ထိုင်းနိုင်ငံ မှာ အထောက်ထားမရှိတဲ့ နိုင်ငံခြားသား အလုပ်သမားတွေကို ပန်းရောင်ကတ် လုပ်ပေးမယ့် အစီစဉ် ဟာ လက်ရှိအချိန်ထိ မရေရာ သေးပေးမယ့် ရက်ပေါင်း ၇၀ ကျော်အတွင်း အထောက်အထားမရှိဘဲ အလုပ်လုပ်ကိုင်နေတဲ့ မြန်မာအလုပ်သမား တစ်သိန်းခွဲကျော် အဖမ်းခံထားရတယ်လို့ ထိုင်းနိုင်ငံရှိ အလုပ်သမားအရေးကူညီပေးနေသူတွေထံကသိရပါတယ်။
ထိုင်းနိုင်ငံ အတွင်း ရှိ မြန်မာ၊ ဗီယက်နမ်၊ လာအိုနှင့် ကမ္ဘောဒီးယားနိုင်ငံသားတွေ တရားဝင်အလုပ်သမားအဖြစ် နေထိုင်ခွင့်ရရန်အတွက် အထောက်အထားလက်မှတ် ပန်းရောက်ကတ်ပြုလုပ်ပေးဖို့ ကို ပြီးခဲ့တဲ့ဇွန်လ ပိုင်းကတည်း အာဏာပိုင်တွေဘက်က ပြောခဲ့ပေမယ့် ထိုင်းနိုင်ငံ အတွင်း နိုင်ငံရေး အပြောင်းအလဲတွေကြောင့် လက်ရှိအခြေနေထိ မထူးခြားသေးဘူးလို့သိရပါတယ်။
""ပန်းရောင်ကတ်အသစ်တွေ ရိုက်ပေးမယ့်ကိစ္စက တိုင်ပတ်သွားတယ် ဝန်ကြီးချုပ်အပြောင်းလဲနဲ့အတူ ထိုင်းနိုင်ငံရေးကြောင့်ပါ၊မျှော်လင့်ချက်တော့ရှိတယ်။အရင်သက်ဆင် လက်ထက်မှာ ရွှေ့ပြောင်းအလုပ်သမားတွေကို အထောက်ထားတွေဆက်တိုက် လုပ်ပေးခဲ့ဖူးတယ် အခုဝန်ကြီးချုပ် အသစ်က သက်ဆင်ရဲ့ သမီး ဖြစ်နေတဲ့ အတွက် ဘတ်အသစ်ရိုက်မယ့်သူတွေအတွက်မျှော်လင့်ချက်တော့ရှိနေတယ်လို့""ထိုင်းရောက်မြန်မာအလုပ်သမားအရေးလှုပ်ရှားသူ AAC ကိုရဲမင်းက ပြောပါတယ်။
လက်တလောမှာ လည်း ထိုင်းနိုင်ငံ အတွင်း အထောက်အထားမဲ့ နိုင်ငံခြားသား အလုပ်သမားတွေ ကို ရက်ပေါင်း ၁၂၀ စီမံချက် နဲ့လိုက်လံဖမ်းဆီးတာမှာ ယခုနှစ်ဇွန်လ ၅ ရက်ကနေ ဩဂုတ်လ ၂၂ရက်အထိ စုစုပေါင်း (၇၈) ရက်အတွင်း တရားမဝင် နိုင်ငံခြားသားအလုပ်သမားရွှေ့ပြောင်းအလုပ်သမား ၂၀၈,၀၃၅ ဦး ဖမ်းဆီးရမိကာ မြန်မာအလုပ်သမား ၁၅၅,၆၆၉ ဦးအဖမ်းခံရတယ်လို့ ထိုင်း အလုပ်သမားဝန်ကြီးဌာန၏ သတင်းထုတ်ပြန်ချက်များအရသိရပါတယ်။
"တစ်ရက်ကို ၂၀၀၀ ကျော်လောက် အဖမ်းခံနေရတဲ့ အနေထားပါ ထိုင်းရောက် မြန်မာတွေ အတွက် အရမ်းကို
ခက်ခဲလွန်းပြီး အသက်ရှုကြပ်စေပါတယ်။ စီမံချက် ရက်ကလည်း နောက်ထပ် ရက်ပေါင်း ၄၀လောက်ကျန်သေးတယ် သတိထားပြီး သံတိုင်တွေကြား မရောက်အောင် ညဘက်ဆို တောထဲ တွေ ရေဆိုးမြောင်းထဲ တွေ ထဲမှာ ဒုက္ခခံပြီး တိမ်းရှောင်နေရတယ်""လို့ ကိုရဲမင်းကဆက်လက်ပြောပါတယ်။
ဒါ့အပြင် အချို့ ထိုင်းရောက်မြန်မာအလုပ်သမားတွေ မှာ အနေထိုင်အပြောဆို မတတ်တာတွေကြောင့်
ထိုင်းလူမျိုးတွေက မြန်မာတွေကို လူမှုကွန်ယက် ကတစ်ဆင့် ကြည့်မရ ဖြစ်လာကာ ဖမ်းဆီးခိုင်းတာတွေ၊ မောင်းထုတ်ခိုင်းတာတွေ အခုနောက်ပိုင်း ခပ်စိပ်စိပ်ဖြစ်လာလို့ သတိထားနေထိုင်ကြဖို့လည်း လည်း အလုပ်သမားအရေး အကူအညီပေးသူတွေက သတိပေးပြောဆိုမှုတွေရှိနေပါတယ်။
