ထိုင်းနိုင်ငံ၊ စမွတ်စခွန်ခရိုင်၊ ကထုဘန်က အိမ်အလုပ်ရုံမှာ အတူတူ လုပ်ကိုင်ကြတဲ့ မြန်မာအမျိုးသမီး နဲ့ ထိုင်းအမျိုးသမီးတို့ လုပ်ငန်းခွင်းအတွင်း စကားများခဲ့ကြရာကနေ ထိုင်းအမျိုးသမီးက ထိုင်းအမျိုးသမားတွေကို ခေါ်ယူပြီး အနိုင်ကျင့် ထိုးကြိတ်ခဲ့တယ်လို့ မြန်မာရွှေ့ပြောင်းအလုပ်သမားတွေကို အကူအညီပေးနေတဲ့ MHAC မဟာမိတ်အဖွဲဆီက သိရပါတယ်။
မေလ ၁၀ ရက် မနက်ပိုင်းပိုင်းမှာ စကားများခဲ့ကြတာဖြစ်ပြီး ထမင်းစားနားချိန်မှာ ထိုင်းအမျိုးသမီးက ထိုင်းအမျိုးသားလေးဦးကို သွားခေါ်ပြီး အုပ်စုဖွဲ့ ထိုးကြိတ်ခဲ့တာလို့ သိရပါတယ်။
ထိုးကြိတ်ခဲ့တဲ့ ထိုင်းအမျိုးသား လေးဦး ထဲက တစ်ဦးက မြန်မာအမျိုးသမီးကို မေးမြန်းပြောဆိုမှု မရှိဘဲ မျက်နှာလည်ပင်းတွေကို ထိုးကြိတ်ခဲ့လို့ သိရပါတယ်။ ထိုးကြိတ်နေစဉ် အလုပ်ရုံ ဂိတ်စောင့် တာဝန်ကျသူက မြင်တွေ့ပေမယ့် ဝင်ရောက် ဖြန်ဖြေပေးတာမျိုး မရှိဘူးလို့ ထိုးကြိတ်ခံရတဲ့ မြန်မာအမျိုးသမီးက ပြောပါတယ်။
မြန်မာ အမျိုးသမီးလုပ်သားက နစ်နာမှုအတွက် တရားဥပဒေအတိုင်း ကူညီပေးပါဖို MHAC မဟာမိတ်အဖွဲဆီ အကူအညီ တောင်းခံခဲ့တာကြောင့် ကထုဘန်နယ်မြေရဲစခန်းမှာ အမှုဖွင့်တိုင်ကြားပေးခဲ့ပြီး အခင်းဖြစ်ရာ နေရာက CCTV မှတ်တမ်းတွေကို ကြည့်ရှု စစ်ဆေးကာ တရားဥပဒေ နဲ့ အညီ ဆောင်ရွက်ပေးမယ်လို တာဝန်ရှိရဲအရာရှိတွေက ပြောကြားထားလို့ သိရပါတယ်။
ထိုးကြိတ်ခံရလို့ ထိခိုက်ဒဏ်ရာရသူ မြန်မာအမျိုးသမီးကို စာမွတ်ဆာခွန် ဆေးရုံမှာ စစ်ဆေးကုသမှုတွေ ပြုလုပ်ပေးခဲ့တယ်လို့ MHAC က ထုတ်ပြန်ထားပါတယ်။
ထိုင်းနိုင်ငံရောက် ရွှေ့ပြောင်း မြန်မာလုပ်သားတွေ လုပ်ငန်းခွင်နဲ့ အိမ်ရှင် ထိုင်းလူမျိုး တချို့ရဲ့ လူမျိုးရေး ခွဲခြားအနိုင်ကျင့်ခံရတာတွေ ရှိနေတယ်လို့လည်း MHAC အဖွဲ့က ပြောဆိုထားပါတယ်။
Myanmar Labour News ရဲ့ နောက်ဆုံးရအလုပ်သမားရေးရာ ၊ ရွှေ့ပြောင်းအလုပ်သမားအရေး သတင်း နဲ့ ဒေသတွင်း သတင်းတွေကို
