ထိုင်းနိုင်ငံတွင် တရားမဝင် နေထိုင်တဲ့ နိုင်ငံခြားသား ရွှေ့ပြောင်း လုပ်သားတွေကို စီမံချက် နဲ့ ဖမ်းဆီးရာ ရက် ၂၀ အတွင်း မြန်မာလုပ်သား ၄၉၀၀ကျော် အဖမ်းခံရတယ်လို့ ထိုင်းသတင်းတွေအရ သိရပါတယ်။
"OPERATION BAD GUYS OUT’ စစ်ဆင်ရေး ကို တစ်နိုင်ငံလုံး အတိုင်းအတာနဲ့ ကျယ်ပြန့်စွာ ပြုလုပ်ရာ ဒီဇင်ဘာ ၁ရက်မှ ၂၀ရက် အတွင်း သံသရရှိသူ နိုင်ငံခြားသား လုပ်သား ၁၂၂၀၇ဦးကို ဖမ်းဆီး ခဲ့တယ် လို့ သတင်းတွေမှာဖေါ်ပြထားပါတယ်။
နိုင်ငံအလိုက် ဖမ်းဆီးခံရသူ တွေမှာ မြန်မာ (၄,၉၂၃ ဦး)၊ ကမ္ဘောဒီးယား (၅၀၆ ဦး)၊ လာအို (၅၀၇ ဦး) အပါအဝင် တခြားနိုင်ငံသားတွေလည်းပါဝင်တယ်လို့ သိရပါတယ်။
၎င်းတို့ကို တရားမဝင် နေထိုင်မှု နေထိုင်ခွင့် ဗီဇာကျော်လွန်မှု၊တရားမဝင် နိုင်ငံခြားသား များကို ပို့ဆောင် ကူညီမှု ပြည်ဝင်ခွင့်ပိတ်ပင်ထားမှုအလုပ်သမားရေးနှင့် ဆိုင်သောအမှု မူးယစ်ဆေးဝါးအမှု ၀ရမ်းအရ ဖမ်းဆီးမှု နဲ့ အခြားအမှုပေါင်း ၁၂,၈၃၃ မှု ဖြင့် တရားစွဲဆိုထားကာဖမ်းဆီးခံရမှု ထဲမှာ တရားမဝင် နေထိုင် မှု ဖြင့် တရားစွဲဆို ခံရတာ အများဆုံး ဖြစ်ပြီး အမှုပေါင်း ၆၅၀၀ကျော်ရှိ တယ်လို့ ဆိုပါတယ်။
အခု စစ်ဆင်ရေး မှာ နိုင်ငံတဝှမ်းရှိ တရားမဝင် ရွှေ့ပြောင်းနေထိုင်သူ တွေကို ပစ်မှတ်ထားတဲ့ နေရာ ၁၄၄ ခုကျော်ကို ရှာဖွေစစ်ဆေးခဲ့တယ်လို့သိရပါတယ်။
ထိုင်းလူဝင်မှုကြီးကြပ်ရေးရဲတပ်ဖွဲ့ကလည်း ပြည်သူ တွေ ကိုတရားမဝင်ရွှေ့ပြောင်းနေထိုင်သူတွေ ၊တရားမဝင်လုပ်ဆောင်မှု တွေ နဲ့ ပတ်သက်တဲ့ အချက်အလက် တွေကို ၂၄ နာရီပတ်လုံး ၁၉၁ ကို ဖြစ်စေ ၊ ၁၅၉၉ ဖုန်းနံပါတ် တွေ ကိုဖြစ်စေ သတင်းပေးပို့ဖို့ တိုက်တွန်းထားပါတယ်။
Ref-Matichon Online၊News 24,Police News Varieties
