မတ်လ၂၈ရက်က လှုပ်ခတ်ခဲ့တဲ့ ငလျင်ဒဏ်ကြောင့် ထိုင်းနိုင်ငံ ဘန်ကောက်မြို့ ရှိ ဆောက်လက်စ အဆောက်အဦး ပြိုကျမှု အတွင်း ပျောက်ဆုံးနေတဲ့ မြန်မာရွှေ့ပြောင်း လုပ်သား ၁၈ ဦးရဲ့ မိသားစုဝင်တွေ နဲ့ အဆက်သွယ်မရသေးဘူးလို့ ထိုင်း-မြန်မာ စကားပြန် ဘာသာပြန်များအသင်း TMIA ထံ မှ သိရပါတယ်။

အဆောက်အအုံပြိုကျမှု မှာ ပျောက်ဆုံးနေတဲ့ မြန်မာအလုပ်သမားတွေရဲ့ ရသင့်ရထိုက်တဲ့ နစ်နာကြေးတွေ မိသားစုဝင်တွေရရှိဖို့ မိသားစု ဝင်တွေ နဲ့ အဆက်သွယ် မရသေးတဲ့ပျောက်ဆုံး မြန်မာရွှေ့ပြောင်းလုပ်သား ၁၈ဦးရဲ့ အမည်စာရင်း တွေ ကိုTMIA အသင်းက ထုတ်ပြန်ထားကာ သိရှိသူတွေ အမြန်ဆက်သွယ်ပေးစေလိုတယ်လို့ဆိုပါတယ်။

မိသားစုဝင်တွေ အကြောင်းကြားခြင်း မရှိသေးတဲ့ မြန်မာနိုင်ငံသား အမျိုးသား ၁၄ ဦး ၊ အမျိုးသမီး ၄ ဦး စုစုပေါင်း ၁၈ ဦး ရဲ့အမည်စာရင်းတွေက

1. MR. THEIN ZAW O

2. MR. CHIT CO

3. MR. ZAW MYINT

4. MR. MYINT MAUNG

5. MR. KHIN AUNG TUN

6. MR. MOE LAYO AUNG

7. MR. THAN TOR AUNG

8. MR. AUNG THU MOIN

9. MR. KO KO

10. MISS. NAN MON

11. MR. CHIT OO

12. MISS. SWE SWE WIN

13. MISS. YIN MYA

14. MR. TUN LIN AUNG

15. MR. THAW ZIN NAING

16. MR. THA

17. MISS. SEIN SEIN

18. MISS. MA HLA YIN တို့ဖြစ်တယ်လို့သိရပါတယ်။

အဆောက်အဦး ပြိုကျမှု အတွင်း ပျောက်ဆုံးနေတဲ့ မြန်မာရွှေ့ပြောင်းလုပ်သား ၃၀ခန့်ရှိကာ လက်ရှိမှာ ပျောက်ဆုံးမြန်မာလုပ်သား ၁၀ဦးကျော်ရဲ့ မိသားစုဝင်တွေ က လာရောက် ဆက်သွယ်စာရင်းပေးထားတယ်လို့ TMIA အသင်းထံ မှသိရပါတယ်။

ပျောက်ဆုံးနေ တဲ့ မြန်မာနိုင်ငံသား မိသားစုဝင် တွေ အနေဖြင့် အတည်ပြုနိုင်ရန်နဲ့ နောက်ဆက်တွဲ အကူအညီများ ရယူနိုင်ရန် DNA စစ်ဆေးရန်အတွက် မှတ်တမ်းကောက်ယူရေးဌာနတွင် စေတနာ့ဝန်ထမ်း ဘာသာပြန်များရဲ့ အကူအညီရယူ၍ ဆက်သွယ်အကြောင်းကြားစာရင်းပေးကြဖို့ကိုလည်း TMIA ကတိုက်တွန်းထားပါတယ်။

ဧပြီလ ၉ ရက် နေ့လယ်ပိုင်းအထိ စာရင်းတွေ အရ အဆောက်အဦးပြိုကျမှုကြောင့် သေဆုံးသူ ၂၂ ဦး ၊ ဒဏ်ရာရသူ ၉ ဦး နဲ့ ပျောက်ဆုံးနေသူ ၇၂ ဦးဆက်ရှိနေဆဲ ဖြစ်တယ်လို့ သိရပါတယ်။