် ပြည်ပကိုပြန်လည်ထွက်ခွာရန် မလွယ်ကူတော့ကြောင်းပြောဆိုမှုတွေရှိနေပါတယ်။
 
အိမ်နီးချင်းတိုင်းပြည်တွေကို ပြည်ပထွက်ခွာခွင့်အထောက်အထားတွေမရှိပဲသွားရောက်ရာမှာ တစ်ဖက်နိုင်ငံတွင်ဖမ်းဆီးခံရကာ မြန်မာနိုင်ငံကိုပြန်လည်လွှဲပြောင်းပေးတဲ့ မြန်မာအလုပ်သမားတွေကို စစ်ကောင်စီအနေနဲ့ စစ်မှုထမ်းရာနေရာတွေကိုပို့ဆောင်ပေးနေတယ်လို့လည်း လူထုကြားမှာ အသံများပေါ်ထွက်မှုတွေလည်းရှိနေပါတယ်။

Related posts

Cover
ထိုင်းတွင် ပြစ်ဒဏ်ကျခံပြီးသည့် မြန်မာလုပ်သား ၁၂၀၀ ကျော်ကို စစ်ကောင်စီထံပြန်ပို့
Aug 01, 2025
Cover
မလေးရှားသွားမည့် မြန်မာလုပ်သား၄၀ ကျော် ထိုင်းတွင် အဖမ်းခံရ
Jul 30, 2025
Cover
ဂျပန်ရောက် မြန်မာတွေ ဆူနာမီသတိပေးချက်ကို အလေးထားနားစွင့်ဖို့ အသိပေး
Jul 30, 2025
Cover
ထိုးကြိတ်ခံရသည့် မြန်မာအလုပ်သမားကို ထိုင်းအမျိုးသားက ဘတ်ငါးသောင်းလျော်ကြေးပေးကာ ပြန်လည်တောင်းပန်သွားမည်ဟုဆို
Jul 30, 2025
Cover
ထိုးကြိတ်နှိပ်စက်ခံရသော မြန်မာနိုင်ငံသားအမှု M.H.A.C ကူညီပေးမည်
Jul 28, 2025
Cover
မတရားအလုပ်ထုတ်ခံရပြီးနောက် မြန်မာအလုပ် သမား ၁၀၀ ကျော်အတွက်လုပ်အားခ ဘတ် ၁.၂၃ သန်းကျော် ပြန်လည်ရရှိ
Jul 28, 2025
Cover
မလေးရှားရှိ နိုင်ငံခြားသား လုပ်သားတွေ အတွက် အနည်းဆုံးလုပ်ခ တစ်လ ရင်းဂစ် ၁၇၀၀ သတ်မှတ်
Jul 28, 2025
Cover
ထိုင်းရောက် မြန်မာနိုင်ငံသားတွေ လုံခြုံရေး သတိပြုဖို့ မြန်မာသံရုံး ထုတ်ပြန်
Jul 25, 2025