ထိုင်းနိုင်ငံရောက် မြန်မာရွှေ့ပြောင်းလုပ်သားတွေ အတွက် မည်သူမည်ဝါဖြစ်ကြောင်းသက်သေခံလက်မှတ် ထုတ်ပေးရေး (Certificate of Identity) စင်တာ ၄ ခု ဖွင့်လှစ် ဆောင်ရွက်ပေးမယ်လို့ ထိုင်းအလုပ်သမားဦးစီးဌာနရဲ့ ထုတ်ပြန်ကြေညာချက်အရ သိရပါတယ်။

 

ဝန်ဆောင်မှု ကို ၂၀၂၅ ခုနှစ် ဩဂုတ်လ ၅ရက်မှ နိုဝင်ဘာလ ၅ရက် အထိ ဖွင့်လှစ်ပေးသွားမှာဖြစ်ပြီး ဝန်ဆောင်ခ အဖြစ် ဘတ် ၂၆၇၀ ပေးဆောင်ရမယ်လို့ ဆိုပါတယ်။

 

CI စင်တာ (၁) ကို စမွတ်စခွန်ခရိုင် (Samut Sakhon) - လိပ်စာ: ထိုင်းလေးဈေး၊ အမှတ် ၁/၂၊ ရာမ ၂ လမ်း၊ ရွာအမှတ် ၁၊ သချွင်းခရိုင်၊ မောင်း မှာလည်းကောင်း စင်တာ( ၂)ကို ဆမွတ်ပရာကန် (Samut Prakan) - လိပ်စာ: တော်ဝင်ကော်ပိုရေးရှင်းကုမ္ပဏီ၊ အမှတ် ၃၃၉/၃၁၊ ရွာအမှတ်မှာလည်းကောင်း၊စင်တာ( ၃) ကို ဆူရတ်သာနီ (Surat Thani) - လိပ်စာ: Tapi တက္ကသိုလ်၊ အမှတ် ၄၅/၄၅၊ ရွာအမှတ် ၇၊ Maluan၊ Phunphin မှာလည်းကောင်း စင်တာ(၄)ကို ချင်းမိုင် (Chiang Mai) လိပ်စာ: Dynasty Land၊ အမှတ် ၃၄ - ၃၄/၁၊ ရွာအမှတ် ၆၊ မယ်စ၊ မယ်ရင် မှာလည်းကောင်း ပြုလုပ်ပေးမယ်လို့ ထုတ်ပြန်ထားပါတယ်။

 

ဒါကြောင့် ထိုင်းရောက် မြန်မာရွှေ့ပြောင်းအလုပ်သမားတွေ အနေနဲ့ မိမိအဆင်ပြေရာ CI စင်တာ ကိုရွေးချယ်ပြီး ရက်ချိန်းယူကာ ငွေပေးချေမှု ကို 7-Eleven စတိုးဆိုင်တွေမှာ ပေးသွင်းနိုင်တယ်လို့ ထိုင်းအလုပ်အကိုင်ဦးစီးဌာနကထုတ်ပြန်ကြေညာထားပါတယ်။