အကြောင်းအမျိုးမျိုးနဲ့ ထိုင်းနိုင်ငံ အတွင်း ပြစ်ဒဏ်ကျခံ ပြီးတဲ့ မြန်မာလုပ်သား ၁၄၀ ဦးကို ထိုင်းအာဏာပိုင်တွေ က စစ်ကော်မရှင်ထံ သို့ စက်တင်တင်ဘာ ၂၃ရက် နေ့လည်ပိုင်းမှာ ထပ်မံဆောင်ပို့ပေးခဲ့တယ်လို့ ရနောင်းလူဝင်မှုကြီးကြပ်ရေးရုံးရဲ့ ထုတ်ပြန်ချက်အရသိရပါတယ်။
အမျိုးသား ၁၂၂ဦး နဲ့ အမျိုးသမီး ၁၈ဦး တို့ကို ရနောင်းမြို့သက်ဆိုင်ရာဌာများမှတာဝန်ရှိသူတွေနဲ့ ရနောင်းမြို့တာဝန်ခံသံအရာရှိဦးမိုးဇော် တို့ပူးပေါင်းကာ ရနောင်းမြို့ပန်နားရပ်ကွက်ရှိစူလ်ကာကော်လှေဆိပ်မှတစ်ဆင့် မြန်မာပြည်ကော့သောင်းဘက်သို့ထပ်မံပို့ဆောင်ပေးခဲ့တာ ဖြစ်ကြောင်း သိရပါတယ်။
ပြစ်ဒဏ်ကျခံပြီးတဲ့ မြန်မာလုပ်သားတွေကို စစ်ကောင်စီထံ ပို့ဆောင်ပေးတာမှာယခုစက်တင်ဘာလ အတွင်း ၂ကြိမ်ရှိပြီ ဖြစ်ပြီး စက်တင်ဘာ ၅ရက်က ၁၅၂ဦး ပို့ဆောင်ပေးခဲ့ပါတယ်။
"သူတို့ကို ကော့သောင်း မိုးလုံလေလုံအားကစားရုံကို ပို့တယ် ပြီးရင် ပိုက်ဆံနဲ့ ထုတ်တဲ့သူကိုပဲ ချန်ထားခဲ့ပြီး မပေးနိုင်ရင် မြိတ်သင်တန်းကျောင်း ကို ပို့ခံထိတယ် အသက်ငယ်တယ် အရွယ်ကောင်းတွေ ဆို ပိုက်ဆံတအားကုန်တယ် မိန်းကလေးတွေ လူကြီးပိုင်းလောက်ဘဲ ချန်ခဲ့တာ ကိုယ်တွေလည်း ပြန်ရွေးနိုင်လို့ လွတ်လာတာ ထိုင်းနဲ့စစ်ကောင်စီက ပေါင်းပြီး ကျွန်တော်တို့ လုပ်သားတွေ ကို ဒုက္ခမျိုးစုံပေးနေတာ ""လို့ ကိုယ်တိုင်ကြုံတွေ့ခဲ့ရသူတစ်ဦးကပြောပါတယ်။
ထိုင်းဘက်က ပြန်ပို့ လိုက်တဲ့ မြန်မာလုပ်သားတွေကို စစ်ကော်မရှင်က စစ်မှုထမ်းဖို့ အဓမ္မခေါ်ဆောင်နေ တဲ့ အတွက် လူသားချင်းစာနာထောက်ထားပြီး စစ်ကောင်စီထံ ပြန်မလွှဲပေးဖို့ နိုင်ငံတကာရောက် မြန်မာပြည်သူတွေ လူမှုအဖွဲ့စည်းတွေက သက်သေအချက်အလက်တွေ နဲ့ တောင်းဆို ကြပေမယ့် ထိုင်းဘက်မှ လစဉ် ပြန်လည် လွှဲပြောင်းပေးလျက်ရှိပါတယ်။
ယခု၂၀၂၅ ခုနှစ် ဇန်နဝါရီ လ မှာ ၁၄၉ ဦး၊ ဖေဖေါ်ဝါရီလမှာ ၂၀၀ဦး၊ မတ်လမှာ၂၅၀ဦး၊ဧပြီလမှာ၂၀၈ဦး၊မေလ မှာ ၈၁ဦး၊ဇွန်လမှာ ၂၂၉ဦး၊ ဇူလိုင်လမှာ၁၆၂ဦး၊ဩဂုတ်လမှာ ၉၉ဦးနဲ့ယခုစက်တင်ဘာလမှာ ၁၉၂ဦး စုစုပေါင်း ၁၆၇၇ ဦး ရှိပြီဖြစ်ပါတယ်။
